Ağababa Mikayılov

Bu məqalənin ensiklopedik tələblərə cavab vermədiyinə dair şübhələr var. Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər. (aprel 2024)

Ağababa Cəbrayıl oğlu Mikayılov (25 aprel 1918, Salyan – 5 aprel 1992, Bakı) — Azərbaycan-sovet hüquqşünası^[1] və müharibə veteranı; Naxçıvan Ali Məhkəməsinin sədr müavini (1950–1951), Azərbaycan SSR Ali Məhkəməsinin hakimi (1952–1980).

Ağababa Mikayılov
Mikayılov Ağababa Cəbrayıl oğlu
Azərbaycan SSR Ədliyyə Nazirliyində Baş revizor
1950 – 1951
Naxçıvan Ali Məhkəməsinin sədr müavini
1951 – 1952
Azərbaycan SSR Ali Məhkəməsinin hakimi
1952 – 1980
Azərbaycan SSR Xalq nəzarəti Komitəsinin şöbə rəisi
1981 – 1986
Azərbaycan SSR Dövlət Təbiəti Mühafizə Komitəsi
SSSR Qaz Sənayesi Nazirliyində şöbə müdiri
Şəxsi məlumatlar
Doğum tarixi	25 aprel 1918
Doğum yeri	Xol Qarabucaq kəndi, Salyan qəzası
Vəfat tarixi	5 aprel 1992 (73 yaşında)
Vəfat yeri	Bakı, Azərbaycan
Partiya	Kommunist partiyası
Təhsili	Kirov adına Dövlət Universiteti (indiki Bakı Dövlət Universiteti)
İxtisası	Hüquqşünas
Fəaliyyəti	hakim
Atası	Mikayılov Cəbrayıl
Həyat yoldaşı	Mikayılova Gülgəz
Uşaqları	Mikayılov Cavanşir, Mikayılov Novruz, Mikayılova Xuraman, Mikayılov Firdovsi, Mikayılova Gülşən, Mikayılov Rövşən
Təltifləri

Ağababa Mikayılov 25 aprel 1918-ci ildə Salyan qəzasının Xol Qarabucaq (indi Neftçala rayonuna daxildir) kəndində anadan olmuşdur.

Böyük Vətən Müharibəsinə yollanmamışdan öncə, məktəbdə müəllim və direktor müavini vəzifələrində çalışmış. 1942–1945-ci il tarixlərində Böyük Vətən Müharibəsinin fəal iştirakçılarından olaraq, Berlinə ilk girən döyüşçülərdən olub. Müharibə zamanı kapitan rütbəsi ilə batalyon komandiri vəzifəsinədək yüksəlmişdir. Çexiya, Macarıstan, Sloveniyanın azad olmasında böyük sücaətlər göstərmişdir. Buna görə də üç dəfə "Qırmızı Ulduz" ordeni, 1-ci dərəcəli "Vətən müharibəsi" ordeni və bir çox medallarla təltif edilmişdir.

Müharibə dövrü bitəndən sonra Kirov adına Dövlət Universitetinin (indiki Bakı Dövlət Universiteti) hüquq fakültəsinə daxil olmuş və həmin universiteti 1950-ci ildə fərqlənmə diplomu ilə bitirmişdir.

Ağababa Mikayılov 1950 – 1951-ci illərdə ASSR Ədliyyə Nazirliyində Baş revizor vəzifəsində çalışmış, 1951–1952-ci illərdə isə Naxçıvan Ali Məhkəməsinin Sədr müavini vəzifəsində çalışmışdır.

A. Mikayılov 1952-ci ildən etibarən Azərbaycan SSR Ali Məhkəməsinin hakimi seçilmişdir və 1952-ci ildən 1980-ci ilədək fasiləsiz olaraq 28 il Azərbaycan SSR Ali Məhkəməsinin hakimi vəzifəsində işləmiş.

Mikayılov Ağababa 1981–1986-cı illərdə Azərbaycan Respublikası Xalq Nəzarəti Komitəsində şöbə müdiri olmuşdur. 1986–1991-ci illərdə isə SSSR Qaz Sənayesi Nazirliyində şöbə müdiri vəzifəsində çalışmışdır.

O, bir sıra orden və medallarla təltif olunmuşdur.

Mikayılov Ağababa Cəbrayıl oğlu 1992-ci il aprel ayının 5-də vəfat etmişdir.

1. "1941-1945-ci illər Böyük Vətən müharibəsində Almaniya üzərində qələbəyə görə" medalı
2. "1941-1945-ci illər Böyük Vətən müharibəsində rəşadətli əməyə görə" medalı
3. "Sovet Ordu və Donanmasının 30 illiyi" yubiley medalı
4. "Əmək igidliyinə görə" medalı
5. "Döyüş xidmətlərinə görə" medalı
6. "SSRİ Silahlı Qüvvələrinin 40 illiyi" yubiley medalı
7. "Qırmızı Ulduz" ordeni
8. "Lenin" ordeni
9. "Budapeştin alınmasına görə" medalı
10. "1941-1945-ci illər Böyük Vətən müharibəsində qələbənin 20 illiyi" yubiley medalı
11. "SSRİ Silahlı Qüvvələrinin 50 illiyi" yubiley medalı
12. "Vladimir İliç Leninin anadan olmasının 100 illiyi münasibətilə" yubiley medalı
13. Lenin ordeni
14. "1941-1945-ci illər Böyük Vətən müharibəsində qələbənin 30 illiyi" yubiley medalı
15. "SSRİ Silahlı Qüvvələrinin 60 illiyi" yubiley medalı
16. "Kiyevin 1500 illik xatirəsinə" medalı
17. "Praqanın azad edilməsinə görə" medalı
18. "Əməkdə fərqlənməyə görə" medalı
19. ÜİLKGİ MK-nın "60 il V. İ. Leninin adı ilə" fəxri nişanı
20. "1941-1945-ci illər Böyük Vətən müharibəsində qələbənin 40 illiyi" yubiley medalı
21. I dərəcəli Vətən Müharibəsi Ordeni
22. "Əmək veteranı" medalı
23. "SSRİ Silahlı Qüvvələri veteranı" medalı
24. "SSRİ Silahlı Qüvvələrinin 70 illiyi" yubiley medalı