Abdurahmanov Rəcəb Çələbi oğlu
Abdurahmanov Rəcəb Çələbi oğlu 25 yanvar 1952-ci ildə Şəki şəhərinin Baş Göynük kəndində anadan olmuşdur.[1] O, 1970-ci ildə Şəki şəhəri Baş Göynük kənd 1 saylı orta məktəbini bitirdikdən sonra 1970-ci ildə Bakı Rabitə Elektrotexnikumunu (Bakı Dövlət Rabitə və Nəqliyyat Kolleci) "Televiziya texnikası və radiorele rabitəsi" ixtisası üzrə təhsil almış və təhsil aldığı dövrdə 1971–1973-cü illərdə hərbi xidmətdə olmuş, hərbi xidmətdən qayıtdıqdan sonra təhsilini davam etdirmişdir. 1975-ci ildə isə Neft və Kimya İnstitutunun (Azərbaycan Dövlət Neft və Sənaye Universiteti) "İstehsalat proseslərinin avtomatlaşdırılması" fakültəsinə daxil olmuş və təhsil aldığı dövrdə 1976–1997-ci illər ərzində Rabitə Nazirliyinin (Azərbaycan Respublikasının Rəqəmsal İnkişaf və Nəqliyyat Nazirliyi) Teleradio İstehsalat Birliyinin müxtəlif sahələrində mühəndis-texniki və rəhbər vəzifələrdə çalışmışdır.[2] 1997–2001-ci illərdə Bakı şəhərində tikilərək yeni istifadəyə verilmiş Teleqüllə Kompleksinə və 2001–2004-cü illərdə Teleradio İstehsalat Birliyinə rəhbərlik etmişdir. 2004-cü ildən isə Rəqəmsal İnkişaf və Nəqliyyat Nazirliyinin Mərkəzi Radio və Televiziya Yayım Filialında rəis müavini kimi fəaliyyətini davam etdirmişdir. 17 sentyabr 2021-ci il tarixdə vəfat etmişdir.[3]
| Abdurahmanov Rəcəb Çələbi oğlu | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Baş Göynük, Şəki şəhəri, Azərbaycan |
| Vəfat tarixi | (69 yaşında) |
| Vəfat yeri | Bakı şəhəri, Azərbaycan |
| Dəfn yeri | Baş Göynük, Şəki şəhəri, Azərbaycan |
| Vətəndaşlığı |
 Azərbaycan |
| Təhsili | Azərbaycan Dövlət Neft və Sənaye Universiteti |
|
|
|
| Təltifləri | "Fəxri Radist" döş nişanı, "Rabitə Ustası" adı, “Vətən” mükafatı laureatı, “Müstəqil Azərbaycan naminə” fəxri diplomu |
Həyatı[redaktə | mənbəni redaktə et]
Təltifləri[redaktə | mənbəni redaktə et]
1987-ci ildə rabitənin inkişafı və müasirləşdirilməsi sahəsində qarşıya qoyulan tapşırıqların yerinə yetirilməsində fərqləndiyinə görə "Fəxri Radist" döş nişanı, 2002-ci ildə rabitə sahəsində iş fəaliyyətinə, uzun müddət fasiləsiz olaraq işlədiyinə və verilən tapşırıqları layiqincə yerinə yetirdiyinə görə "Rabitə Ustası" adına layiq görülmüşdür. Növbəti illərdə isə radio-televiziya yayımı sahəsindəki fəaliyyətinə görə "Vətən" mükafatı laureatı, "Müstəqil Azərbaycan naminə" fəxri diplomuna və s. mükafatlara layiq görülmüşdür.[4]
İstinadlar[redaktə | mənbəni redaktə et]
- Şahin Aydəmir "Göynük və göynüklülər" kitabı, səhifə 229–231, Bakı — 2008.[5]
- https://shaki.info/wiki/index.php?title=%C5%9Eahin_Ayd%C9%99mir&veaction=
- https://www.yeniavaz.com/az/news/178239/teleradio-istehsalat-birliyinin-sabiq-bas-direktoru-dunyasini-deyisib
- https://aqreqator.az/az/hadise/1594927
- https://www.bakitv.az/cemiyyet/27674-teleradio-stehsalat-birliyinin-sabiq-ba-direktoru-dunyasn-dyiib.html
- ↑ [Şahin Aydəmir "Göynük və göynüklülər" kitabı. Bakı — 2008.]
- ↑ "Teleradio İstehsalat Birliyinin sabiq baş direktoru". 2021-12-16 tarixində arxivləşdirilib. İstifadə tarixi: 2022-02-27.
- ↑ "Teleradio İstehsalat birliyinin sabiq baş direktoru dünyasını dəyişib". 2021-11-08 tarixində arxivləşdirilib. İstifadə tarixi: 2022-02-27.
- ↑ "Müxtəlif illərdə "Vətən" mükafatı diplomuna və "Müstəqil Azərbaycan naminə" fəxri diplomuna layiq görülüb". 2021-11-08 tarixində arxivləşdirilib. İstifadə tarixi: 2022-02-27.
- ↑ "Şahin Aydəmir — tanınmış jurnalist, publisist və yazıçı. 10-dan çox kitabın müəllifidir". 2021-12-16 tarixində arxivləşdirilib. İstifadə tarixi: 2022-02-27.