2017 İslam Həmrəyliyi Oyunlarında futbol

Dünyanın ən məşhur idman növlərindən biri olan futbol 4-cü İslam Həmrəyliyi Oyunlarının da tərkib hissəsidir. Futbol yarışlarında 8 kişi komandası qızıl medal uğrunda rəqabət aparıb. Yarışlar Bakıda yerləşən bir neçə məkanda keçirilib. Azərbaycan milli futbol komandasının ənənəvi ev stadionu olan Tofiq Bəhramov adına Respublika Stadionu final qarşılaşmasına, Dalğa Arena yarımfinal oyunlarına, Azal Arena və Bayıl Arena isə qrup mərhələsinin yarışlarına ev sahibliyi edib. Mayın 8-də "Bakı-2017" IV İslam Həmrəyliyi Oyunlarının futbol yarışına start verilib.^[1].

Ölkə	Azərbaycan
Tarix	8 may-21 may 2017 Bakı
Komandalar	8 (3 konfederasiyadan)  Azərbaycan  Türkiyə  Səudiyyə Ərəbistanı  Mərakeş  Əlcəzair  Kamerun  Oman  Fələstin
Çempion	Azərbaycan
Finalçı	Oman
3-cü	Əlcəzair
4-cü	Kamerun
Oyun sayı	16
Qol sayı	37 (oyun başına 2.31)
Bombardir(lər)	Oday Dabbaq (3 qol)
← 2013

Səkkiz komandanın qatıldığı yarışda ev sahibi Azərbaycan ilə yanaşı, Türkiyə, Səudiyyə Ərəbistanı, Kamerun, Mərakeş, Oman, Fələstin və Əlcəzair milliləri də qələbə uğrunda mübarizə aparırlar. Azərbaycan millisi ev sahibi olduğu üçün "A" qrupunda yer alıb. Bu qrupda milli komandamızın rəqibləri Kamerun, Səudiyyə Ərəbistanı və Mərakeş milliləridir. "B" qrupunda isə Türkiyə, Əlcəzair, Oman və Fələstin yığma komandaları yarışırlar. Yarışın ilk günündə Azərbaycan millisi "Bayıl Arena" stadionunda Kamerun yığması ilə qarşılaşıb. Gürcüstanlı baş hakim Giorgi Kuraşvilinin idarə etdiyi oyunda hesab açılmayıb. "A" qrupunun digər oyunu Səudiyyə Ərəbistanı və Mərakeş yığmaları arasında keçirilib. "AZAL Arena"da təşkil olunan matçın ilk hissəsində hesab açılmayıb. İkinci hissəyə daha fəal başlayan Mərakeş millisi matçın 76-cı dəqiqəsində istəyinə nail olub. Çouaib Əl Maftul adını tabloya yazdırıb – 1:0. Bu, oyunda yeganə qol olub və Mərakeş millisi "Bakı-2017"yə qələbə ilə başlayıb."B" qrupunun ilk oyununda isə "Bayıl" stadionunda Türkiyə millisi Əlcəzair yığması ilə qarşılaşıb. Azərbaycanlı hakimlər briqadasının idarə etdiyi oyunun ilk hissəsində Türkiyə millisi hesabı açıb. Matçın 38-ci dəqiqəsində Onur Eriş fərqlənib – 1:0. Oyunun 78-ci dəqiqəsində əlcəzairli Fərid Əl Məlali hesabı bərabərləşdirib – 1:1. Görüşün sonuncu dəqiqəsində Türkiyə millisinin qapısına təyin olunmuş 11 metrlik cərimə zərbəsini dəqiq yerinə yetirən Ahmed Qaqqa Əlcəzair millisinin qələbəsini rəsmiləşdirib – 2:1. Bu qrupun digər görüşü "AZAL Arena"da Fələstin və Oman yığmaları arasında oynanılıb. Qarşılaşmanın 5-ci dəqiqəsində fələstinli Oday Dabbaq hesabı açıb. Oyunun ilk hissəsi Fələstin millisinin minimal hesablı üstünlüyü ilə başa çatıb – 1:0. İkinci hissəyə daha fəal başlayan Oman yığması 48-ci dəqiqədə Marvan Vadi Avladın qolu ilə hesabı bərabərləşdirib – 1:1. Görüşün 54-cü dəqiqəsində Oday Dabbaqın dublu ilə Fələstin yenidən hesabda önə çıxıb. Matçın 86-cı dəqiqəsində Marvan Vadi Avlad dubl edərək hesaba tarazlıq gətirib – 2:2. Qalan vaxtda hesab dəyişməyib və matç 2:2 hesablı heç-heçə ilə yekunlaşıb.^[2].

"Bakı-2017"nin futbol yarışının qrup mərhələsinin ikinci turunun görüşləri mayın 11-də olub. "A" qrupunda Azərbaycan-Səudiyyə Ərəbistanı, Kamerun-Mərakeş, "B" qrupunda isə Oman-Türkiyə və Fələstin-Əlcəzair görüşləri oynanılıb."Bakı-2017"nin futbol yarışlarında hər bir komandanın heyəti 23 yaşadək futbolçulardan ibarətdir. Bununla yanaşı, yaşı 23-dən yuxarı olan üç futbolçu da heyətdə yer alır. Qeyd edək ki, futbol üzrə Azərbaycan millisi İslam Həmrəyliyi Oyunlarında ilk dəfə çıxış edib.

"A" qrupu çərçivəsində keçirilən Kamerun-Mərakeş görüşündə qalib müəyyənləşməyib. "Bayıl Arena"da keçirilən oyunun 29-cu dəqiqəsində kamerunlu Panqop Tçidcu Frantz hesabı açıb. Oyunun ilk hissəsi Kamerun millisinin minimal hesablı üstünlüyü ilə başa çatıb – 1:0. Oyunun 58-ci dəqiqəsində Kamerun millisinin üzvü Kami Ntankue Yves Daniel qırmızı vərəqə alaraq matçdan kənarlaşdırılıb. Bərabərlik qolunu matçın ikinci hissəsinə artırılan əlavə vaxtda mərakeşli Həmzə Qodali vurub.

Azərbaycanlı hakimlər briqadasının idarə etdiyi oyun 1:1 hesablı heç-heçə ilə başa çatıb. 23 yaşadək futbolçulardan ibarət Azərbaycan milli komandası Səudiyyə Ərəbistanı yığması ilə qarşılaşıb. Matç Yaşar Vahabzadənin rəhbərlik etdiyi kollektivin 2:0 hesablı qalibiyyəti ilə yekunlaşıb. Qarşılıqlı hücumlar şəraitində keçən görüşün ilk hissəsində hesab açılmayıb. İkinci hissəyə daha fəal başlayan millimiz 67-ci dəqiqədə Elşən Abdullayevin qolu ilə azarkeşləri sevindirib. Görüşün 80-ci dəqiqəsində Ağabala Ramazanov ikinci topu rəqib qapısından keçirib. Qalan dəqiqələrdə qapılara qol vurulmayıb və oyun 2:0 hesabı ilə Azərbaycan millisinin xeyrinə başa çatıb. Turnirdə qazandığı ilk qələbə sayəsində xalını 4-ə çatdıran yığma vurulan qollardakı say üstünlüyünə görə 1-i pilləyə yüksəlib.^[3].

Qeyd edək ki, A qrupunun digər matçında Kamerun və Mərakeş komandaları heç-heçə ediblər — 1:1.

Bu nəticələrdən sonra Azərbaycanla eyni xala malik Mərakeş yığması ilə 2-ci pillədə yer alıb. Kamerun 2 xalla 3-cü pillədə qərarlaşdığı halda, keçirdiyi hər iki oyunda uduzan Səudiyyə Ərəbistanı qrupdan çıxmaq şansını itirib.

"B" qrupunun ikinci turu çərçivəsində Oman millisi Türkiyə yığmasını məğlub edib. "AZAL Arena"da təşkil olunan görüşün 27-ci dəqiqəsində türkiyəli futbolçu Melih Okutan hesabı açıb. İlk hissənin sonuncu dəqiqəsində Oğuzhan Kayar ikinci topu Oman millisinin qapısından keçirib. Görüşün birinci hissəsi Türkiyə millisinin 2:0 hesablı üstünlüyü ilə yekunlaşıb. İkinci hissəyə daha fəal başlayan Oman millisi 58-ci dəqiqədə Ahmed Əl-Matruşi, 63-cü dəqiqədə isə Salaah Əl-Yahyainin qolu ilə hesabı bərabərləşdirib. Görüşün 72-ci dəqiqəsində Türkiyə yığmasının qapısına təyin olunmuş penalti zərbəsini dəqiq yerinə yetirən Muhsen Əl-Qassani Oman millisini hesabda önə çıxarıb. Komandaların cəhdlərinə baxmayaraq oyunun sonunadək hesab dəyişməyib. Beləliklə, Oman millisi Türkiyə yığmasını 3:2 hesabı ilə məğlub edib. Digər matç "AZAL Arena"da Fələstin və Əlcəzair yığmaları arasında oynanılıb. Qarşılaşmanın ilk hissəsində hesab açılmayıb. Görüşdə yeganə qol oyunun 63-cü dəqiqəsində qeydə alınıb. Fələstin millisinin qapısına təyin olunmuş 11 metrlik cərimə zərbəsini dəqiq yerinə yetirən Fərid Əl-Məlali Əlcəzair millisinin qələbəsini rəsmiləşdirib — 1:0.

Futbol yarışlarında qrup mərhələsinə yekun vuruldu. Baş tutan 4 matçdan sonra yarımfinalçıların adlarına aydınlıq gəlib. Öncə B qrupunda görüşlər keçirilib. Türkiyə ilə matçda 3 top fərqi ilə önə keçən Fələstin bu üstünlüyünü qoruya bilməyib. İnanılmaz geridönüşə imza atan "ay-ulduzlular" özlərindən sonra rəqibin də qrupdan çıxmasına imkan verməyiblər. Digər qarşılaşmadan sülhlə ayrılan Əlcəzairlə Oman əl-ələ verib, qrup səddini aşıblar. Milli komandamız A qrupunda Mərakeşlə Azərbaycan komandaları üz-üzə gəlib. İlk iki turdan sonra aktivində 4 xalı olan yığmamıza bu matçda bərabərlik də kifayət edirdi. Nəticədə rəqibi ilə qolsuz bərabərə qalan Yaşar Vahabzadənin yetirmələri yollarına davam ediblər, lakin komandamız qrupu ikinci sırada tamamlayıb. Çünki digər oyunda Səudiyyə Ərəbistanını böyük hesabla üstələyən Kamerun lider kimi mərhələ adlayıb. Millimiz qrupdan çıxıb, yarımfinalda Əlcəzairə rəqib oldu. Beləliklə, millimiz yarımfinalda Əlcəzairlə, Kamerun isə Omanla qarşılaşacaq. Yarımfinal mərhələsinin görüşləri mayın 18-də baş tutacaq.^[4].

Y.	Komanda	O.	Q.	B.	M.	Vq	Bq	Tf	X.
1	Kamerun	3	1	2	0	4	1	+3	5
2	Azərbaycan	3	1	2	0	2	0	+2	5
3	Mərakeş	3	1	2	0	2	1	+1	5
4	Səudiyyə Ərəbistanı	3	0	0	3	0	6	-6	0

8 may 2017 10:30

Səudiyyə Ərəbistanı 0 : 1 Hesabat  Mərakeş Qollar  76' Çouaib Əl Maftul

AZAL Arena Hakim: Mikola Balakin

8 may 2017 18:30

Azərbaycan 0 : 0 Hesabat  Kamerun

Bayıl Arena Hakim: Giorgi Kuraşvili

11 may 2017 12:30

Kamerun 1 : 1 Hesabat  Mərakeş  29' Panqop Tçidcu Frantz Qollar  90+1' Həmzə Qodali

Bayıl Arena Hakim: Rəhim Həsənov

11 may 2017 18:30

Azərbaycan 2 : 0 Hesabat  Səudiyyə Ərəbistanı  67' Elşən Abdullayev  80' Ağabala Ramazanov Qollar

Bayıl Arena Hakim: Andrey Çeban

15 may 2017 18:30

Kamerun 3 : 0 Hesabat  Səudiyyə Ərəbistanı  39' (başla qol) Nkolo Ossinqane  45+1' (pen.) Panqop Tçidcu Frantz  59' Makki Bağnyak Qollar

AZAL Arena Hakim: Əliyar Əliyev

15 may 2017 18:30

Mərakeş 0 : 0 Hesabat  Azərbaycan

Bayıl Arena Hakim: Giorgi Kuraşvili

Y.	Komanda	O.	Q.	B.	M.	Vq	Bq	Tf	X.
1	Əlcəzair	3	2	1	0	4	2	+2	7
2	Oman	3	1	2	0	6	5	+1	5
3	Türkiyə	3	1	0	2	7	8	-1	3
4	Fələstin	3	0	1	2	5	7	-2	1

8 may 2017 12:30

Əlcəzair 2 : 1 Hesabat  Türkiyə  78' Fərid Əl Məlali  90+6' (pen.) Ahmed Qaqqa Qollar  38' Onur Eriş

Bayıl Arena Hakim: Əliyar Əliyev

8 may 2017 16:30

Fələstin 2 : 2 Hesabat  Oman  5' (54) Oday Dabbaq Qollar  48' (86) Marvan Vadi Avlad

AZAL Arena Hakim: Andrey Çeban

11 may 2017 10:30

Oman 3 : 2 Hesabat  Türkiyə  58' Əl Matruşi  64' Salaah Əl Yahyai  73' (pen.) Muhsen Əl Qassani Qollar  27' Melih Okutan  45+1' Oğuzhan Kayar

AZAL Arena Hakim: Giorgi Kuraşvili

11 may 2017 16:30

Fələstin 0 : 1 Hesabat  Əlcəzair Qollar  63' (pen.) Fərid Əl-Məlali

AZAL Arena Hakim: Mikola Balakin

15 may 2017 12:30

Oman 1 : 1 Hesabat  Əlcəzair  40' Muhsin Əl Qassani Qollar  45+1' Tayeb Meziani

AZAL Arena Hakim: Andrey Çeban

15 may 2017 12:30

Türkiyə 4 : 3 Hesabat  Fələstin  44' (81) Hakkı Can Aksu  63' Melih Okutan  70'Onur Eriş Qollar  22' Oday Əl Dabbaq  29' Mohammed Maraaba  33' İslam Batran

Bayıl Arena Hakim: Mikola Balakin

Bakı		Bakı
Tofiq Bəhramov adına Respublika Stadionu		Dalğa Arena
Tutumu: 31,200		Tutumu: 6,500
Bakı		Bakı
Bayıl Arena		AZAL Arena
Tutumu: 5,000		Tutumu: 3,500

Bu mərhələdə U-23 millimiz də finala vəsiqə uğrunda mübarizə aparıb. Komandamızın rəqibi isə Əlcəzair yığması idi. Futbolçularımız bu görüşdən iki cavabsız qolla qalib ayrılıblar. Nəticədə, Azərbaycan İslamiadanın ilk finalına çıxan komanda olub. Digər yarımfinal oyununda isə Kamerun yığması ilə Oman üz-üzə gəlib

18 may 2017 12:30

Əlcəzair 0 : 2 Hesabat  Azərbaycan Qollar  22'Ruslan Abışov  29' Məqsəd İsayev

Dalğa Arena Hakim: Mikola Balakin

Oyunun əsas vaxtı qolsuz bərabərliklə çatdığı üçün 30 dəqiqəlik əlavə vaxt verilmiş və nəticədə hesab yenə dəyişməmiş. 0:0 Qalibi müəyyən etmək üçün görüşün hakimi qapılara 11 metrlik cərimə zərbələri təyin edib. Bu zərbələri daha dəqiq yerinə yetirən Oman komandası finala çıxıb. Kamerun komandası isə bürünc medallar uğrunda mübarizə aparacaq.

18 may 2017 18:30

Kamerun 0 : 0 (əlavə vaxt 0 : 0) 11 m. 3 : 4 Hesabat  Oman Moundi Alim Mohaze Serge Andoulo Mbaissidara Mbaiza Olivier Kunde Malonq Pierre Panqop Tçidcu Frantz Bağnyak MoueqniI Makki Frank 11 metrlik cərimə zərbələri Əl-Yahyaeyi Saalah Əl-Qassani Muhsen Əl Matruşi Ahmed Əl-Mmamari Juma Mubarak Əl-Kaabi Ahmed Əl-Habsi Juma

Dalğa Arena Hakim: Rəhim Həsənov

	Yarımfinal				Final
	18 may 2017
	Kamerun	0 3
	Oman	0 4
					21 may 2017
					Azərbaycan	2
					Oman	1
					Üçüncü yer uğrunda oyun
	18 may 2017			21 may 2017
	Əlcəzair	0		Əlcəzair	2
	Azərbaycan	2			Kamerun	0

Bürünc medallar uğrunda Əlcəzair və Kamerun milli komandaları qarşılaşıblar. Tofiq Bəhramov adına Respublika stadionunda keçirilən görüş azərbaycanlı hakimlər briqadası tərəfindən idarə olunub. Qarşılıqlı hücumlar şəraitində keçən görüşün ilk hissəsində hesab açılmayıb. Matçda ilk qol oyunun 55-ci dəqiqəsində vurulub. Kamerun millisinin qapısına təyin olunmuş 11 metrlik cərimə zərbəsini dəqiq yerinə yetirən Qaqa Ahmed hesabı açıb. Görüşün 64-cü dəqiqəsində Hamra Abderrahim ikinci topu Kamerun yığmasının qapısından keçirib – 2:0. Qalan dəqiqələrdə qapılara qol vurulmayıb və oyun 2:0 hesabı ilə Əlcəzair millisinin xeyrinə başa çatıb. Bununla da Əlcəzair milli komandası IV İslam Həmrəyliyi Oyunlarının futbol yarışının bürünc medallarına sahib olub.

21 may 2017 14:00

Əlcəzair 2 : 0 Hesabat  Kamerun Əhməd Qaqqa  55' (pen.) Abderrahim Hamra  63' Qollar

Tofiq Bəhramov adına Respublika Sadionu Hakim: Əliyar Ağayev

23 yaşadək milli komandamız finalda Oman milli komandası ilə qarşılaşıb. Görüşə fəal başlayan Azərbaycan millisi 17-ci dəqiqədə istəyinə nail olub. Millimizin futbolçusu Mahir Mədətov rəqib komandanın qapısına yol taparaq komandamızı hesabda önə çıxarıb — 1:0. Qarşılaşmanın 22-ci dəqiqəsində komandamız ikinci topu rəqib qapısından keçirməyə yaxın olsa da, top çərçivədən keçməyib. Oman millisinin qapısına təyin olunmuş cərimə zərbəsini Mahir Mədətov dəqiq yerinə yetirə bilməyib, lakin beş dəqiqə sonra Mahir Mədətov özünün və komandasının ikinci qolunu vurub — 2:0. Qarşılaşmanın 56-cı dəqiqəsində rəqib komandanın futbolçusu Salaah Əl-Yahyai hesab arasındakı fərqi azaldıb — 2:1, lakin bu, matçda vurulan son qol olub və Azərbaycan millisi tarixində ilk dəfə beynəlxalq miqyaslı turniri çempion kimi başa vurub.

21 may 2017 21:00

Azərbaycan 2 : 1 Hesabat  Oman  17' (27) Mahir Mədətov Qollar  56' Əl Yahyaei

Tofiq Bəhramov adına Respublika Sadionu Hakim: Giorgi Kuraşvili

Oday Dabbaq (3 qol)

Mahir Mədətov (2 qol)

Əhməd Qaqqa (2 qol)

Fərid Əl Məlali (2 qol)

Panqop Tçidcu Frantz (2 qol)

Muhsen Əl-Qassani (2 qol)

Salaah Əl-Yahyai (2 qol)

Marvan Vadi Avlad (2 qol)

Melih Okutan (2 qol)

Hakkı Can Aksu (2 qol)

№	Qr	Komanda	O	Q	H	U	QT	QQ	QF	Xal	Yekun nəticə
1	A	Azərbaycan	5	3	2	0	6	1	+5	11	Qızıl medal
2	B	Oman	5	1	3	1	7	6	+1	6	Gümuş medal
3	B	Əlcəzair	5	3	1	1	6	4	+2	10	Bürünc medal
4	A	Kamerun	5	1	3	1	4	3	+1	6	4-cü yer
5	A	Mərakeş	3	1	2	0	2	1	+1	5	Qrup məhrələsində ələnənlər
6	B	Türkiyə	3	1	0	2	7	8	−1	3
7	B	Fələstin	3	0	1	2	5	7	−2	1
8	A	Səudiyyə Ərəbistanı	3	0	0	3	0	6	−6	0