İstanbul terror aktı (2022)

2022-ci il İstanbul terror aktı — 13 noyabr 2022-ci il tarixində saat 16.20-də İstanbulun Beyoğlu səmtindəki İstiqlal küçəsində baş verən bombalı hücumdur. Partlayış nəticəsində 6 nəfər həlak olub, 2-si ağır olmaqla 81 nəfər yaralanıb.[2] Partlayışdan sonra İstiqlal küçəsi piyadaların üzünə bağlanıb, əraziyə çoxlu polis, təcili yardım və yanğınsöndürənlər gəlib. Təxminən bir saat sonra Radio və Televiziya Üst Şurası (RTÜK) partlayışla bağlı yayım qadağası qoyub.

İstanbul terror aktı
Ümumi məlumatlar
41°02′06″ şm. e. 28°58′53″ ş. u.
Yeri
Tarix 13 noyabr 2022
Silah(lar) Bomba
Ölü sayı
Yaralı sayı
Vikianbarın loqosu Vikianbarda əlaqəli mediafayllar

Partlayış sonrası[redaktə | mənbəni redaktə et]

Partlayışdan sonra əraziyə çoxlu xilasetmə, polis və sağlamlıq qrupları göndərilib, polis qüvvələri İstiqlal küçəsini boşaldıb və Taksim məscidi bağlanıb. Bildirilib ki, helikopterlər təhlükəsizlik məqsədilə küçənin ətrafına havadan baxış keçirib. Qırmızı Aypara Twitter-də ətrafdakı xəstəxanalara lazımi qan tədarükü edildiyini və təcili qan ehtiyacının olmadığını açıqlayıb.[3]

İstintaq davam edərkən, Təhlükəsizlik Baş İdarəsi hücumda istifadə edilən partlayıcının TNT olduğunu açıqlayıb.[4]

Zərər və itkilər[redaktə | mənbəni redaktə et]

4 nəfər hadisə yerində, 2 nəfər isə xəstəxanada olmaqla 6 nəfər ölüb, 81 nəfər yaralanıb. Yaralılar Taksim Təhsil və Araşdırma Xəstəxanası ilə Prof. Dr. O, Cəmil Taşcıoğlu Şəhər Xəstəxanasında müalicə olunub.[5]

Bundan başqa, partlayışın baş verdiyi ərazidəki mağaza və tikililərə də ziyan dəyib.

Sosial təsirlər[redaktə | mənbəni redaktə et]

Hücumun baş verdiyi axşam Vodafone Parkda Beşiktaş və Antalyaspor arasında oynanılacaq futbol matçı daha sonrakı tarixə təxirə salınıb.[6]

Hücumdan bir gün sonra İstiqlal prospektində küçə boyu cəmi 1200 türk bayrağı asılıb.[7] Həmin gün İstiqlal küçəsindən skamyalar götürülüb.[8]

İstinadlar[redaktə | mənbəni redaktə et]

  1. ↑ 1 2 https://www.cnnturk.com/video/turkiye/son-dakika-istiklal-caddesinde-patlama-vali-yerlikayadan-aciklama-4-olu-38-yarali.
  2. ↑ ""İstiklal Caddesi'nde patlama: 6 can kaybı, 81 yaralı var"". CNNTürk (türk). 13 noyabr 2022. 13 noyabr 2022 tarixində arxivləşdirilib. İstifadə tarixi: 15 noyabr 2022.
  3. ↑ ""Kızılay: Şu an için kan ihtiyacı bulunmamaktadır"". ensonhaber.com (türk). 13 noyabr 2022. 2022-11-14 tarixində arxivləşdirilib. İstifadə tarixi: 13 noyabr 2022.
  4. ↑ ""Taksim İstiklal Caddesi'nde bombalı saldırı... Emniyet'ten yeni açıklama TNT tespit edildi"". hurriyet.com.tr (türk). 13 noyabr 2022. 2022-11-15 tarixində arxivləşdirilib. İstifadə tarixi: 14 noyabr 2022.
  5. ↑ ""İstiklal Caddesi'nde patlama: 6 can kaybı, 81 yaralı var"". CNNTürk (türk). 13 noyabr 2022 tarixində arxivləşdirilib. İstifadə tarixi: 13 noyabr 2022.
  6. ↑ ""Beşiktaş-Antalyaspor maçı ertelendi"". trtspor.com.tr (türk). 13 noyabr 2022. 2022-11-13 tarixində arxivləşdirilib. İstifadə tarixi: 13 noyabr 2022.
  7. ↑ ""Bombalı saldırının ardından İstiklal Caddesi Türk bayraklarıyla donatıldı"". cumhuriyet.com.tr (türk). 14 noyabr 2022. 2022-11-15 tarixində arxivləşdirilib. İstifadə tarixi: 14 noyabr 2022.
  8. ↑ ""İstiklal Caddesi'ndeki saksılı banklar söküldü"". cumhuriyet.com.tr (türk). 14 noyabr 2022. 2022-11-15 tarixində arxivləşdirilib. İstifadə tarixi: 14 noyabr 2022.

Xarici keçidlər[redaktə | mənbəni redaktə et]