Ağayar Şükürov

Ağayar Şükürov (25 mart 1946, Puşkin rayonu – 2008) — Beynəlxalq Ekologiya və Təbiətdən İstifadə Akademiyasının həqiqi üzvü, fəlsəfə elmləri doktoru (1989).^[1]

Ağayar Şükürov
Ağayar Məhəmməd oğlu Şükürov
Doğum tarixi	25 mart 1946(1946-03-25)
Doğum yeri	Puşkin rayonu, Azərbaycan SSR, SSRİ
Vəfat tarixi	2008
Elmi dərəcəsi	fəlsəfə elmləri doktoru
Elmi adı	akademik

Ağayar Şükürov 25 mart 1946-cı ildə Biləsuvar rayonunun (keçmiş Puşkin) Əmənkənd kəndində anadan olmuşdur. Orta məktəbi 1963-cü ildə Əmənkənddə bitirmişdir. Elə həmin il Bakı Dövlət Universitetinin Tarix fakültəsinə daxil olmuş və 1967-ci ildə həmin fakültədən məzun olmuşdur. 1971–1974-cü illərdə Azərbaycan Elmlər Akademiyasının Fəlsəfə və Hüquq İnstitutunun aspiranturasında təhsil almışdır.^[1]

Ağayar Şükürov 1975–1976-cı illərdə Bədən Tərbiyəsi İnstitutunun Fəlsəfə kafedrasında baş müəllim olaraq fəaliyyət göstərmiş, daha sonra 1990-cı ildən Siyasi-Hüquqi Tədqiqatlar İnstitutunda şöbə müdiri kimi fəaliyyət göstərmişdir. Əsasən fəlsəfə və din tarixi, mifologiya, mədəniyyət və ekoloji problemlərin tədqiqi ilə məşğul olmuşdur. 1991-ci ildə keçmiş SSRİ məkanında ilk dəfə olaraq "Ekologiyanın fəlsəfi problemləri" şöbəsini yaratmışdır. Həmin şöbədə 2006-cı ilə qədər "Ekologiya. Fəlsəfə. Mədəniyyət" adlı məcmuənin 42 buraxılışı nəşr olunmuşdur. Alimin 30-a qədər kitabı, 330-dən artıq elmi məqaləsi çapdan çıxmışdır. O, 2 elmlər doktoru, 25 elmlər namizədi yetişdirmişdir. Ağayar Şükürov 4 mart 2003-cü ildə Beynəlxalq Ekologiya və Təbiətdən İstifadə Akademiyasının həqiqi üzvü, akademiki seçilmişdir.^[1]

Ağayar Şükürov 1975-ci ildə "Milli və dini ənənələr" mövzusunda namizədlik dissertasiyasını müdafiə edərək fəlsəfə elmləri namizədi, 1989-cu ildə isə "Müasir qlobalistikada ekoloji problemlərin yeri və rolu" adlı doktorluq dissertasiyasını müdafiə edərək fəlsəfə elmləri doktoru elmi dərəcəsini almışdır.^[1]

Ağayar Şükürov 7 noyabr 2008-ci ildə vəfat etmişdir.^[1]

• İslam, adət və ənənə-1981
• Müasir dövrün qlobal ekoloji və demoqrafik problemlərinin sosial-fəlsəfi mahiyyəti – 1984
• Təbiət və cəmiyyət: fəlakətin astanasında – 1992
• Azərbaycan fəlsəfəsi: qədim dövr – 1993 (G. Abdullazadə ilə birlikdə)
  • Mifologiya(nəzəri-fəlsəfi təhlil) I kitab – 1995
  • Qədim Şərq mifologiyası II kitab – 1995
  • İran xalqlarının mifologiyası III kitab – 1995
  • Hind mifologiyası IV kitab – 1996
  • Qədim Çin mifologiyası V kitab – 1996
  • Qədim Türk mifologiyası VI kitab – 1997
  • Yunan mifologiyası VII kitab – 1999
  • Alman-Skandinav xalqlarının mifologiyası VIII kitab – 1999
  • Slavyan xalqlarının mifologiyası — 2006
• Fəlsəfə, cəmiyyətdə onun yeri və rolu – 1996
• Fəlsəfə və zaman – 1998
• Dədə-Qorqud mifologiyası – 1999
• Biblioqrafiya – 2000
• Qlobalistika və ekoloji fəlsəfə – 2001
• Qloballaşma: mahiyyəti və perspektivləri – 2001
• Fəlsəfə və Qloballaşma – 2002
• Şərq Fəlsəfəsi və Filosofları – 2005
• Azərbaycan mifologiyası(tədqiqi tarixindən) — 2005
• Qloballaşmış Cəmiyyətlər: dünən, bu gün, sabah — 2006
• Müstəqil Dövrün Fəlsəfəsi Və Filosofları — 2007
• Etnos, Millət və Millətçilik — 2008
• Hamı üçün Fəlsəfə — 2010(M. Şükürovla birlikdə)

• Fəlsəfə – 1996
• Kulturologiya – 1999
• Sosial ekologiya – 1999
• Fəlsəfə — 2008