Aslanxan Gövhər
Aslanxan Gövhər (1847, Tivi, Ordubad rayonu – 1906, Tivi, Ordubad rayonu) — şair.
| Aslanxan Gövhər | |
|---|---|
| Nəsirov Aslanxan Gövhər | |
| Təxəllüsü | Gövhər |
| Doğum tarixi | 1847 |
| Doğum yeri | |
| Vəfat tarixi | 1906 |
| Vəfat yeri | |
| Dəfn yeri | |
| Vətəndaşlığı | |
| Milliyyəti | Azərbaycanlı |
| Janr | Şeir |
Həyatı və təhsili[redaktə | mənbəni redaktə et]
1847-ci ildə Ordubad rayonun Tivi kəndindən anadan olmuşdur. Nəsirov soyadlı yoxsullaşmış bəy ailəsində doğulmuş, əvvəlcə Məşədi Muxtar adlı ruhaninin yanında oxumuş, sonra isə Ordubadda mədrəsə təhsili almışdır.
1906-cı ildə Tivi kəndində vəfat etmişdir.
Fəaliyyəti[redaktə | mənbəni redaktə et]
Pedaqoji fəaliyyəti[redaktə | mənbəni redaktə et]
Bir müddət Ordubadda və Qarabağda müəllimlik etmişdir.
Bədii yaradıcılığı[redaktə | mənbəni redaktə et]
Gəncliyində Ordubadda Gövhər adlı qız aşiq olmuş və onun adını özünə təxəllüs götürmüşdür. Ordubaddakı "Əncüməni-şüəra" ədəbi məclisinin fəal üzvlərindən olmuş, əsasən, aşıq şeir tərzində yazmışdır. lirikasında əsasən, şairin şəxsən tanıdığı gözəllər (Mələk, Nərgiz və b.) realistcəsinə vəsf olunur. Yaradıcılığında ictimai mövzular da əhəmiyyətli yer tutut. Şair sosial ədalətsizliyi, yoxsullarına ağır güzəranını hakim təbəqələrin zülmünü təsvir və tənqid etmişdir. Şeirlərində bədbinlik, ümidsizlik, zəmanədən şikayət motivləri də öz əksini tapmışdır.
Ədəbiyyat[redaktə | mənbəni redaktə et]
- Qədimov Ə, Aslanxan Gövhər, Naxçıvan Dövlət Universitetinin Elmi Əsərləri (humanitar seriya), 1999,№4.
Mənbə[redaktə | mənbəni redaktə et]
- Naxçıvan Ensiklopediyası. Bakı. 2002. səh. 29. ISBN 5-8066-1468-9.