Aleksey Şved

Aleksey Viktoroviç Şved (16 dekabr 1988, Belqorod) — Ximki komandasında oynayan rusiyalı peşəkar basketbolçu. Ximki komandasına qədər isə o, üç mövsümü NBA-da keçirdi: iki ili Minnesota Timbervulvz komandasında, üçüncü ili isə (2014/2015) birdən-birə üç klubda — Filadelfiya Seventi Siksers, Hyuston Rokets və Nyu-York Niksdə iştirak edib. Rusiya basketbol çempionatında 2010/11-ci ildə ən çox inkişaf edən oyunçu seçilmişdir. Rusiya basketbol komandası ilə 2012 Olimpiya Oyunlarının və 2011 Avropa çempionatının bürünc medallarının sahibidir. 20 avqust 2012-ci ildə Rusiya Milli Basketbol Komandasının 2012 Olimpiadasında müvəffəqiyyətli bir çıxışından sonra (Alekseyin son saniyələrdə atdığı üç xallıq atışı Argentina yığmasına qarşı həlledici oldu və komandası 3-cü yerə sahib oldu) Şved "Rusiyanın əməkdar idman ustası" adına layiq görüldü.

Aleksey Şved
Mövqeyi	Oyun qurucu
Boyu	198 sm[1]
Çəkisi	86 kq[1]
Vətəndaşlığı	Rusiya
Doğum tarixi	16 dekabr 1988(1988-12-16) (35 yaş)
Doğum yeri	Belqorod, Belqorod vilayəti, RSFSR, SSRİ
Vikianbarda əlaqəli mediafayllar

Belqorod şəhər 1 nömrəli İdman məktəbində basketbol oynamağa başlamışdır. Alekseyin ilk məşqçisi atası Viktor Nikolayeviç Şved idi. O, həmçinin Anatoli Steinbok ilə məşq edirdi.^[2]

Hücum edən müdafiəçi mövqeyində oynayırdı. "Conti" (Sankt-Peterburq), "Petrel" (Belqorod), CSKA (Moskva), "Ximki" nin gənclər komandalarında oynamışdır. 2009/2010 mövsümünün sonuna qədər icarə əsasında Moskvanın "Dinamo" klubunda oynadı.

10 iyul 2012-ci ildə Associated Press agentliyi, Şvedin MOİK-dən ayrılacağını və Minnesota Timbervulvz klubu ilə 10 milyon dollar qarşılığında 3 illik müqavilə imzalayacağını bildirdi.^[3] İki gündən sonra rəsmi olaraq Timbervulvzə keçdi.

4 mart 2019-cu ildə Şved VTB Vahid ligasında öz rekordunu təzələdi. MOİK klubu ilə olan oyunda 37 xal topladı.