Dəb həftəsi

Dəb həftəsi — ildə iki dəfə keçirilən, təxminən bir həftə boyunca davam edən, dəb dünyasının ən əhəmiyyətli tədbiridir. Bu tədbirlərdə modelyer-dizaynerlər, müxtəlif geyim şirkətləri son kolleksiyalarını moda nümayişlərində alıcılara və KİV-ə nümayiş etdirir. Bu dəb həftələri cari və növbəti kolleksiyaları əhatə edir.

Karmen Pedaru "Michael Kors" brendi üçün modellik edərkən, Yaz/Yay, Nyu-York Dəb Həftəsi 2013

Ən mühüm dəb həftələri Nyu-York, London, Milan və Paris kimi dünyanın dəb mərkəzlərində keçirilir. Bu şəhərlər KİV-də "Big Four", yəni "Böyük dördlü" kimi tanınır.[1]

Adıçəkilən şəhərlərdən sonra isə siyahını Los-Anceles, San-Paulu, Moskva və Sankt-Peterburq, Tokio, Helsinki, Şanxay, Berlin, Madrid, Sidney, Yeni Dehli, Kopenhagen, Vaşinqton və başqa şəhərlər davam etdirir.[2]

Yaranma tarixi

[redaktə | mənbəni redaktə et]

Dəb həftəsi konsepsiyası ilk dəfə olaraq Parisdə, marketoloqların ideyası ilə qadınların müəyyən ödəniş qarşılığında ictimai yerlərdə müxtəlif brendlərin geyimlərini geyinib göstərməsilə başladı.[3] Bu tədbirlər isə tədricən onların özlərinin sosial hadisələrinə çevrildi. Fransada bu kimi tədbirlərə hələ də "défilés de mode" deyilir, bu birləşmənin tərcüməsi isə "dəb paradları" deməkdir.

1903-cü ildə Nyu-Yorkda "Ehrich Brothers" adlı bir mağaza, orta təbəqədəki qadınları mağazaya cəlb etmək üçün ölkənin ilk moda nümayişini həyata keçirmişdi.[4] 1910-cu ilə qədər bir çox böyük mağazalar bu şəkildə özlərinin şəxsi şoularını keçirirdilər. Çox güman ki, Amerikanın pərakəndə satıcıları da bu "dəb paradlarını" gördükdən sonra bu fikri istifadə etməyə qərar verdilər. Bu "paradlar" mağazaları tanıtmaq və vəziyyətlərini yaxşılaşdırmaq üçün ən təsirli yollardan biri idi. 1920-ci illərə qədər dəb nümayişləri, ölkədəki pərakəndə satıcılar tərəfindən həyata keçirilirdi.

1943-cü ildə, ilk dəfə təşkil edilən "moda həftəsi", Nyu-York Moda Həftəsi, bir əsas məqsədlə reallaşdırıldı: II Dünya Müharibəsi dövründə Parisə gedə bilməyən dəb həvəskarlarına Fransız dəbi alternativi təqdim etmək.[5]

İlk Paris Dəb Həftəsi 1973-cü ildə baş tutmuşdur.[6]

Dəb həftələrinin keçirilmə tarixi

[redaktə | mənbəni redaktə et]

Moda həftəsi ildə iki dəfə dünyanın ən böyük moda paytaxtlarında baş tutur. Bəzilərinin keçirilmə tarixi belədir: Nyu-York – 7-15 fevral, London – 15-19 fevral, Milan – 19-25 fevral və Paris – 25 fevral-5 mart.[7]

Həmçinin bax

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ "Arxivlənmiş surət". 2019-06-03 tarixində arxivləşdirilib. İstifadə tarixi: 2020-08-07.
  2. ↑ «Big 4 Fashion Weeks Get Company.» International Herald Tribune (Oct. 3, 2006). (ing.)
  3. ↑ "Fashion History Lesson: The Evolution of Runway Shows". Fashionista (ingilis). 2023-07-07 tarixində arxivləşdirilib. İstifadə tarixi: 2017-03-21.
  4. ↑ Leach, William R. "Transformations in a Culture of Consumption: Women and Department Stores, 1890-1925" Arxivləşdirilib 2017-02-13 at the Wayback Machine. The Journal of American History. Vol. 71, No. 2 (Sep., 1984), pp. 319-342. Accessed August 14, 2011.
  5. ↑ "Amanda Fortini, "How the Runway Took Off. A brief history of the fashion show." Feb. 8, 2006". 2012-03-02 tarixində arxivləşdirilib. İstifadə tarixi: 2020-08-07.
  6. ↑ "Petite histoire de la Fashion Week en 2 minutes - Les Inrocks". 10 April 2017. 10 April 2017 tarixində orijinalından arxivləşdirilib. İstifadə tarixi: 6 September 2018.
  7. ↑ "Arxivlənmiş surət". fashionweekonline.com. 2022-05-31 tarixində arxivləşdirilib. İstifadə tarixi: 2019-03-25.