Alan Oqoyev
Alan Uruzmaqoviç Oqoyev (oset. Огъуаты Уырызмаджы фырт Алан; 21 yanvar 1978, Orconikidze) — Rusiya iqtisadçısı, iqtisad elmləri doktoru, professor. 2017-ci il aprelin 11-də K.L.Xetaqurov adına Şimali Osetiya Dövlət Universitetinin rektoru seçilib.
| Alan Uruzmaqoviç Oqoyev | |
|---|---|
| oset. Огъуаты Уырызмаджы фырт Алан | |
 | |
Vəzifədədir | |
| 11 aprel 2017-ci ildən | |
| Əvvəlki | Valeri Sazonov |
| Şəxsi məlumatlar | |
| Doğum tarixi | 21 yanvar 1978 (46 yaş) |
| Doğum yeri | |
| Təhsili |
|
| Fəaliyyəti | iqtisadçı |
| Elmi fəaliyyəti | |
| Elmi dərəcəsi | |
| Elmi adı | |
 Vikianbarda əlaqəli mediafayllar | |
Həyatı
[redaktə | mənbəni redaktə et]Alan Oqoyev 1999-cu ildə Şimali Osetiya Dövlət Universitetinin İqtisadiyyat fakültəsini fərqlənmə diplomu ilə bitirib. Burda maliyyə və kredit ixtisası üzrə təhsil alıb.[1]
2002-ci ildə Sankt-Peterburq Dövlət İqtisadiyyat və Maliyyə Universitetində iqtisad elmləri namizədi alimlik dərəcəsi almaq üçün namizədlik dissertasiyasını müdafiə etmişdir.
2010-cu ildə Sankt-Peterburq Dövlət İqtisadiyyatı və Maliyyə Universitetində “Regional investisiya prosesinin maliyyələşdirilməsi strategiyası” mövzusunda doktorluq dissertasiyasının müdafiəsi olmuşdur.[1]
Alan Oqoyev 2003-2009-cu illərdə - Şimali Osetiya Respublikası Milli Bankında mütəxəssis, planlaşdırma və investisiya dəstəyi şöbəsinin müdiri, bank tənzimlənməsi və nəzarəti departamentinin rəis müavini vəzifələrində çalışmışdır. 2004-cü ildən Şimali Osetiya Dövlət Universitetində dərs deməyə başlamışdır. Burada o, Beynəlxalq İqtisadi Münasibətlər kafedrasının baş müəllimi, dosent, professor, 2009-cu ildən - maliyyə və iqtisadiyyat üzrə prorektor vəzifələrində çalışmışdır.
2008-ci ildə Rusiya Federasiyası Hökuməti yanında Maliyyə Akademiyasını “Biznesin idarə edilməsi üzrə magistr” əlavə ixtisası ilə fərqlənmə diplomu ilə bitirmişdir.[1]
Alan Oqoyev 2008-ci ildə dördüncü çağırış Şimali Osetiya-Alaniya Respublikası Parlamentinin deputatı seçilmişdir.
2011-ci ildən - Şimali Osetiya Respublikasının təhsil və elm naziri, Şimali Osetiya Respublikasının təhsil və elm naziri vəzifəsinin icraedicisi olmuşdur.
Alan Oqoyev Şimali Osetiya Başçısının 8 oktyabr 2015-ci il tarixli 53 saylı Fərmanı ilə Şimali Osetiya-Alaniya Respublikası Hökuməti sədrinin müavini təyin edilmişdir. Lakin 22 iyul 2016-cı ildə işdən çıxarılmışdır.
22 iyul 2016-cı ildən Alan Oqoyev K.L.Xetaqurov adına Şimali Osetiya Dövlət Universitetinin rektoru vəzifəsinin icra edicisi təyin olunmuşdur.
12 may 2017-ci ildə o, universitetin rektoru seçilmişdir.[2]
Alan Oqoyev Rusiya Coğrafiya Cəmiyyətinin Şimali Osetiya Respublikası üzrə bölməsinin sədridir.[1]
Cənubi Osetiya Respublikasının əməkdar elm xadimidir.[1]
Alan Oqoyev evlidir, beş uşaq atasıdır.
Elmi fəaliyyəti
[redaktə | mənbəni redaktə et]Alan Oqoyev 2002-ci ildə namizədlik, 2010-cu ildə Sankt-Peterburq İqtisadiyyat və Maliyyə Universitetində doktorluq dissertasiyası müdafiə etmişdir.[1]
İstinadlar
[redaktə | mənbəni redaktə et]- ↑ 1 2 3 4 5 6 В СОГУ — новый руководитель // Северная Осетия. — 2016. — № от 22 июля. Архивировано 20 августа 2016 года.
- ↑ "Руководство, Северо-Осетинский государственный университет имени К. Л. ХетагуроваОГОЕВ АЛАН УРУЗМАГОВИЧ Ректор, доктор экономических наук, доцент". 2022-04-04 tarixində arxivləşdirilib. İstifadə tarixi: 2021-10-31.
Xarici keçidlər
[redaktə | mənbəni redaktə et]- В СОГУ — новый руководитель // Северная Осетия. № от 22 июля. 2016. 2016-08-20 tarixində arxivləşdirilib.
- ОГОЕВ АЛАН УРУЗМАГОВИЧ