Belarus Milli Texniki Universiteti

Belarus Milli Texniki Universiteti (belar. Беларускі нацыянальны тэхнічны ўніверсітэт) — Belarusun paytaxtı Minsk şəhərində yerləşən dövlət ali təhsil müəssisəsi. Universitet Belarus Respublikası Təhsil Nazirliyinin strukturuna daxildir^[3].

Belarus Milli Texniki Universiteti БНТУ, БДПА, БПІ
53°55′15″ şm. e. 27°35′34″ ş. u.
Əsası qoyulub	1920
Tip	dövlət universiteti
Rektor	Boris Xrustalyev
Tələbə sayı	40 000 (2014)[1]
Şəhər	Minsk
Ölkə	Belarus[2]
Ünvan	Belarus, Minsk şəhəri
Sayt	bntu.by
Vikianbarda əlaqəli mediafayllar

Universitetin əsası 1920-ci ildə qoyulmuşdur. Müxtəlif vaxtlarda adı bir neçə dəfə dəyişilmişdir. Mövcud adını 2002-ci ildən bəri daşıyır.

40 min tələbəsi, 18 fakültəsi, texnoparkı, aqrar-sənaye kompleksi olan Belarus Milli Texniki Universiteti ölkəsinin nüfuzlu ali təhsil müəssisəsi hesab olunur^[1].

Universitetin kafedralarının istehsalatda 71 filialı, kadrların yenidən hazırlanması və ixtisasartırma institutu, "Politexnik" təcrübə zavodu, elmi-texniki əməkdaşlıq mərkəzi vardır^[1].

Universitetin əsas kitabxanası Elmi Kitabxana adlanır. Bu kitabxana Belarus Respublikasının ən qədim universitet kitabxanalarından biridir. İki binası var. Biri Minskin Yakub Kolas küçəsində, digəri isə Nezavisimosti prospektində yerləşir.

Universitin idman bölmələrinə 495 yüksək ixtisaslı idmançılar daxildir; İdman Onların arasında 11 nəfər dünya üzrə idman ustası, 110 nəfər idman ustası və 168 nəfər də idman ustalığına namizəddir. 200 nəfərdən çoxunun da idmançı dərəcəsi var. 47 nəfər Belarus Respublikasının Olimpiya komandalarının üzvləridir.^[4]

Universitetin qadınlardan ibarət "BNTU-BelAZ" komandası 2012-ci ildə ölkə kubokunun sahibi olmuşdur.

Universitetin rektoru Boris Xrustalyevdir. Prorektorların sayı isə 7 nəfərdir ki, onlardan biri birinci prorektordur.

"QS World University Rankings"in 2013, 2014 və 2015-ci^[5] illərdəki nəticələrinə görə ölkəsinin ali məktəbləri arasında Belarus Dövlət Universitetindən sonra 2-ci yerdə olmuşdur.

• Vyaçeslav Kebiç — Belarusun baş naziri (1991—1994).
• Gennadi Novitski — Belarusun baş naziri (2001—2003).
• Tamara Borisova — SSRİ Ali Sovetinin deputatı (1962—1966), Sosialist Əməyi Qəhrəmanı.

• 
• 
  4 nömrəli tədris korpusu və yataqxana.
• 
  4 nömrəli yataqxana.
• 
• 

	"Universitet" portalı

• Belarus universitetlərinin siyahısı

• Кукса, А. Н. Н. К. Ярошевич ‒ первый ректор Белорусского государственного политехнического института / А. Н. Кукса. ‒ Минск : БГАТУ, 2011. ‒ 87 с. ‒ Библиогр.: с. 85‒86 (33 назв.). ‒ ISBN 978‒985‒519‒332‒7

1. ↑ ^{1 2 3} Azərbaycan Texniki Universiteti Belarus Milli Texniki Universiteti ilə əməkdaşlığı genişləndirir Arxivləşdirilib 2017-08-09 at the Wayback Machine. azertag.az, 27.06.2014  (az.)
2. ↑ ^{1 2} Directory of Open Access Journals. 2003.
3. ↑ "Вузы Министерства образования Республики Беларусь". 2014-11-09 tarixində orijinalından arxivləşdirilib. İstifadə tarixi: 2016-05-07.
4. ↑ BNTU SPORTS Arxivləşdirilib 2022-04-12 at the Wayback Machine. bntu.by  (ing.)
5. ↑ QS World University Rankings® 2015/16 Arxivləşdirilib 2020-05-11 at the Wayback Machine. topuniversities.com  (ing.)

Vikianbarda Belarus Milli Texniki Universiteti ilə əlaqəli mediafayllar var.

• bntu.by — Belarus Milli Texniki Universitetinin rəsmi saytı