Aleksandr fon Bilderlinq

Aleksandr Aleksandroviç fon Bilderlinq (rus. Алекса́ндр Алекса́ндрович фон Би́льдерлинг; 23 iyun (5 iyul) 1846^[1], Sankt-Peterburq – 26 iyul 1912^[1], Puşkin^[d], Sankt-Peterburq quberniyası^[d]) – almanəsilli Rusiya generalı. Rus-yapon müharibəsində Üçüncü Mancuriya Ordusuna komandanlıq etmişdir. Baron titulu daşımışdır.^[2]

Aleksandr fon Bilderlinq
Şəxsi məlumatlar
Doğum tarixi	23 iyun (5 iyul) 1846[1]
Doğum yeri	Sankt-Peterburq, Rusiya imperiyası
Vəfat tarixi	26 iyul 1912(1912-07-26)[1] (66 yaşında)
Vəfat yeri	Puşkin[d], Çarskoselski qəzası[d], Sankt-Peterburq quberniyası[d], Rusiya imperiyası
Dəfn yeri	Sankt-Peterburqda Novodeviçye qəbiristanlığı[d]
Vətəndaşlığı	Rusiya imperiyası
Təhsili	Nikolayev Baş Qərargah Akademiyası[d]
Hərbi fəaliyyəti
Mənsubiyyəti	Rusiya imperiyası
Qoşun növü	süvari
Rütbəsi	tam süvari generalı[d]
Döyüşlər	Rus-türk müharibəsi, Rus-yapon müharibəsi
Təltifləri
Vikianbarda əlaqəli mediafayllar

Aleksandr fon Bilderlinq 1846-cı ildə zadəgan ailəsində doğulmuşdur. Rusiya İmperator Ordusuna qatılmış, 1877–1878-ci illərdə Rusiya-Osmanlı müharibəsində iştirak etmişdir.^[2]

Bilderlinq 1904-cü ilin mayında 17-ci Avropa Ordusu Korpusunun komandiri təyin olunmuş və 1904-cü ilin yayında Mancuriyaya gəlmişdir. 1905-ci ildə bir neçə böyük birliyin komandirliyi ona həvalə olunmuş və Mancuriya Ordusunun bir neçə döyüşündə vacib rol oynamışdır. O, general kimi Lyaoyan döyüşündə Şərq bölüyünə, Şahe döyüşündə Qərb bölüyünə komandirlik etmişdir.^[3]

Sandepu döyüşündən sonra general Aleksandr fon Kaulbarsı əvəz edərək Üçüncü Mancuriya Ordusunun komandiri olmuş və Mukden döyüşündə iştirak etmişdir. Məğlubiyyətdən sonra 1905-ci ilin mayında ordunun komandirliyindən azad edilmiş və həmin ilin sentyabrına qədər korpusuna komandirlik etməyə davam etmişdir.^[3]

• Kowner, Rotem. Historical Dictionary of the Russo–Japanese War (ingiliscə). The Scarecrow Press. 2006. 71–72. ISBN 978-0-8108-4927-3. İstifadə tarixi: 29 aprel 2023.