Əliheydər Kazımov

Əliheydər Kazımov (28 fevral 1963-cü il; Əlibayramlı (indiki Şirvan) - 2 iyul 1992-ci il; Bakı şəhəri) — Qarabağ müharibəsinin şəhidi.

Əliheydər Kazımov
Şəxsi məlumatlar
Doğum tarixi	28 fevral 1963
Doğum yeri	Əlibayramlı (indiki Şirvan), Azərbaycan
Vəfat tarixi	2 iyul 1992 (29 yaşında)
Vəfat yeri	Bakı, Azərbaycan
Dəfn yeri	Qaradağ rayonu Lökbatan qəsəbəsi
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Döyüşlər	Qarabağ müharibəsi

Həyatı[redaktə | mənbəni redaktə et]

Əliheydər Əliağa oğlu Kazımov 28 fevral 1963-cü ildə keçmiş Əlibayramlı (indiki Şirvan) şəhərində doğulub. 1970-ci ildə şəhərdəki orta məktəbin I sinfinə daxil olub, V sinifə qədər burada oxuyub, daha sonra təhsilini H.Cavid adına 132 saylı orta məktəbdə davam etdirib.^[1]

1976-1980-ci illərdə Asəf Zeynallı adına musiqi məktəbinin Fortepiano şöbəsində daxil olan Əliheydər 1990-1992-ci illərdə Qaradağ rayonunun Sahil qəsəbəsindəki 228 saylı tam orta məktəbdə musiqi müəllimi kimi işləyib.^[2]

1992-ci il 1-ci Qarabağ döyüşləri başlayanda vətənin qəhrəman oğulları kimi Əliheydər də döyüşə yollanıb. 1992-ci il iyunun 20-də Füzuli rayonunun Qacar kəndi uğrunda gedən ağır döyüşlərin birində yaralanaraq Bakıya gətirilib, lakin qrad qəlpələri səbəbindən aldığı xəsarətlər nəticəsində Əliheydəri yenidən həyata qaytarmaq mümkün olmayıb. 1992-ci il iyulun 2-də Əliheydər Kazımov həyatla vidalaşıb. Şəhidlik adlı müqəddəs zirvəyə ucalanlardan olub. Qaradağ rayonunun Lökbatan qəsəbəsində ümumi qəbristanlıqda dəfn edilib.^[3]

Ailəsi[redaktə | mənbəni redaktə et]

Əliheydər Kazımov müharibəyə gedəndə ailəli olub. Bir oğul atasıdır.

Xatirəsi[redaktə | mənbəni redaktə et]

Əliheydər Kazımovun vaxtı ilə çalışdığı 228 nömrəli tam orta məktəb hazırda onun adını daşıyır.

228 nömrəli tam orta məktəbin qarşısında Əliheydər Kazımovun xatirəsinə həsr olunan bulağın açılışı olub.^[4]

İstinadlar[redaktə | mənbəni redaktə et]