Arif Alışanov

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin.

Arif Alışanov (tam adı: Arif Nizam oğlu Alışanov) — azərbaycanlı iqtisadçı, iqtisad elmləri namizədi, "Azərbaycan Televiziya və Radio Verilişləri" Qapalı Səhmdar Cəmiyyətinin sədri (2006–2019).

Arif Alışanov
Arif Nizam oğlu Alışanov
“Azərbaycan Televiziya və Radio Verilişləri” QSC sədri
2006 – 2019
Əvvəlki	Nizami Xudiyev
Sonrakı	Rövşən Məmmədov
Şəxsi məlumatlar
Doğum tarixi	30 iyul 1960 (64 yaş)
Doğum yeri	Bakı, Azərbaycan SSR, SSRİ
Vətəndaşlığı	SSRİ→ Azərbaycan
Fəaliyyəti	iqtisadçı
Elmi fəaliyyəti
Elmi dərəcəsi	fəlsəfə doktoru
Vikianbarda əlaqəli mediafayllar

Arif Alışanov 30 iyul 1960-cı ildə Bakı şəhərində anadan olub. 45 saylı orta məktəbdə və D. Bünyadzadə adına Xalq Təsərrüfatı İnstitutunun mühasibat uçotu, iqtisadiyyat və təsərrüfat fəaliyyətinin analizi fakültəsində təhsil alıb. 1984-cü ildə iqtisadçı ixtisasına yiyələnib. Sonrakı dövrdə Azərbaycan Jurnalistlər İttifaqının Jurnalist Sənətkarlığı İnstitutunu, Bakı Ali Partiya Məktəbinin ideoloji kadrlar fakültəsini bitirib.

Ali təhsil almaqla yanaşı, 1977-ci ildə Azərbaycan Dövlət Televiziya və Radio Verilişləri Komitəsində işə başlayıb. Ordu sıralarında hərbi xidmət keçdikdən sonra yenidən AzTV-də əmək fəaliyyətini davam etdirib.

1981-ci ildən şöbə müdiri, idarə rəisi, baş idarə rəisi, 1997-ci ildən Texniki-İstehsalat Birliyinin direktoru vəzifələrində çalışıb. 17 may 2001-ci ildən həmin birliyin direktoru vəzifəsi saxlanılmaqla Azərbaycan Dövlət Teleradio Verilişləri Şirkəti sədrinin texnika üzrə müavini işləyib.

28 mart 2005-ci ildə dövlət başçısının sərəncamı ilə "Azərbaycan Teleradio Verilişləri" Qapalı Səhmdar Cəmiyyətinin sədr müavini, 16 avqust 2006-cı ildə isə sədr vəzifələrinə təyin olunub.

2019-cu il yanvarın 15-də prezident İlham Əliyevin sərəncamı ilə "Azərbaycan Televiziya və Radio Verilişləri" QSC-nin sədri vəzifəsindən azad edilib.

İqtisad elmləri namizədidir. Türk və rus dillərini bilir.

Evlidir, 3 övladı var.

• 2-ci dərəcəli "Vətənə xidmətə görə" ordeni — 15.07.2015^[1]

1. Böyük ömrün davamı (film, 2007)
2. Mətbuat fədaisi (film, 2007)
3. Zirvəyə doğru (film, 2007)
4. Prezident (2007)
5. Liderlik missiyası (film, 2008) (üçseriyalı sənədli film)
6. 20 il. Müstəqillik (film, 2011) (sənədli serial) (ssenari müəllifi)
7. 20 il. Əsrin müqaviləsi (film, 2014) (tammetrajlı sənədli film) (ssenari müəllifi)
8. 2014 Azərbaycanda "sənaye ili" (film, 2015) (tammetrajlı sənədli film) (ssenari müəllifi)

Vikianbarda Arif Alışanov ilə əlaqəli mediafayllar var.