Buriram Yunayted FK

Buriram Yunayted FK (tay สโมสรฟุตบอลบุรีรัมย์ ยูไนเต็ด) — Tailandın Buriram şəhərini təmsil edən futbol klubu. Futbol üzrə Tailand çempionatında çıxış edir. Klub 1970-ci ildə "PEA" adı ilə qurulmuşdur. 2012-ci ildə indiki adını almışdır. Ev oyunlarını Çanq Arenada keçirir.^[1]

Buriram Yunayted FK
Ölkə	Tailand
Ləqəb(lər)	Fırtına qəsri
Rəng(lər)	Göy–Ağ
Yaranma tarixi	1970
Stadionu	Çanq Arena
Tutumu	32.600
Baş məşqçisi	Masatada İşii
Liqa	Liqa 1
2022-23	1
Ev forması Səfər forması
Rəsmi saytı
Vikianbarda əlaqəli mediafayllar

Klub 2008-ci ildə ilk ölkə çempionluğunu əldə etmişdir. 2010-cu ildə qədər Ayutthaya şəhərini təmsil etmişdir. Klub 2011-ci ildə həm ölkə çempionatının, həm ölkə kubokunun, həm də liqa kubokunun qalibi olaraq Tailandda bir mövsümdə üç kuboku da qazanan ilk klub olmuşdur.

Tarixi[redaktə | mənbəni redaktə et]

Klub 1970-ci ildə qurulsa da, ilk ciddi uğurunu 1998-ci ildə Kor Royal kubokunun üçüncü diviziyasını qazanmaqla əldə etmişdir. 2003–04 mövsümündə Tailand Premyer Liqasına yüksəlməyi bacarmış və Premyer Liqadakı ilk mövsümündə ikinci yeri tutaraq hər kəsi təəccübləndirmişdirlər. İkinci yeri tutduqları üçün növbəti mövsüm ilk dəfə AFK Çempionlar Liqasında çıxış etmişdirlər.^[2]

2008-ci ildə klub Ayutthaya əyalət stadionunda oynamağa başlamış və mövsümün sonunda ilk dəfə Premyer Liqanın qalibi olmuşdur. 2009-cu ildə Buriram əyalətindən olan siyasətçi Nevin Çidçob klubu almışdır.^[3] Klub Buriram şəhərinə köçmüş və 2010-cu ildə "Buriram PEA" adlanmağa başlamışdır. Yenilənmiş klub ilk mövsümündə 2-ci yeri tutmuş, liqa kubokunun finalında isə məğlub olmuşdur.

2011-ci ildə klub ən yaxşı mövsümünü keçirərək Taylanddakı üç əsas turniri qazanmış və bu uğura nail olan ilk Tailand klubu olmuşdur. Onlar Premyer Liqanı 85 xalla tamamlayaraq rekorda imza atmışdırlar. 2011-ci ildə klubun yeni stadionu olan Çanq Arena inşa olunmuşdur. "Fırtına qəsri" ləqəbi daşıyan bu stadion ən qısa müddətdə (256 gün) inşa olunan FİFA stadionu kimi Ginnesin Rekordlar Kitabına düşmüşdür.^[4]

2012-ci ildə klubun adını dəyişərək "Buriram Yunayted" olmuşdur. Onlar AFK Çempionlar Liqasında çıxış edərək Yaponiya və Çin klublarına qalib gələn ilk Tailand klubu olmuşdurlar.^[5] 2015-ci ildə klub ölkədaxili dörd kuboku da qazanmış və mövsümü məğlubiyyətsiz başa çatdırmışdır. Onlar 2017, 2018, 2021, 2022 və 2023-cü illərdə də Tailand çempionu olmuşdurlar.

Rəqabət[redaktə | mənbəni redaktə et]

"Muanqtonq Yunayted" klubun ən böyük rəqibi hesab olunur. İki klub Tailand çempionatının ən güclü iki klubu hesab olunur. "Buriram Yunayted" kəndlilərin, "Muanqton Yunyated" isə şəhərlilərin klubu hesab olunduğu üçün iki klub arasında rəqabət güclüdür.

Heyət[redaktə | mənbəni redaktə et]

Nömrə Ölkə Mövqeyi Futbolçu 1 GK Sivarak Tedsunqnoen (vitse-kapitan) 2 DF Sasalak Haiprakhon 3 DF Pansa Hemviboon 5 DF Thirathon Bunmathan 6 MF Piradon Çamratsami 7 MF Filip Roqiçć 8 MF Ratthanakorn Maikami 9 FW Supaçai Çaided 11 DF Dion Kuls 14 DF Çitipat Tanklanq 15 DF Narubadin Viravatnodom (kapitan) 19 FW Haris Vuçkiç 20 MF Qoran Çauşiç 21 FW Suphanat Mueanta

Nömrə Ölkə Mövqeyi Futbolçu 26 FW Lonsana Dumbuya 29 FW Arthit Budcinda 58 FW Pattara Soimalai 59 GK Nopphon Lakhonphon 62 MF Airfan Doloh 66 GK Çayot Cunsuy 75 GK Phumevorapol Vannabutr 89 DF Ponqsakron Hanrattana 92 DF Tavatçai İnprakone 95 MF Seksan Ratri DF Kim Min Hyok DF Suporn Pinaqatapho MF Leon Ceyms FW Ramil Şeydayev

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]

• buriramunited.com — Buriram Yunayted FK rəsmi saytı