Drujba neft kəməri

Drujba neft kəməri — Dünyadakı magistral neft boru kəmərləri sistemindəki ən böyüyüdür^[1]. 1960-cı illərdə SSRİ "Lengazspetsstroy" müəssisəsi tərəfindən Volqa-Ural neft və qaz bölgəsindən neftin Qarşılıqlı İqtisadi Yardım Şurasının sosialist ölkələrinə çatdırılması üçün qurulmuşdur: Macarıstan, Çexoslovakiya, Polşa və Şərqi Avropada yerləşən Almaniya Demokratik Respublikası.

Drujba neft kəməri
Ümumi məlumatlar
Tipi	neft kəməri
İstismara verilib	1964-cü il
Operatoru	Transneft[d], Transpetrol AS
Uzunluğu	4.000 km
Diametri	1.020 mm
Yerləşməsi
Ölkələr	Rusiya  Belarus
Vikianbarda əlaqəli mediafayllar

Boru kəməri marşrutu Samaradan Bryanska, oradan Mozira qədər uzanır, sonra iki hissəyə bölünür: şimal (Belarus, Polşa, Almaniya, Latviya və Litva ərazisi boyunca) və cənub (Ukrayna, Çexiya, Slovakiya, Macarıstan və Xorvatiya ərazisi boyunca).

Sistemə 8900 km boru kəməri (bunun 3900 km-i Rusiyada), 46 nasos stansiyası, 38 aralıq nasos stansiyası daxildir. Ümumilikdə neft kəməri və anbar təsərrüfatlarında 1,5 milyon m³ neft vardır. Hər il "uzaq xaric" ölkələrinə 66,5 milyon ton , o cümlədən şimal budağı ilə 49,8 milyon ton ixrac olunur. Boru kəmərini Rusiyanın "Transneft" (daha doğrusu, "Transneft Drujba" ASC-nin strukturu)və Slovakiyanın "Transpetrol" şirkəti tərəfindən idarə olunur. Transneft Drujba ASC, həmçinin Baltik dənizindəki Rusiya dəniz limanları ilə Drujbanı birləşdirən Baltik Nəqliyyat Sistemi-II üzrədə fəaliyyət göstərir^[2].

9 fevral 2012-ci ildə Oleg Valentinoviç Bogomolov "Transneft Drujba" ASC-nin baş direktoru təyin edilmişdir^[3].

Tarixi[redaktə | mənbəni redaktə et]

Boru kəmərinin inşasına 10 dekabr 1960-cı ildə başlanıldı, Əlmət inşaatın başlanğıc nöqtəsi oldu. Boru kəmərinin inşası dörd il çəkdi, lakin bəzi hissələr daha erkən işləməyə başladı. 1964-cü ilin ortalarında Drujba-1 sisteminin əsas qurğuları istifadəyə verildi və 15 oktyabr 1964-cü ildə kəmərin istifadəyə verilməsinin rəsmi mərasimi oldu.

Gələcəkdə QYŞ iqtisadiyyatının əhəmiyyətli dərəcədə böyüməsi səbəbindən, neft tədarükünün artırılmasına ehtiyac yarandı və eyni marşrutlar boyunca Drujba-2 boru kəməri sisteminin çəkilməsi qərara alındı. Drujba-2 neft kəməri 1969-cu ilin yazında qurulmağa başlandı və 1974-cü ildə tamamlandı; onun inşası SSRİ-dən neft ixracını iki dəfədən çox artırmağa imkan verdi^[4].

Maraqlı fakt[redaktə | mənbəni redaktə et]

Lipesk bölgəsində olan Drujba kəndinin ilk sakinləri onun inşasında iştirak edən neft kəmərləri işçiləri olmuşdur.

Oryol bölgəsində olduğu kimi, Trosnyanski rayonunda da "Dostluq-2" iki boruya bitişik Drujba kənd var. Məktəb binası digər tərəfindəki Drujba-2-yə bitişik olması, təhlükəli obyektin yaxınlığı səbəbindən açılmamışdır.

"Transneft Drujba" Səhmdar Cəmiyyəti (10.12.2014-cü ilədək - "Drujba magistral boru kəmərləri" ASC) "Transneft" QSC-nin törəmə şirkətidir.

İstinadlar[redaktə | mənbəni redaktə et]