Elmir İbrəhimov

Elmir Akif oğlu İbrəhimov ({{DVTY}} şablonu boşdur ) — Azərbaycan Silahlı Qüvvələrinin əsgəri, İkinci Qarabağ müharibəsi şəhidi.

Elmir İbrəhimov
Elmir Akif oğlu İbrəhimov
Şəxsi məlumatlar
Doğum tarixi	2 may 1996
Doğum yeri	Saatlı rayonu
Vəfat tarixi	8 noyabr 2020 (24 yaşında)
Vəfat yeri	Daşaltı (Şuşa)
Hərbi fəaliyyəti
Qoşun növü	Quru Qoşunları
Rütbəsi	Əsgər
Təltifləri

İbrəhimov Elmir Akif oğlu 2 may 1996-cı il Saatlı rayonu Mərzəli kəndində anadan olub. Ailənin yeganə oğul övladı idi.^[1]

Elmir II Qarabağ savaşına könüllü yollanıb. Peşəkar sürücü idi, idarə etdiyi nəqliyyat vasitəsi ilə çətin yollarla ön cəbhədə olan hərbçi yoldaşlarına təminat, silah-sursat çatdırıb. Hadrut, Laçın, Şuşa ətrafında gedən döyüşlərdə iştirak edib, hərbi qənimətlər ələ keçirib. Elmir İbrəhimov 8 noyabr 2020-ci ildə döyüş tapşırığını yerinə yetirərkən Daşaltı kəndi istiqamətində minamyot atəşi ilə şəhidlik zirvəsinə ucalıb. Dostlarına silah-sursatı çatdırmağı isə bacarmışdı... 2021-ci ilin sentyabr ayında doğulduğu Saatlı rayonunda xatirəsini yaşatmaq üçün inşa edilən bulağın açılışı olub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün, habelə düşmənin əsas qruplaşmalarını və texnikasını məhv etməklə qoşunlarımızın döyüş qabiliyyətinin qorunub saxlanılmasında fərqləndiyi üçün Azərbaycan Prezidenti İlham Əliyevin sərəncamlarına əsasən əsgər Elmir İbrəhimov ölümündən sonra "Vətən uğrunda" medalı və "Cəsur döyüşçü" medalı medalları ilə təltif edilib.

• (15.12.2020) — "Vətən uğrunda" medalı (ölümündən sonra)^[2]
• (18.12.2020) "Cəsur döyüşçü" medalı (ölümündən sonra)^[3]

1. ↑ "AZƏRBAYCAN RESPUBLİKASI SAATLI RAYON İCRA HAKİMİYYƏTİ". 2022-03-17 tarixində arxivləşdirilib.
2. ↑ "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.e-qanun.az. 15.12.2020. 2021-01-16 tarixində arxivləşdirilib. İstifadə tarixi: 15.12.2020.
3. ↑ "Azərbaycan Respublikası Silahlı Qüvvələrinin hərbi qulluqçularının "Cəsur döyüşçü" medalı ilə təltif edilməsi haqqında Azərbaycan Respublikası Prezidentinin Sərəncamı". 2022-11-17 tarixində arxivləşdirilib.