Elə bir ev tapmaq çətindir ki, orada saralmış əsgər məktubları-ata və babalarımızın üçbucaq cəbhə məktubları saxlanılmasın. Əfsanəvi general Həzi Aslanov, qorxmaz Qafur Məmmədov, Gəray Əsədov, minlərlə digər cəsur azərbaycanlı öz əzizlərinə cəbhədən məktublar göndərmişdir. İndi həmin qəhrəmanların övladlarının taleyi necə qurulub? Övladlar öz atalarının yolunu necə davam etdirirlər? Film-reportaj, film-axtarış bu barədədir.
Estafet | |
---|---|
Janr | sənədli film |
Rejissor | Niyazi Bədəlov |
Ssenari müəllifləri |
Niyazi Bədəlov Rəfael Şik |
Operator | Əlibala Ələkbərov |
İstehsalçı | "Azərbaycanfilm" Kinostudiyası |
İlk baxış tarixi | 1982 |
Filmin növü | qısametrajlı sənədli film |
Ölkələr | SSRİ |
Dil | rusca |
İl | 1982 |
Texniki məlumatlar |
2 hissə 565 metr 35 mm |
Rəng | rəngli |
Stalinqrad ətrafında faşist işğalçılarının darmadağın olunmasının 40 illiyinə həsr edilən kinolentdə ata-babalarımızın şöhrət yolundan, gənclərin şanlı ənənələri ləyaqətlə davam etdirmələrindən söhbət açılır.