Ayətullah Xoyi

Seyid Əbülqasim Xoyi (19 noyabr 1899^[1], Xoy – 8 avqust 1992^[1][2][…], Kufə, Nəcəf mühafəzəsi) — müctəhid, ayətullah əl-üzma.

Seyid Əbülqasim Xoyi
Əbulqasim ibn Əliəkbər ibn Haşim Musəvi Xoyi
Doğum tarixi	19 noyabr 1899
Doğum yeri	Xoy şəhəri
Vəfat tarixi	8 avqust 1992 (92 yaşında)
Vəfat yeri	İraq, Kufə
Milliyyəti	azərbaycanlı
Fəaliyyəti	ilahiyyatçı, fəqih, müfəssir, yazıçı
alkhoei.org
Vikianbarda əlaqəli mediafayllar

Əbulqasim ibn Əliəkbər ibn Haşim Musəvi Xoyi q. 1371-ci ildə (15 rəcəb) Xoy şəhərində dünyaya göz açmışdır. Məşrutə hərəkatı dönəmində yaranan problemlərdən sonra atası Nəcəf şəhərinə köçmüşdür. Bundan iki il sonra isə (1330-cu ildə) oğlu atasının yanına getmişdir.

O, Nəcəfdə dövrünün Şeyx Fəthullah, Ayətullah Naini, Ayətullah Kompani, Seyid Hüseyn Badkubi və s. məşhur alimlərinin dərslərində iştirak edərək ictihad dərəcəsinə yetir. Mərhum Ayətullah Xoyi İslam elmlərinə böyük xidmətlər etmişdir.

Onun Üsul elmində özünəməxsus metodu olmuşdur. Təsadüfi deyil ki, İran İslam İnqilabının lideri Ayətullah Xamenei onun haqqında deyir: "Biz, Mərhum Ayətullah Xoyiyə yalnız bir mərcəi-təqlid deyil, həm də böyük tədqiqatçı, pedaqoq və müəllif kimi baxırıq. Onun keçdiyi şərəfli həyat yoluna baxdıqda bir çox elmlərdə mütəxəssis olduğu tam aydın görünür".

Ayətullah Xoyinin ömrünün bərəkəti bu gün də İslam aləmində hiss olunmaqdadır. Günümüzdə ən böyük mərcəi-təqlidlər onun ömrünün bəhrəsidir. Belələrinə Ayətullah Seyid Əli-Hüseyn Sistani, Mərhum Ayətullah Cavad Təbrizi, Ayətullah Vəhid Xorasani və digərlərini nümunə göstərmək olar.

Seyid Əbülqasim Xoyi 8 avqust 1992-ci ildə İraqda, Kufə şəhərində vəfat edib. Həzrət Əlinin (ə) mübarək hərəmi yaxınlığında dəfn edilib.

• Official website
• Imam Al-Khoei Foundation

1. ↑ ^{1 2} Abolqasem al Khoei // Encyclopædia Britannica (ing.).
2. ↑ Bibliothèque nationale de France Abū al-Qāsem al- Kho'î // BnF identifikatoru (fr.): açıq məlumat platforması. 2011.