Cikirmiş, Cekermiş, Çokurmiş və ya Çökürmiş (ö. 1106) — 1102-ci ildən 1106-cı ilə qədər Mosulun atabəyi olmuşdur. Səlcuqlu sərkərdəsi və dövlət xadimidir.[1]
| Cikirmiş | |
|---|---|
| türk. Çökürmüş | |
| Doğum tarixi | XI əsr |
| Vəfat tarixi | |
| Vəfat səbəbi | Qətl |
| Milliyyəti | Türk |
| Dini | İslam |
| Fəaliyyəti | Mosulun atabəyi (1102-1106) |
Öz sələfi Kürboğanın ölümündən sonra o, I İmadəddin Zənginin atabəyi oldu.[2] Cikirmiş və Mardinli Sökmən Antioxlu I Bohemondla Edessalı II Baldvinin birləşmiş ordularını 1104-cü ilin 7 mayında Harran döyüşündə məğlub etdilər.[3][4] Bu döyüşdə Baldvin əsir götürüldü. Cikirmiş Baldini öz əsiri kimi Sökmənin düşərgəsindən gizli formada çıxardı. Cikirmiş Edessanın uğursuz mühasirəsindən sonra Baldvinlə birlikdə Mosula getdi. Edessanı müdafiə edən Tankred bundan sonra Cikirmişlə qohum olan bir səlcuqlu şahzadəsini əsir götürməyi bacardı. Cikirmiş bu səlcuqlu şahzadəsinin azadlığına qarşılıq pul və ya Boldvinin azadlığını təklif etdi. Lakin Tankred və Bohemond pulu üstün tutdular və Baldin Cikirmişin əsiri olaraq qaldı.
Cikirmiş 1106-cı ildə Cavali Saqava tərəfindən qətlə yetirildi və onun əsiri Baldvin də onun əlinə keçdi.