Andrey Kulikov

Andrey Kulikov (ukr. Андрі́й Ві́кторович Кулико́в; 27 sentyabr 1957, Kiyev) — Sovet və Ukrayna jurnalisti, redaktor, televiziya və radio aparıcısı, aktyor, media eksperti və media məşqçisi.[1]

Andrey Kulikov
Doğum tarixi 27 sentyabr 1957(1957-09-27) (67 yaş)
Doğum yeri
Fəaliyyəti jurnalist
Vikianbarın loqosu Vikianbarda əlaqəli mediafayllar

Təhsil

[redaktə | mənbəni redaktə et]

Taras Şevçenko adına Kiyev Dövlət Universitetinin beynəlxalq münasibətlər və beynəlxalq hüquq fakültəsini beynəlxalq münasibətlər ixtisası üzrə bitirmişdir; ingilis dilinin referent-tərcüməçisi.

Jurnalist fəaliyyəti

[redaktə | mənbəni redaktə et]

1979–1992-ci ildə Ukrayna SSR-nin xaricdə ingilisdilli təbliğat qəzeti olan "News from Ukraine" (Kiyev) qəzetinin müxbir şöbə müdiri, baş redaktorun müavini olur. 1992–1995-ci ildə ВВС Ukrayna bölümünün prodüseri, baş prodüseri işləyir. 1996-cı ildə İnternyus MMC telekanalının xəbərlərinin baş redaktoru, baş redaktor müavini olur. 1997–1998 — Aleksandr Tkaçenkonun dəvəti ilə gəldiyi Studio 1 + 1 kanalının televiziya xəbərlər xidmətinin idarəedici redaktoru, direktor müavini işləyir. 1998–1999-cu illərdə "Novıy Kanal"ın baş redaktoru, həmçinin canlı yayımların, xüsusən də Studio layihəsinin aparıcısı kimi fəaliyyət göstərir. 2000 — Gecə dramaturgiyası proqramının (STB) müəllif-aparıcısı olur. 2000–2007-ci illərdə BBC Ukrayna Xidmətinin radio prodüseri (London) olur. Bu müddət ərzində, 2005–2007-ci illərdə o, eyni zamanda Avropa İttifaqının TACIS — BBC World Service Trust "Millstones" birgə layihəsinin "Jurnalistika Təhsili: Bacarıqların İnkişafı" adlı media eksperti olmuşdur. 2007-ci ilin avqust ayından "Yeni Kanal"dakı keçmiş həmkarı, televiziya prodüseri Mixail Pavlovun dəvəti ilə Savik Şusterin gedişindən sonra ICTV kanalında "Söz Azadlığı" siyasi tok-şousunun aparıcısı olur.

2013-cü ildə o, Hromadske Radio onlayn layihəsinin həmtəsisçisi olub, 2015-ci ildən onun idarə heyətinin rəhbəridir.

Andrey Kulikov 2016-cı ilin may ayına qədər Söz Azadlığında işləyib. Bundan sonra o, baş redaktor kimi Xromadske radiosunun rəhbərliyinə və Hromadske TV yayımı ilə birgə işə cəlb olunub[2].

2 dekabr 2016-cı ildə Ümumukrayna ictimai təşkilatının "Jurnalist etikası komissiyası"nın ümumi yığıncağının iclasında Andrey Kulikov sədr vəzifəsinə seçilir[3].

19 aprel 2019-cu ildə o, prezidentliyə namizədlər Petro Poroşenko və Volodimir Zelenskinin debatlarında həmmoderator olmuşdur[4].

Maraqlı faktlar

[redaktə | mənbəni redaktə et]

2018-ci ildə Andrey Kulikov "2020. İnsansız ölkə"" filmində ssenariyə görə Ukrayna prezidenti olan "Taras Voitenko" rolunu oynayır.

Hobbi

[redaktə | mənbəni redaktə et]

Hobbi olaraq ədəbi fəaliyyətlə məşğuldur. Kiyevdə gəzməyi, günlərlə tramvaya minməyi, saatlarla aya baxmağı, göbələk yığmağı, dünyanı gəzməyi xoşlayır. Bişirməyi sevən ciddi vegetariandır.

Ailə

[redaktə | mənbəni redaktə et]

Həyat yoldaşı — Antonina.

qızı – Tana. İlk evliliyindən də bir qızı var. Onun 2003, 2006, 2011-ci il təvəllüdlü üç nəvəsi vardır.

İstinadlar

[redaktə | mənbəni redaktə et]
  1. ↑ "Андрей Куликов". КиноПоиск.ru. İstifadə tarixi: 2019-08-11.[ölü keçid]
  2. ↑ Куликов теперь на Hromadske. TV "Медианяня", 04.2016
  3. ↑ "Андрій Куликов став головою Комісії з журналістської етики". detector.media. 2016-12-02. 2016-12-04 tarixində arxivləşdirilib. İstifadə tarixi: 2022-05-18.
  4. ↑ "Ведущая ICTV Елена Фроляк и журналист Андрей Куликов будут модерировать дебаты на «Олимпийском»". 2019-04-19 tarixində arxivləşdirilib. İstifadə tarixi: 2022-05-18.

Mənbə

[redaktə | mənbəni redaktə et]