Borisov (şəhər)

Borisov
	şəhər
Borisov
	rus. Бори́сов, belar. Барысаў
Bayraq[d]	Gerb[d]
	54°13′27″ şm. e. 28°30′43″ ş. u.HGYO
Ölkə	Belarus
Tabesində	Minsk vilayəti
Tarixi və coğrafiyası
Əsası qoyulub	1102
İlk məlumat	1127
Sahəsi	45.97 km²
Mərkəzin hündürlüyü	169 m
Saat qurşağı	UTC+03:00;
Əhalisi
Əhalisi	144,945 nəfər (2015)
Rəqəmsal identifikatorlar
Telefon kodu	+375 177
Poçt indeksi	222120
Nəqliyyat kodu	5
	Xəritəni göstər/gizlə Borisov
	Vikianbarda əlaqəli mediafayllar

Borisov (rus. Бори́сов, belar. Барысаў) — Belarusun mərkəzi hissəsində, Minsk vilayətində şəhər.

Əhalisi

Əhalisi 150,5 min (2006) nəfərdir.

Coğrafiyası

Berezina çayı (Dnepr hövzəsi) sahilində gəmi dayanacağı. Nəqliyyat qovşağı.

Tarixi

İlk dəfə Polotsk knyazlığının şəhəri kimi 1127-ci ildə qeyd olunmuşdur. Ehtimal ki, Polotsk knyazının oğlu Roqvolod-Boris tərəfindən indiki Staroborisov kəndinin yerində salınmışdır (12–13-cü əsrlərə aid şəhər yeri, ona bitişik olan açıq məskən, kəndlər, kurqan qəbirləri 1892, 1928. 1967–68, 1971-ci illərdə tədqiq olunmuşdur). Borisov 13-cü əsrin sonlarından Böyük Litva knyazlığının tərkibində idi. 13-cü əsrin sonları – 14-cü əsrin əvvəllərində indiki yerinə köçürülmüş, burada yeni qala inşa edilmişdir.

15-ci əsrin 1-ci yarısında ara çəkişmələri nəticəsində, demək olar ki, dağıdılmışdır. 1563-cü ildən starostvo (inzibati vahid) mərkəzi idi. Maqdeburq hüququna malik olmuşdur. Şimal müharibəsi (1700–21) illərində böyük dağıntılara məruz qalmışdır. 1793-cü ildə Reç Pospolitanın ikinci dəfə bölüşdürülməsi zamanı Rusiya İmperiyasının tərkibinə daxil edilmişdir. 1795–1921-ci illərdə Minsk quberniyasının qəzaşəhəri, 1924-cü ildən rayon mərkəzi, 1924– 27-ci illərdə Borisov dairəsinin mərkəzi, 1938-ci ildən Belarusiya SSR Minsk vilayətinin tərkibində olmuşdur.

Sənayesi

Şəhərdə İdarəçilik və sahibkarlıq intu (1991); 10 kitabxana; diyarşünaslıq, xalq şöhrəti muzeyləri var. Borisov mühüm sənaye mərkəzidir. Maşınqayırma (aviasiya sənayesi üçün avtomatik idarəetmə sistemləri, turbokompressorlar, avtotraktorlar üçün elektrik avadanlığı və s., dəmiryolları, hərbi texnikanın təmiri), ağac emalı, yüngül (tikiş, trikotaj məmulatları və s.) və yeyinti sənayesi müəssisələri fəaliyyət göstərir. Məişət kimyası malları, tibbi preparatlar, kağız, büllurdan məmulatlar və s. istehsal olunur.^[2]

Qalereya

Revolutsii prospekti
BATE futbol stadionu

Həmçinin bax

Minsk vilayəti

Xarici keçidlər

Borisov şəhərinin rəsmi internet səhifəsi
Borisov Online
Borisov şəhərinin 20-ci əsrə aid olan fotoları Arxivləşdirilib 2013-05-23 at the Wayback Machine
Borisov Regional İdarəetmə Komitəsinin internet səhifəsi Arxivləşdirilib 2013-06-06 at the Wayback Machine

İstinadlar

↑ "Численность населения на 1 января 2015 г. и среднегодовая численность населения за 2014 год по Республике Беларусь в разрезе областей, районов, городов, поселков городского типа" [Population as of 1 January 2015 and 2014 year-average population in regions, raions, towns of Republic of Belarus] (Russian). 2015-05-15 tarixində orijinalından arxivləşdirilib.
↑ Azərbaycan Milli Ensiklopediyası (25 cilddə). 4-cü cild: Bəzirxana – Brünel (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2013. səh. 307–308. ISBN 978-9952-441-03-1.

[1] "Численность населения на 1 января 2015 г. и среднегодовая численность населения за 2014 год по Республике Беларусь в разрезе областей, районов, городов, поселков городского типа" [Population as of 1 January 2015 and 2014 year-average population in regions, raions, towns of Republic of Belarus] (Russian). 2015-05-15 tarixində orijinalından arxivləşdirilib.

[2] Azərbaycan Milli Ensiklopediyası (25 cilddə). 4-cü cild: Bəzirxana – Brünel (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2013. səh. 307–308. ISBN 978-9952-441-03-1.

[1]

[2]