Denis Maykl Rohan

Denis Maykl Rohan (ing. Denis Michael Rohan; 1 iyul 1941 – 20 mart 2013^[1], Sidney) — 21 avqust 1969-cu ildə Əl-Əqsa məscidini yandırmağa çalışan və "Tanrı kilsəsi" təşkilatına mənsub olan Avstraliya xristianı. Hücumun səbəbi kimi özünü tanrının nümayəndəsi olaraq gördüyünü və məscidin dağıdılmasının Məsihin^[2] zühurunu sürətləndirəcəyinə inandığını bildirmişdir. Hücum cəhdi nəticəsində məsciddə yanğın baş vermiş və yanğından sonra Əl-Əqsa məscidinin divarlarında ziyanın olduğunu bildirilmişdir.^[3] Hücumdan sonra məhkəmə önünə çıxarılmış, onun ruhi xəstə olduğu qənaətinə gəlinmişdir.^[4]

Denis Maykl Rohan
Doğum tarixi	1 iyul 1941(1941-07-01)
Vəfat tarixi	20 mart 2013(2013-03-20)[1] (71 yaşında)
Vəfat yeri	Sidney, Yeni Cənubi Uels, Avstraliya
Vikianbarda əlaqəli mediafayllar

O, 14 may 1974-cü ildə "ailəsi ilə birlikdə psixiatrik müalicə almaq üçün humanitar əsaslarla" İsraildən qovulmuşdur. Daha sonra Avstraliyadakı Kellen-Park xəstəxanasına köçürüldmüşdür. Bəzi mənbələr onun 1995-ci ildə öldüyünü bildirir,^[5] lakin "Australian Broadcasting Corporation" (ABC) tərəfindən 2009-cu ildə aparılan araşdırmada onun hələ də sağ olduğu məlum olmuş, bir neçə ildən sonra "ABC" jurnalistinə verdiyi müsahibə üzə çıxmışdır.^[6][7]