Duyqu Sağ (d. 1981, İzmir) — türk immunoloq.
| Duygu Sağ | |
|---|---|
| Doğum tarixi | |
| Vətəndaşlığı | Türkiye |
| Təhsili | |
| Fəaliyyəti | alim |
| Mükafatları | L'Oreal UNESCO Beynəlxalq Yüksələn İstedad Mükafatı |
Həyata keçirdiyi tədqiqatlar, insan bağışıqlıq sisteminin xərçənglə mübarizəsini anlamağa töhfə vermişdir.[2]
1981-ci ildə İzmirdə anadan olub.[3] İbtidai və orta məktəbi İnegöldə, liseyi isə İstanbul Atatürk Fen Liseyində internatda oxuyub.[4] 2003-cü ildə Orta Doğu Texniki Universitetinin Biologiya fakültəsini bitirib.
2014-cü ilə qədər magistratura, doktorantura və postdoktorantura təhsili üçün ABŞ-də yaşamışdır. Ailəsində xərçənglə bağlı ölümlər onun xərçəng tədqiqatçısı olmasına səbəb oldu.[4]
2014-cü ildə həmkarı, alim Gerhard Vingenderlə ailə həyatı qurub və həmin il beyin axını proqramı ilə əri ilə birlikdə Türkiyəyə qayıdıb.[5] Dokuz Eylül Universitetində İzmir Biotibb və Genom Mərkəzində təhsilini davam etdirdi.[5]
Tədqiqatçı immun sistemini gücləndirərək sidik kisəsi xərçənginə qalib gəlməyi hədəfləyən işinə görə 2018-ci il "L'Oreal UNESCO Beynəlxalq Yüksələn İstedad Mükafatı"na layiq görülmüşdür.[6] 2018-ci ildə Türkiyə Elmlər Akademiyasının (TÜBA) Üstün Gənc Alim Mükafatına,[7] 2019-cu ildə isə Mustafa Parlar Təhsil və Araşdırma Vəqfi Araşdırma Təşviq Mükafatına layiq görülüb.[8]
Sağın elmi işi immun sisteminin xərçəng əleyhinə potensialını şişlə əlaqəli spesifik makrofaqlara yönəltməyə yönəlmişdir.[9] Onun komandası ilkin klinik tədqiqatlarda xolesterin daşıyıcısı ABCG1 olmayan makrofaqların güclü şişlə mübarizə aparan agentlərə çevrildiyini və sidik kisəsi xərçənginin inkişafının qarşısını aldığını müəyyən edib.[9] Xərçəngin müalicəsində yenilikçi immunoterapevtik yanaşma olaraq, məqsəd bu kritik makrofaq dəyişikliyinin altında yatan molekulyar mexanizmləri aydınlaşdırmaqdır.[9]