Şotta yukkası

Şotta yukkası
Şotta yukkası
Elmi təsnifat
	Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Birləpəlilər Dəstə: Quşqonmazçiçəklilər Fəsilə: Qulançarkimilər Yarımfəsilə: Agavoideae Cins: Yukka ???: Şotta yukkası
Beynəlxalq elmi adı
	Yucca ×schottii Engelm., 1873;
ITIS	43121
NCBI	215537
EOL	1083607

Şotta yukkası (lat. Yucca schottii) — qulançarkimilər fəsiləsinin yukka cinsinə aid bitki növü.

Təbii yayılması[redaktə | mənbəni redaktə et]

Kanada, Amerikanın Arizona ştatının cənubunda qumlu torpaqlarda bitir.

Botaniki təsviri[redaktə | mənbəni redaktə et]

Hündürlüyü 3-5 m-ə, diametri 1-3 m-ə çatan həmişəyaşıl kol bitkisidir. Budaqları düz və ya bir az əyilmışdir. Göyümtül, düz yarpaqlarının uzunluğu 0,2-0,5 m, eni 4 sm-dək olub coddur, kənarları dişciksizdir, bünövrəsində bir az daralır. Yarpağın kənarları nazik saplarla örtülmüşdür. Budaqları və çiçəksaplağı əyilmışdir. Çiçəkləri ağ olub, süpürgə çiçək qrupunda toplanmışdır. Abşeron şəraitində çiçəkləməsi iki dəfə: 1-ci çiçəkləmə aprel-may ayında, 2-ci çiçəkləmə isə avqust-sentyabr aylarında müşahidə edilir. Bol çiçəkləməsinə baxmayaraq, meyvə əmələ gətirmə tam başa çatmır. Toxumla, əsasən kök və gövdə pöhrələri ilə çoxaldılır. Bu məqsədlə gövdədə mişarla bir neçə yerdə yarıq açılır. Növbəti ildə həmin hissədən yeni cücərti əmələ gəlir. Toxumla çoxaldılmanın yazda aparılması məqsədyönlüdür.

Ekologiyası[redaktə | mənbəni redaktə et]

Həyat müddəti 50 ilə qədərdir. İşıqsevədir, küləyə və zərərvericilərə qaqrşı davamlıdır. Kasıb torpaqlarda da yaxşı bitir.

Azərbaycanda yayılması[redaktə | mənbəni redaktə et]

Lənkəran, Abşeron və Qobustanda mədəni şəraitdə becərilir.

İstifadəsi[redaktə | mənbəni redaktə et]

Yaşıllaşdırmada tək və qrup əkinlərində, canlı çəpərlərin salınmasında, müxtəlif kompozisiyaların qurulmasında genış istifadə edilir.

Məlumat mənbəsi[redaktə | mənbəni redaktə et]

Tofiq Məmmədov, "Azərbaycan dendroflorası II cild", Bakı:-"Səda"-2015. Arxivləşdirilib 2019-11-17 at the Wayback Machine

↑ Illustrated Handbook of Succulent Plants: Monocotyledons. / red. U. Eggli, R. Nyffeler 2 2020. S. 408–409. ISBN 978-3-662-56486-8 doi:10.1007/978-3-662-56486-8

[_4fdeecfc4d5bf65b-1] Illustrated Handbook of Succulent Plants: Monocotyledons. / red. U. Eggli, R. Nyffeler 2 2020. S. 408–409. ISBN 978-3-662-56486-8 doi:10.1007/978-3-662-56486-8

[1]