Asif Asiman

Asif Asiman (tam adı: Asif Məhəmmədəli oğlu Quliyev; 23 yanvar 1955, Disər, Ordubad rayonu) — şair, yazıçı, publisist; Azərbaycan Yazıçılar Birliyinin və Azərbaycan Jurnalistlər Birliyinin üzvü.

Asif Asiman
Doğum adı Asif Məhəmmədəli oğlu Quliyev
Təxəllüsü Asif Asiman
Doğum tarixi 23 yanvar 1955(1955-01-23) (68 yaş)
Doğum yeri
Uşağı 3 övladı var
Atası Məhəmmədəli Quliyev
Fəaliyyəti jurnalist
Vikianbarın loqosu Vikianbarda əlaqəli mediafayllar

Həyatı[redaktə | mənbəni redaktə et]

23 yanvar 1955-ci ildə Ordubad rayonunun Disər (indiki Başkənd) kəndində müəllim ailəsində anadan olmuşdur.

Orta təhsilini Əvəz Sadıq adına Vənənd kənd orta məktəbində 1972-ci ildə başa vurmuş, elə həmin ildə də Bakı Politexnik Texnikumunun "Gündüz Mexanika şöbəsi"nə daxil olmuşdur. Oradan da birbaşa Ukrayna SSR-in Vinitsa vilayətinə hərbi xidmətə yola düşmüşdür. Hərbi xidməti 1975-ci ildə başa vurduqdan sonra Bakıya qayıtmış və təhsilini davam etdirmişdir. 1977-ci ilin may ayında gənc mütəxəssis kimi Sumqayıtda yerləşən Azərboru zavoduna təyinatla göndərilmişdir.

İstehsalatdan ayrılmadan 1987, 1988, 1989-cu illərdə Azərbaycan Jurnalistika Sənətkarlığı İnstitutunda təhsil almışdır.

1986-1994-cü illərdə 49 nömrəli (indiki 4 nömrəli) Texniki Peşə Liseyində istehsalat təlimi ustası işləmişdir. 1994-cü ildən bu günədək Sumqayıt şəhər 9 nömrəli tam orta məktəbdə əmək təlimi müəllimi kimi çalışmaqdadır.

Eyni zamanda "Yeganə yol" və "Məslək" qəzetlərinin xüsusi müxbiridir.

Azərbaycan Yazıçılar Birliyinin və Azərbaycan Jurnalistlər Birliyinin üzvüdür.

Ailəlidir. 3 övladı var.

Yaradıcılığı[redaktə | mənbəni redaktə et]

Bədii yaradıcılığa orta məktəb illərində başlamışdır.

İlkin publisistik fəaliyyəti dövründə "Yeni Ordubad", "Yeni həyat", "Sovet Naxçıvanı", "Sosialist Sumqayıtı" qəzetləri ilə əməkdaşlıq etmişdir.

Kitabları[redaktə | mənbəni redaktə et]

  1. "Ürəkdə od varsa", Bakı, "İrşad", 1992, 112 səhifə;  (az.)
  2. "Bu da bir taledi", Bakı, "Sabah", 1997, 143 səhifə;  (az.)
  3. "Ömrümə-günümə açılan yollar", Bakı, "Nurlan", 2002, 211 səhifə;  (az.)
  4. "Bitməyəcək ölənəcən bu sevdam", Bakı, "Adiloğlu", 2004, 115 səhifə;  (az.)
  5. "Unutsaq unudularıq", Bakı, "Adiloğlu", 2006, 107 səhifə;  (az.)
  6. "Mənim Dəniz sevgim", Bakı, "Dərələyəz-M", 2009, 271 səhifə;  (az.)
  7. "Bu dünyaya qərib gəldim",  (az.)
  8. "Biz niyə vaxtında görüşməmişik...", Sumqayıt, "Bilik", 2014, 152 səhifə;  (az.)

Şəkilləri[redaktə | mənbəni redaktə et]

Xarici keçidlər[redaktə | mənbəni redaktə et]

Vikianbarda Asif Asiman ilə əlaqəli mediafayllar var.