Daşqın Şikarov

Daşqın Şikarov
Daşqın Şikarov
	Daşqın Məzi oğlu Şikarov
Azərbaycan Respublikasının Birləşmiş Ərəb Əmirliyində Fövqaladə və Səlahiyyətli Səfiri
	12 yanvar 2016 – 19 mart 2019
Sonrakı	Mahir Əliyev
Azərbaycan Respublikasının Pakistan İslam Respublikasında Fövqaladə və Səlahiyyətli Səfiri
	15 mart 2011 – 23 dekabr 2015
Əvvəlki	Eynulla Mədətli
Sonrakı	Əli Əlizadə
Azərbaycan Respublikasının Əfqanıstan İslam Respublikasında Fövqaladə və Səlahiyyətli Səfiri
	20 aprel 2012 – 23 dekabr 2015
Əvvəlki	Eynulla Mədətli
Sonrakı	Vəhdət Sultanzadə
Azərbaycan Respublikasının Pakistan İslam Respublikasında Müvəqəti İşlər Vəkili
	2010 – 2 sentyabr 2011
Əvvəlki	vəzifə təsis edilib
Sonrakı	vəzifə ləğv edilib
Azərbaycan Respublikasının Xarici İşlər Nazirliyi Konsulluq İdarəsinin 1-ci Katibi
	10 dekabr 2005 – 22 mart 2007
Şəxsi məlumatlar
Doğum tarixi	29 yanvar 1973 (51 yaş)
Doğum yeri	Şamaxı, Şamaxı rayonu, Azərbaycan SSR, SSRİ;
Vətəndaşlığı	SSRİ→; Azərbaycan
Təhsili	4 saylı fars dili təmayüllü internat məktəbi[d],; BDU Şərqşünaslıq fakültəsi;
Atası	Məzi Şikarov
Dini	İslam
Təltifləri

Daşqın Məzi oğlu Şikarov (29 yanvar 1973, Şamaxı) — Azərbaycan Respublikasının dövlət xadimi və diplomatı, Azərbaycan Respublikasının Birləşmiş Ərəb Əmirliklərində Fövqəladə və Səlahiyyətli Səfiri. 2010–2011-ci illərdə Azərbaycan Respublikasının Pakistanda müvəqqəti işlər vəkili, 2011–2015-ci illərdə Azərbaycan Respublikasının Pakistanda Fövqəladə və Səlahiyyətli Səfiri, 2012–2015-ci illərdə isə Əfqanıstanda Fövqəladə və Səlahiyyətli Səfiri vəzifələrini icra etmişdir. 2011-ci ildə Azərbaycan Respublikasının Prezidenti İlham Əliyevin sərancamı ilə Azərbaycan Respublikasının Fövqəladə və Səlahiyyətli Səfir diplomatik rütbəsi verilmişdir. Bir çox elmi-publisistik məqalələrin və əsərlərin müəllifidir.

Həyatı

Daşqın Şikarov 29 yanvar 1973-cü ildə Azərbaycan SSR-in Şamaxı şəhərində dünyaya gəlmişdir. Uşaqlığı və gəncliyi Bakı şəhərində keçmişdir.

Təhsili

1990-cı ildə Bakı şəhəri S.C. Pişəvəri adına 4 saylı fars təmayüllü orta məktəbini başa vurub.
Bakı Dövlət Universitetinin Şərqşünaslıq fakültəsini bitirib.
1996-cı ildə İran İslam Respublikası Xarici İşlər Nazirliyinin Diplomatik kursunu başa vurub.
1998-ci ildə İslamabadda, Pakistan İslam Respublikası Xarici İşlər Nazirliyi tərəfindən təşkil olunmuş Diplomatik kursu bitirib.

Daşqın Şikarov azərbaycan ingilis, türk, fars, rus və urdu dillərini akademik səviyyədə bilir.

Diplomatik fəaliyyəti

Bakı Dövlət Universitetinin^{[ölü keçid]} şərqşünaslıq fakültəsini bitirmişdir. 1997–2007-ci illər ərzində Azərbaycan Respublikası Xarici İşlər Nazirliyində müxtəlif vəzifələrdə işləmişdir. 1999–2001-ci illərdə Azərbaycan Respublikasının İstanbul şəhərindəki Baş konsulluğunda xidmət göstərmişdir. 2001–2005-ci illərdə Azərbaycanın Pakistan İslam Respublikasındakı Səfirliyində üçüncü və ikinci katib, 2007–2011-ci illərdə isə həmin səfirliyin birinci katib və müvəqqəti işlər vəkili vəzifələrində işləmişdir. 2011–2015-ci illərdə Azərbaycan Respublikasının Pakistan İslam Respublikasında, həmçinin iqamətgahı İslamabad şəhərində olmaqla Əfqanıstan İslam Respublikasında fövqəladə və səlahiyyətli səfiri kimi fəaliyyət göstərmişdir. Azərbaycan Respublikası Prezidentinin 12 yanvar 2016-cı il tarixli sərəncamı ilə Azərbaycan Respublikasının Birləşmiş Ərəb Əmriliklərində fövqəladə və səlahiyyətli səfiri vəzifəsinə təyin olunmuşdur. Fövqəladə və səlahiyyətli səfir diplomatik rütbəsi var.

Daşqın Şikarov Paksitan İslam Respublikasında müvəqqəti işlər vəkili və səfir vəzifələrində işlədiyi müddətdə Azərbaycan və Pakistan arasında mövcud olan sıx dostluq və əməkdaşlıq münasibətlərinin daha da inkişaf etməsi, Azərbaycanın Paksitanda daha geniş tanınması və iki ölkənin müxtəlif sahələrdə fəaliyyət göstərən qurum və təşkilatları arasında əlaqələrin təşviq edilməsi istiqamətində uğurla fəaliyyət göstərmişdir. Daşqın Şikarovun səfir kimi fəaliyyət göstərdiyi dövrdə Heydər Əliyev Fondunun Prezidenti, UNESCO və İSESCO-nun xoşməramlı səfiri, hazırda Azərbaycan Respublikasının Birinci vitse-prezidenti Mehriban Əliyevanın təşəbbüs və rəhbərliyi altında Heydər Əliyev Fondu tərəfindən Pakistanda çox sayda müxtəlif xeyriyyə layihələri uğurla həyata keçirilmişdir.

Birləşmiş Ərəb Əmriliklərində səfir işlədiyi müddətdə Daşqın Şikarov Azərbaycan həqiqətlərinin bu ölkədə daha çox tanıdılmasına, iki ölkənin müxtəlif qurum və təşkilatları arasında əməkdaşlıq əlaqələrinin inkişafı və təşviq edilməsinə, BƏƏ-də keçirilən tədbirlərdə Azərbaycanın daha çox təmsil olunmasına nail olmuşdur. Azərbaycan Respublikası Prezidentinin Azərbaycanın qeyri-neft sektorlarının inkişafı məqsədilə verdiyi tapşırıqların icrası çərçivəsində görülən tədbirlər nəticəsində bir sıra ölkələrlə yanaşı BƏƏ-dən də Azərbaycana turist axını kəsin artmışdır. Turizm və iqtisadi sahədə əlaqələrin daha da artırılmasında birbaşa uçuşların vacib rolunu əsas götürərək Daşqın Şikarov bu istiqamətdə bir sıra təşəbbüslər irəli sürmüş, müxtəlif görüşlər, danışıqlar və tədbirlər keçirmişdir. Nəticədə 2017-ci ilin mart ayından BƏƏ-nin Air Arabia şirkəti tərəfindən Şarja-Bakı-Şarja istiqaməti üzrə uçuşlara başlamışdır. İlkin olaraq həftədə üç dəfə olan uçuşlar sonradan daha da artırılaraq hazırda gündə iki dəfəyə çatmışdır. Bununla yanaşı dünyanın ən yaxşı hava yolları şirkətləri siyahısının beşliyinə daxil olan Etihad Airways şirkətinin 2018-ci ilin mart ayından Abu Dabi-Bakı-Abu Dabi, Air Arabi şirkətinin 2018-ci ilin iyun ayından Şarja-Qəbələ-Şarja xətti üzrə birbaşa uçuşlara başlaması barədə qərarlar qəbul edilmişdir.

Daşqın Şikarovun BƏƏ-də səfir işlədiyi dövr ərzində iki ölkə arasında bir çox qarşılıqlı nümayəndə heyətlərinin səfərləri baş tutmuş, Azərbaycan məhsul və xidmətləri BƏƏ-də keçirilən müxtəlif sərgi və yarmarkalarda nümayiş etdirilmiş, bu və regionun digər ölkələrinin bazarlarına çıxarılması məqsədilə müxtəlif səviyyələrdə danışıqlar aparılmışdır. Bu müddətdə Azərbaycanın BƏƏ-də hər il keçirilən bir neçə böyük və vacib tədbirdə iştirakına başlanılmışdır.

Təltifləri və mükafatları

III dərəcəli "Vətənə Xidmətə görə" ordeni (Azərbaycan) — Azərbaycan Respublikası Prezidentinin 7 iyui 2012-ci tarixli Sərəncamı.^[4]
"Diplomatik xidmətdə fərqlənməyə görə" medalı (Azərbaycan)- Azərbaycan Respublikası Prezidentinin 7 iyui 2012-ci tarixli Sərəncamı
"Diplomatic Excellence Awards"(Pakistan) — Sülh və Diplomatiya İnstitutu tərəfindən 11 dekabr 2014-cü il.^[5]
"Gənclərin Dostu" Milli Mükafatı (Azərbaycan) — "İslahatçı Gənclər" İctimai Birliyi İdarə Heyətinin 17 dekabr 2016-cı il tarixli qərarı.^[6]
Azərbaycan Respublikasının "İlin Səfiri" Fəxri mükafatı — Azərbaycan Diaspor İnformasiya Mərkəsinin 8 aprel 2017-ci il tarixli qərarı.^[7]
"Jurnalistlərin dostu" mükafatı (Azərbaycan) -

Ailəsi

Ailəlidir, üç övladı var.

İstinadlar

↑ "Səfir Daşqın Şikarov etimadnamələrin surətini BƏƏ-də təqdim edib". 2016-12-23 tarixində arxivləşdirilib. İstifadə tarixi: 2018-10-30.
↑ "Daşqın Şikarov ölkəmizin Pakistandakı səfiri təyin olunub". 2013-02-02 tarixində orijinalından arxivləşdirilib. İstifadə tarixi: 2018-10-30.
↑ "Azərbaycanın Əfqanıstandakı yeni səfiri etimadnaməsini ölkə prezidentinə təqdim edib". 2020-10-25 tarixində arxivləşdirilib. İstifadə tarixi: 2018-10-30.
↑ "Azərbaycan Respublikasının diplomatik xidmət orqanları əməkdaşlarının təltif edilməsi haqqında Azərbaycan Respublikası Prezidentinin Sərəncamı". 2017-11-12 tarixində arxivləşdirilib. İstifadə tarixi: 2018-10-30.
↑ "Azərbaycanın Pakistandakı səfiri mükafatlandırılıb". 2021-07-28 tarixində arxivləşdirilib. İstifadə tarixi: 2018-10-30.
↑ "İslahatçı Gənclər" İB "İlin Adamı"nı və gənclərin dostlarını elan edib^{[ölü keçid]}
↑ "DAŞQIN ŞİKAROV "İLİN SƏFİRİ" SEÇİLDİ – MÜKAFAT BƏƏ-DƏ TƏQDİM OLUNDU". 2017-04-22 tarixində orijinalından arxivləşdirilib. İstifadə tarixi: 2018-10-30.

Mənbə

Azərbaycan Respublikasının Birləşmiş Ərəb Əmirliklərindəki Səfirliyinin rəsmi internet internet saytı — www.abudhabi.mfa.gov.az

[1] "Səfir Daşqın Şikarov etimadnamələrin surətini BƏƏ-də təqdim edib". 2016-12-23 tarixində arxivləşdirilib. İstifadə tarixi: 2018-10-30.

[2] "Daşqın Şikarov ölkəmizin Pakistandakı səfiri təyin olunub". 2013-02-02 tarixində orijinalından arxivləşdirilib. İstifadə tarixi: 2018-10-30.

[3] "Azərbaycanın Əfqanıstandakı yeni səfiri etimadnaməsini ölkə prezidentinə təqdim edib". 2020-10-25 tarixində arxivləşdirilib. İstifadə tarixi: 2018-10-30.

[4] "Azərbaycan Respublikasının diplomatik xidmət orqanları əməkdaşlarının təltif edilməsi haqqında Azərbaycan Respublikası Prezidentinin Sərəncamı". 2017-11-12 tarixində arxivləşdirilib. İstifadə tarixi: 2018-10-30.

[5] "Azərbaycanın Pakistandakı səfiri mükafatlandırılıb". 2021-07-28 tarixində arxivləşdirilib. İstifadə tarixi: 2018-10-30.

[6] "İslahatçı Gənclər" İB "İlin Adamı"nı və gənclərin dostlarını elan edib^{[ölü keçid]}

[7] "DAŞQIN ŞİKAROV "İLİN SƏFİRİ" SEÇİLDİ – MÜKAFAT BƏƏ-DƏ TƏQDİM OLUNDU". 2017-04-22 tarixində orijinalından arxivləşdirilib. İstifadə tarixi: 2018-10-30.

[1]

[2]

[3]

[4]

[5]

[6]

[7]