Daryarpaq mahmızlalə

Daryarpaq mahmızlalә (lat. Corydalis angustifolia) — bitkilər aləminin qaymaqçiçəklilər dəstəsinin xaşxaşkimilər fəsiləsinin mahmızlalə cinsinə aid bitki növü.

Daryarpaq mahmızlalə
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Dəstə: Qaymaqçiçəklilər Fəsilə: Xaşxaşkimilər Yarımfəsilə: Şahtərəkimilər Triba: Fumarieae Yarımtriba: Corydalinae Cins: Mahmızlalə Növ: Daryarpaq mahmızlalə
Beynəlxalq elmi adı
Corydalis angustifolia DC., 1821
Şəklin VikiAnbarda axtarışı EOL   2879985

Hündürlüyü 10-15 (20) sm, gövdəsi sadə və ya nazik tək budaqlı çoxillik ot bitkisidir. Kök yumruları kiçikdir, diametri 7-15 mm olub, şarşəkillidir, bərkdir və boz-qonur rəngdədir. Yarpaqlarının sayı 2 ədəddir, kifayət qədər uzun saplaq üzərində yerləşmişdir, uzunsov-xətvari dilimləri olan, ikiqat üçərdir. Çiçəkləri qısa, seyrək, azçiçəkli salxımda toplanmışdır. Çiçəkaltlığı üç bölümlüdür. Çiçək tacı ağ və ya tutqun-sarı rəngdədir, uzunluğu 20-23 mm-dir; mahmızları kifayət qədər nazikdir, düz və kütdür. Qutucuq xətvaridir, uzunluğu 25 mm-ə qədərdir, 2-3 dəfə çiçək saplağından uzundur. Aprel ayında çiçəkləyir. May ayında meyvə verir.

Böyük Qafqaz (Quba nadir halda), Kiçik Qafqaz şimal, Kiçik Qafqaz mərkəzi, Lənkəran dağları aşağı və orta dağ qurşaqlarında.

Meşələrdə, meşə kənarında və kolluqlarda rast gəlinir.

• Capnites angustifolius Rupr.
• Capnoides angustifolia Kuntze
• Corydalis caucasica Adams ex Steud.
• Fumaria angustifolia M.Bieb.
• Fumaria caucasica Hoffm. ex M.Bieb.
• Pistolochia angustifolia Holub