Düzyarpaq gəvən

Astragalus mercklinii (lat. Astragalus mercklinii) — bitkilər aləminin paxlaçiçəklilər dəstəsinin paxlakimilər fəsiləsinin gəvən cinsinə aid bitki növü.

Astragalus mercklinii
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrosids Klad: Rosids Klad: Fabids Dəstə: Paxlaçiçəklilər Fəsilə: Paxlakimilər Yarımfəsilə: Faboideae Triba: Galegeae Yarımtriba: Astragalinae Cins: Gəvən Növ: Astragalus mercklinii
Beynəlxalq elmi adı
Astragalus mercklinii Boiss. & Buhse, 1860
Şəklin VikiAnbarda axtarışı NCBI   2364244 EOL   662491

İlk dəfə Azərbaycanda Talaqon dərəsində tapılmışdır.

Hündürlüyü 20-40 sm, çətirinin diametri 80 sm olan, sıxbudaqlı, yastıq əmələ gətirən, yarpağını tökən, tikanlı koldur. Tikanları 4-13 sm uzunluqda, möhkəm və yaxud çox oraqvarı əyilmiş, cavanları açıq sarımtıl rəngli olub, yuxarıya meyillidir. Yarpaqaltlıqları cavan vaxtında 1 sm uzunluqda, keçəvari tüklü, darçını rəngdə, sarımtıldır, sonradan azca əyilir. Yarpağı 3-5 cüt, yarpaqcıqları uzunsov- neştərvari, hər iki tərəfdən sıxılmış, tikanlı, keçəvaridir. Çiçəyi sarı, hər yarpağın qoltuğundan 5-7 ədəd çıxaraq, uzunsov, bəzən yumurtavari, 3-5 (8) sm uzunluqda salxım çiçək qrupu əmələ gətirir. Çiçəkaltlıqları qayıqvari, uzun, ucu şiş, üzəri ağ, keçəvari tüklü, kasacığa bərabərdir. Kasacığı qalın, ağ tüklü olub, 8 mm uzunluqda dişləri vardır. Tacı zanbaqvari, yaxud qonur, quruyanda sarımtıl, kasacıqdan 2 dəfə uzun, 18-20 mm uzunluqdadır. Paxlası 1-2 toxumludur. İyun-iyul aylarında çiçəkləyir, meyvəsi avqustda yetişir.

Orta və yuxarı dağ qurşaqlarında, quru-daşlı yamaclarda bitir.

Naxçıvanda yayılmışdır.

Təsərrüfat əhəmiyyəti müəyyən edilməmişdir və mədəni halda becərilmir.

• Tragacantha mercklinii (Boiss. & Buhse) Kuntze

• Astragalus holdichianus Aitch. & Baker
• Astragalus maculatus Bunge
• Astragalus mercklinii subsp. farsicus Podlech
• Astragalus schirkuhicus Bornm.
• Astragalus stictolobus Barneby
• Astragalus strictilobus Barneby
• Astragalus sykesiae N.D.Simpson
• Tragacantha maculata Kuntze