501 nömrəli kamera

501 nömrəli kamera ― 1966-cı ildə çəkilmiş Türkiyə filmi.^[2]

501 nömrəli kamera
501 numaralı hücre
Janr	tarixi film, bioqrafik film, dram filmi
Rejissor	Nüsrət Əraslan[d]
Ssenari müəllifi	Nüsrət Əraslan[d]
Baş rollarda	Cüneyt Gökçer[d] Aytən Gökçer[d] Şahap Akalın[d] Tekin Akmansoy[d] Atıf Kaptan[d] Bozqurd Kuruç[d] Semih Sergen[d]
İstehsalçı	Ordu Foto Film Mərkəzi — Kafkas film
İlk baxış tarixi	1967
Filmin növü	tammetrajlı bədii-sənədli film
Müddət	2 saat 55 dəqiqə[1]
Ölkə	Türkiyə
Dil	türk dili
İl	1966
Mövsüm sayı	1
Bölüm sayı	2
Rəng	rəngli
IMDb	ID0429483

Filmdə sovet rejimi dövründə Bakıda Hərbi Hava Məktəbinin Uçuş Bölməsinin komandiri olarkən KQB tərəfindən barələrində ölüm hökmü çıxarılmış və Türkiyədə mühacir həyatı yaşamalı olmuş azərbaycanlı zabit Məmməd Altunbay və istiqlal yoldaşlarının fəaliyyətindən bəhs olunur.^[3]

Məmməd Altunbay Türkiyədə mühacir həyatı yaşadığı dövrdə İstanbulda "Hürriyyət" və "Yeni səhər" qəzetində xatirələrini "Türk təyyarəçisi Məhəmməd Altunbay Rusiyadan necə qaçdı?" və "Cəhənnəmdə gördüklərim" başlıqları ilə yayımlayır. Sonradan bu xatirələrini ssenari şəklinə salıb Türkiyə Baş qərargahı sədrliyinə təqdim edir. Tədqiqat nəticəsində 1966-cı il dekabrın 6-da Baş qərargah sədrinin əmrilə Türk Silahlı Qüvvələrinin milli və əxlaqi tərbiyəsi üçün faydalı hesab edilən ssenari əsasında "501 nömrəli kamera" filminin çəkilməsi məsləhət görülür. Camal Tural paşanın yaxından köməyi nəticəsində Məmməd Altunbayın həyatı Türk Ondusunun zabitləri tərəfindən Aytən Gökçər, Cüneyt Gökçər və digər dövlət teatrlarının tanınmış artistlərinin iştirakı ilə kinoya çəkilir.^[4]

Məmməd Altunbay sonradan xatirələrində qeyd edir:

Film bütün əsgər qarnizonlarında və mülki kinoteatrlarda göstərildi, 6 milyon yarım vətəndaşımız bu filmə baxdı. Film 1971-ci il aprelin 29-da Ankara televiziyası ilə göstəriləndə həyatda gördüyüm bütün dəhşət və ürək ağrıdan fəlakətlərimə baxmayaraq türk insanına, xüsusilə də izləyicimiz olan gənc və körpə balalara kommunizmi geniş miqyasda tanıtdıra bildiyim üçün kədərimi nisbətən azalmış hesab etdim.

• Quruluşçu rejissor: Nüsrət Əraslan
• Təsvir rejissoru: Gani Turanlı
• Ssenari müəllifləri: Nüsrət Əraslan, Məmməd Altunbay
• Operator: Yaşar Kutun
• Bəstəkar: Nevit Kodallı
• Rəssam: Refik Eren

• Cüneyt Gökçer
• Ayten Gökçer
• Şahap Akalın
• İlyas Avcı
• Tekin Akmansoy
• Gülsen Alnıaçık
• Coşkun Kara
• Muammer Esi
• Ferdi Merter Fosforoğlu
• Azmi Örses
• Atif Kaptan
• Bozkurt Kuruç
• Semih Sergen^[5][6]

• 1966-cı ilin filmləri

• Filmi izləyin (I hissə)
• Filmi izləyin (I hissə)