Əhməd İsgəndərov
Əhməd İsgəndərov Əhməd oğlu (23 noyabr 1927, Mərdəkan, Bakı, Azərbaycan SSR - 13 oktyabr 2017, Moskva, Rusiya) — tarixçi-şərqşünas, tarix elmləri doktoru (1969), professor (1970), Rusiya EA-nın müxbir üzvü (1979), RSFSR-in "Əməkdar elm xadimi" (1978). [1][2][3]
| Əhməd İsgəndərov | |
|---|---|
| Əhməd İsgəndərov Əhməd oğlu | |
 | |
| Doğum tarixi | 23 noyabr 1927 |
| Doğum yeri | |
| Vəfat tarixi | 13 oktyabr 2017 (89 yaşında) |
| Vəfat yeri | |
| Dəfn yeri |
|
| Vətəndaşlığı |
 SSRİ→ Rusiya |
| Elm sahələri | Yaponiya tarixi |
| Elmi dərəcəsi |
|
| Elmi adı |
|
| İş yerləri | |
| Təhsili |
|
| Üzvlüyü | |
| Mükafatları |
  |
Həyatı
[redaktə | mənbəni redaktə et]Əhməd İsgəndərov 23 noyabr 1927-ci ildə Bakının Mərdəkan qəsəbəsində anadan olmuşdur. 1940-cı ildə anasının ölümündən sonra Bakıya köçmüş və burada 8 saylı orta məktəbdə təhsil almışdır. Əhməd İsgəndərov 1943-cü ildə Bakı Memarlıq Texnikumuna daxil olaraq bir il orada oxumuş, daha sonra 1944-cü ildə yenicə yaranmış Hərbi-dəniz hazırlıq məktəbinə daxil olmuşdur. Lakin İsgəndərov təhsilini yarımçıq qoyaraq 1945-ci ildə Moskva Xarici Dillər Hərbi İnstitutuna daxil olmuşdur. Beş il burada oxumuş və 1950-cı ildə baş leytenant rütbəsi almışdır.[1][3]
Fəaliyyəti
[redaktə | mənbəni redaktə et]Əmək fəaliyyəti
[redaktə | mənbəni redaktə et]Əhməd İsgəndərov iki il Xarici Dillər Hərbi İnstitutunda işləyir. 1957-1958-ci illərdə SSRİ EA-nın Şərqşünaslıq İnstitutunda kiçik elmi işçi, 1958-ci ildən 1965-ci ilə qədər Praqada çıxan "Dünyanın və sosializmin problemi" jurnalında məsləhətçi redaktor, daha sonra şöbə müdirinin müavini vəzifəsində çalışır. O, 1960-63-cü illərdə SSRİ EA-nın Asiya Xalqları İnstitutunda böyük elmi işçi, 1963-65-ci illərdə "Dünyanın və sosializmin problemı" jurnalında şöbə müdiri vəzifəsini icra edir.[1][2]
1965-1969-cu illərdə SİKP MK informasiya şöbəsində məsləhətçi, 1969-70-ci illərdə SSRİ Xarici İşlər Nazirliyində məsləhətçi-ekspert, 1970-1972-ci illərdə SSRİ EA-nın Beynəlxalq Fəhlə Hərəkatı İnstitutunun direktor müavini kimi fəaliyyət göstərir. Daha sonra 1972-1987-ci illərdə SSRİ EA-nın Ümumi Tarix İnstitutunda baş elmi işçi, direktor müavini işləyir. Əhməd İsgəndərov 1987-ci ildən "Tarixin sualları" jurnalının baş redaktoru olur.[1][2][3]
Elmi fəaliyyəti
[redaktə | mənbəni redaktə et]Əhməd İsgəndərov 1953-cü ildə SSRİ Elmlər Akademiyası Şərqşünaslıq İnstitutunun aspiranturasına daxil olmuşdur. O, 1955-ci ildə M.V.Lomonosov adına Moskva Dövlət Universitetinin fəlsəfə fakültəsini bitirmişdir. 1958-ci ildə Yaponiya tarixi üzrə namizədlik dissertasiyasını müdafiə etmişdir. Əhməd İsgəndərov 1969-cu ildən tarix elmləri doktoru, 1970-ci ildən professor elmi rütbəsini almışdır. O, 1979-cu ildə SSRİ EA-nın müxbir-üzvü, həmçinin Asiya və Afrika ölkələri Sovet Həmrəylik Komitəsi Rəyasət Heyətinin üzvü olmuşdur.[1][3]
Elmi əsərləri
[redaktə | mənbəni redaktə et]40 il elmi fəaliyyətlə məşğul olan Əhməd İsgəndərov Yaponiyanın feodalizm dövrünə, tarixi və mədəniyyətinə, beynəlxalq milli azadlıq hərəkatına həsr olunmuş təqribən 80-dək elmi əsərin müəllifidir. Eyni zamanda alim "Üçüncü dünya: problemlər və perspektivlər" kollektiv monoqrafiyanın əsas müəlliflərindəndir. Həmçinin 2002-ci ildə nəşr olunmuş "İmperiyanın qürubu" adlı kitabın müəllifidir. Əhməd İsgəndərovun əsərləri bir sıra xarici dillərə tərcümə edilmişdir. Əsas elmi işləri:[1]
- "Toetomi Xideyosi"
- "Tarix və cəmiyyət"
- "XVI yüzilliyin feodal Yapon şəhəri"
- "Rusiya monarxiyası: islahatlar və inqilab"
- "Afrika, siyasət, iqtisadiyyat, ideologiya"
- "Portuqaliyanın Yaponiyaya girməsi tarixindən"
Vəfatı
[redaktə | mənbəni redaktə et]Əhməd İsgəndərov 13 oktyabr 2017-ci ildə Moskvada vəfat etmişdir.[1]
Mükafatları
[redaktə | mənbəni redaktə et]- 1978-ci ildə RSFSR-in "Əməkdar elm xadimi" fəxri adına layiq görülmüşdür.
- 1987-ci ildə "Şərəf nişanı" ordeni ilə təltif olunmuşdur.[1]
Nəşrləri
[redaktə | mənbəni redaktə et]- Искендеров, Ахмед Ахмедович. Феодальный город Японии XVI столетия. — М., 1962.
- Искендеров, Ахмед Ахмедович. Национально-освободит, движение: проблемы, закономерности, перспективы. — М., 1970.
- Искендеров, Ахмед Ахмедович. Третий мир: проблемы и перспективы / (на многих языках, в соавт.). — М., 1972—1974.
- Искендеров, Ахмед Ахмедович. Африка: политика, экономика, идеология (на англ. и фр. яз.). — М., 1973—1976.
- Искендеров, Ахмед Ахмедович. Освободившиеся страны на пороге XXI в. — М., 1988.
- А.А Искендеров. Тоётоми Хидэёси. Издательство "Наука" Главная редакция восточной литературы. Москва 1984
- Искендеров, Ахмед Ахмедович. История и общество. — М., 1988.
- Искендеров, Ахмед Ахмедович. Рос. монархия: реформы и революции. — ВИ, 1993-1995.
- Энциклопедический словарь юного историка / Искендеров, Ахмед Ахмедович. — 2-3 изд. — Москва, 1994, 1997.
- Историческая наука на пороге XXI в. — Вопросы истории, 1996. — Т. № 4.
- Научная элита. Кто есть кто в Российской Академии наук. — М., 1993. — С. 284.
İstinadlar
[redaktə | mənbəni redaktə et]- ↑ 1 2 3 4 5 6 7 8 "Əhməd İsgəndərov" (PDF) (Azərbaycan). files.preslib.az. 23-5-2011 tarixində arxivləşdirilib (PDF).
- ↑ 1 2 3 Asya Hacızadə. "Moskvada görkəmli tarixçi Əhməd İsgəndərovun 75 illiyi qeyd edilmişdir" (Azərbaycan). azertag.az. 18-2-2020 tarixində arxivləşdirilib.
- ↑ 1 2 3 4 Vüqar Orxan. "Tarixçi, Şərqşünas Əhməd İsgəndərov" (Azərbaycan). medeniyyet.az. 24-11-2019 tarixində arxivləşdirilib.
Ədəbiyyat siyahısı
[redaktə | mənbəni redaktə et]- Мировой революционный процесс на современном этапе /А.Искендеров.- М.: Знание, 1966.- 47 с.
- Национально-освободительное движение /А.Искендеров.- М.: Международное отношения, 1970.- 392 с.
- Освободившиеся страны к 2000 году /А.Искендеров.- М.: Международное отношения, 1986.- 67 с.
- Феодальный город Японии ХV1 столетия /А.Искендеров.- М.: Изд.вост.лит., 1961.- 116 с.