Əhməd Məhəmməd Aq Amani

Əhməd Məhəmməd Aq Amani (fr. Ahmed Mohamed ag Hamani; 1942, Qundam[d], Tombuktu[d]) — Mali dövlət xadimi və siyasətçisi. O, 2002–2004-cü illərdə Malinin baş naziri vəzifəsində çalışmışdır.[1]

Əhməd Məhəmməd Aq Amani
fr. Ahmed Mohamed ag Hamani
bayraq
Malinin baş naziri
bayraq2
9 iyun 2002 – 29 aprel 2004
ƏvvəlkiMobido Keyta
SonrakıOsman İssufi Maiqa
Şəxsi məlumatlar
Doğum tarixi 1942
Doğum yeri
Milliyyəti tuareq
Vətəndaşlığı  Mali
Fəaliyyəti diplomat, siyasətçi

Həyatı

[redaktə | mənbəni redaktə et]

Əhməd Məhəmməd Aq Amani 1942-ci ildə, Malinin Qundam kommunasında bir tuareq ailəsində anadan olmuşdur. O, 1975-ci ildə Malinin planlaşdırma nazirinin texniki məsləhətçisi olur,[1] 7 yanvar 1978-ci il tarixində isə şirkətlərə və dövlət müəssisələrinə nəzarət naziri olaraq hökumətə qoşulur. Əhməd Məhəmməd daha sonra, 28 iyun 1979-cu il tarixində Mali hökumətində informasiya və telekommunikasiya naziri kimi çalışır. O, 2 avqust 1980-ci il tarixində isə planlaşdırma naziri təyin edilir,[2][3][4] prezident və müdafiə naziri olan Musa Traoredən sonra Mali hökumətindəki ikinci ən əhəmiyyətli şəxsə çevrilir. Əhməd Məhəmməd 31 dekabr 1984-cü il tarixində idman, incəsənət və mədəniyyət naziri, daha sonra, 6 iyun 1986-cı il tarixində isə nəqliyyat və ictimai işlər naziri olur. O, 20 yanvar 1987-ci il tarixində Mali hökumətindən ayrılır və Seneqal Çay İnkişaf Təşkilatının ali komissarı olur ki, o, 1992-ci ilə qədər orada çalışır. Əhməd Məhəmməd 1993-cü ildə Mali Prezidenti Alfa Ömər Konare tərəfindən Mərakeş səfiri təyin edilir. O, daha sonra Belçika, Niderland, Birləşmiş Krallıq, Lüksemburq və Avropa İttifaqına səfir vəzifəsini icra edir.[1][2]

Əhməd Məhəmməd Aq Amani 9 iyun 2002-ci il tarixində Malinin baş naziri təyin edilir. Bu, seçkilərdə qalib gələn Amadu Tumani Ture prezident vəzifəsinə başladıqdan sonra baş verir.[5] Bu təyinat əvvəlcə 2002-ci ilin iyul ayında keçirilmiş parlament seçkilərinə qədər müvəqqəti hesab edilirdi, lakin o, parlament seçkilərindən sonra, yəni 12 oktyabr 2002-ci il tarixində yenidən baş nazir vəzifəsinə gətirilir.[1] O, Amadu Tumani Turenin tələbi ilə 28 aprel 2004-cü il tarixində hökumətə istefa məktubu verir. Bundan sonra, 29 aprel tarixində Osman İssufi Maiqa baş nazir təyin edilir.[5][6][7]

İstinadlar

[redaktə | mənbəni redaktə et]
  1. ↑ 1 2 3 4 "" Énormément de choses ont changé depuis la présidentielle "" [daimi ölü keçid], Jeune Afrique, may 11, 2003
  2. ↑ 1 2 "Nomination du nouveau chef du gouvernement et du nouveau Secrétaire général de la présidence: La garde rapprochée se met en place" [daimi ölü keçid], L'Essor, June 11, 2002
  3. ↑ "Aug 1979 — Election of National Assembly — Government Reorganization — Annulment of Sentences for Corruption", Keesing's Record of World Events, volume 25, August 1979, Mali, page 29,789.
  4. ↑ "Nov 1980 — Government Reorganization — Student Unrest — Sentences in Corruption Trial", Keesing's Record of World Events, volume 26, November 1980, Mali, page 30,556.
  5. ↑ 1 2 "Démission du gouvernement: la voie ouverte au remaniement" [daimi ölü keçid], L'Essor, April 29, 2004
  6. ↑ "Le nouveau gouvernement du Mali" [daimi ölü keçid], L'Essor, October 17, 2002
  7. ↑ "Ousmane Issoufi Maïga nommé Premier ministre : style direct, expérience éprouvée" [daimi ölü keçid], L'Essor, number 15,196, April 30, 2002