Azərbaycan vətənimdir. Nisim Nisimov (film, 1994)

Azərbaycan vətənimdir. Nisim Nisimov qısametrajlı sənədli televiziya filmi rejissor Nazim Abbas tərəfindən 1994-cü ildə çəkilmişdir. Azərbaycan televiziyasında istehsal edilmişdir. Film Quba yəhudilərindən olan istedadlı xanəndə və tarzən Nisim Nisimov haqqındadır. Nisim Nisimov ölkəmizdə tarda həm çalıb, həm də oxuyan nadir sənətçilərdəndir.

Azərbaycan vətənimdir. Nisim Nisimov
Fayl:Azərbaycan vətənimdir. Nisim Nisimov (film, 1994).jpg
Janr	sənədli qısametrajlı bioqrafik
Rejissor	Nazim Abbas
Operator	Oqtay Əlizadə
İstehsalçı	Azərbaycan televiziyası ("Azərbaycantelefilm")
İlk baxış tarixi	1994
Filmin növü	qısametrajlı sənədli televiziya filmi
Müddət	40 dəq.
Ölkə	Azərbaycan
Dil	azərbaycanca
İl	1994
Rəng	rəngli

Film Azərbycan muğamının və xalq mahnılarının mahir ifaçısı olan Nisim Nisimova həsr olunub. Nisimin qeyri adiliyi ondadır ki, o Quba yəhudilərindən olan ilk mügənni-xanəndədir. Nisim Azərbaycan dilində oxuyanda heç kim deyə bilmir ki, o azərbaycanlıdır, yoxsa yəhudidir. O da ondan irəli gəlir ki, Nisimov Azərbaycana, daxilən böyük sevgi ilə bağlıdır.

N.Nisimovun sözlərinə görə Azərbaycan muğamı onun üçün sonu olmayan bir dəryadır və muğamsız həyatı o təsəvvür edə bilmir. O, bir çox ölkələrdə, xüsusi ilə də Amerika Birləşmiş Ştatlarının və Kanadanın iri şəhərlərində Azərbaycan muğamının sehrini və ecazkarlığını xarici vətəndaşlara böyük məharətlə tanıtdırıb.

Filmdə Nisim Nisimovun ifasında bir neçə xalq mahnısı lentə alınıb. Bu mahnıları Quba təbiətinin ecazkar gözəlliyi müşaət edir.^[1]

Rejissor: Nazim Abbas
Operator: Oqtay Əlizadə

Azərbaycan filmlərinin siyahısı
1994-cü ilin Azərbaycan filmləri
1990-cı illər Azərbaycan filmlərinin siyahısı