Ədalət Paşayev

Ədalət Məhəmməd oğlu Paşayev (1947, Dəyəqarabulaq, Gədəbəy rayonu – 2 noyabr 2020) — Azərbaycan Respublikası Nazirlər Kabineti yanında Dövlət Feldyeger Xidmətinin sabiq rəisi (2009–2016),^[1] feldyeger xidməti general-leytenantı.^[2]

Ədalət Paşayev
Azərbaycan Respublikası Nazirlər Kabineti yanında Dövlət Feldyeger Xidmətinin rəisi
15 may 2009 – 24 noyabr 2016
Şəxsi məlumatlar
Doğum tarixi	1947
Doğum yeri	Dəyəqarabulaq, Gədəbəy rayonu, Azərbaycan SSR, SSRİ
Vəfat tarixi	2 noyabr 2020(2020-11-02)
Rütbəsi	Feldyeger xidməti general-leytenantı
Vikianbarda əlaqəli mediafayllar

Ədalət Paşayev 1947-ci ildə Gədəbəy rayonunun Dəyəqarabulaq kəndində anadan olmuşdur. Azərbaycan Respublikasının Nazirlər Kabineti yanında Dövlət Feldyeger Xidmətinin sabiq rəisi olan Ədalət Paşayev Azərbaycanda feldyeger xidmətinin banisi, Dövlət Feldyeger Xidmətinin ilk rəisi olmaqla yanaşı MDB dövlətlərinin Hökumətlərarası Feldyeger Rabitəsi Əlaqələndirmə Şurasının da sabiq sədr müavini olmuşdur.

Prezident İlham Əliyev tərəfindən 2014-cü ildə göstərdiyi xidmətə görə general-leytenant ali xüsusi rütbəsi verilən Ədalət Paşayev 2 noyabr 2020-ci ildə vəfat etmişdir.