Burqundiyalı Marqarita (Fransa kraliçası)

Burqundiyalı Marqarita (fr. Marguerite de Bourgogne; 1290 – aprel 1315, Şato-Qayar[d]) — Fransa kralı X Lüdovikin ilk xanımı, Fransa kraliçası.[2] Kraliçalığı dövrü boyunca həbsdə tutulmuşdur.

Burqundiyalı Marqarita
fr. Marguerite de Bourgogne
1314 – 1315
1305 – 1315
Şəxsi məlumatlar
Doğum tarixi 1290
Vəfat tarixi aprel 1315
Vəfat yeri
Dəfn yeri
Anası Fransalı Aqnessa (Burqundiya hersoqinası)[1]
Həyat yoldaşı X Lüdovik
Uşağı II Janna
Dini xristianlıq
Vikianbarın loqosu Vikianbarda əlaqəli mediafayllar

Marqarita Fransa kralı IX Lüdovikin qızı Aqnessa və Burqundiya hersoqu II Robertin ikinci qızı olaraq 1290-cı ildə dünyaya gəldi. 1305-ci ildə Fransa kralı IV Filippin böyük oğlu və yenicə Navarra kralı olan I Lüdoviklə evləndirildi. Üstəlik cütlük uzaq qohum idi. Belə ki, I Lüdovikin atası Fransa kralı IV Filipp Marqaritanın dayısıoğlu idi. Cütlüyün yeganə övladı olan Janna 1312-ci ildə dünyaya gəldi.

1314-cü ilin əvvəlində Marqarita Nesl qalası skandalında ələ keçirildi. İngiltərə kraliçası olan və o əsnada Parisə ziyarətə gələn baldızı Fransalı İzabellanın əleyhində şahidlik etməsiylə, Marqarita və kralın digər gəlini Burqundiyalı Blanş təqsirli görülərək Normandiyadakı Qaylard qalasına ömürboyu həbs edildilər.

Həmin ilin noyabrında atası IV Filippin ölümünün ardından X Lüdovik Fransa kralı elan edildi. O əsnada xanımı Marqarita həbs tutulduğu üçün tacqoyma mərasimi keçirilmədi. O əsnada davam edən Avinyon əsarəti və vahid bir papanın olmaması səbəbilə X Lüdovik xanımından boşana bilmədi. Ancaq çox keçmədən 14 avqust 1315-ci ildə həbsdəki kraliça tutulduğu Qaylard qalasında şübhəli şəkildə vəfat etdi.

Mənbə

[redaktə | mənbəni redaktə et]
  • Bradbury, Jim (2007). The Capetians: Kings of France, 987–1328. Continuum Books.
  • Finch, Julia (2019). "Of Movement, Monarchs, and Manuscripts: the Case for Jeanne II of Navarre's Picture Bible as a Geopolitical Bridge between Paris and Pamplona". In Proctor-Tiffany, Mariah; Hamilton, Tracy Chapman (eds.). Moving Women Moving Objects (400–1500). Brill. pp. 181–204.

İstinadlar

[redaktə | mənbəni redaktə et]
  1. ↑ Kindred Britain.
  2. ↑ Echols, Anne; Williams, Marty (1992). An Annotated Index of Medieval Women. Markus Weiner Publishing Inc.