Ev (film, 1986)

Ev (ing. House) — ABŞ film rejissoru Stiv Mayner tərəfindən komediyalı qorxulu film janrında çəkilən ABŞ filmidir. Film ilk dəfə 27 fevral 1986-cı ildə istehsal olunmuşdur. Film ABŞ-də ilk həftədə $5 923 972 milyon, ümumi hesabda isə $19 444 631 milyon gəlir əldə etmişdir.[3][4] Filmin üç hissəli davamı da çəkilmişdir.[5] Filmin saundtrek albomu 1987-ci ildə istehsal edilmişdir.[6]

Ev
ing. House
Filmin afişası
Filmin afişası
Janr Qara komediya
Əsas mövzu Paranormal hadisələrlə dolu ev, Veteran[2]
Rejissor Stiv Mayner
Prodüser Şon Kanninhem
Baş rolda Uilyam Ket
İstehsalçı New World Pictures
İlk baxış tarixi Yanvar 1986
Filmin növü Komediyalı qorxulu film
Müddət 93 dəqiqə
Büdcə $3 milyon[1]
Gəlir $22,144,631 milyon[1]
Ölkə ABŞ ABŞ
Dil İngilis dili
İl 1988
Rəng Rəngli
IMDb ID0091223

Məzmun

[redaktə | mənbəni redaktə et]
Xəbərdarlıq Xəbərdarlıq: Yazının davamı əsərin məzmunu haqqında məlumat ehtiva edir.

Cavan yazıçı Rocer Kobb (Uilyam Ket) həyatı boyu müxtəlif uğursuzluqlar yaşayıb. Ondan həyat yoldaşı ayrılmış və oğlunu itirmişdir. Rocer nisbətən məşhurluq qazanan yazıçılardan biridir. Bir gün ona Vyetnam müharibəsi haqqında qorxulu roman mövzusu yazmaq təklif olunur. Rocer mövzusunu daha da yaxşılaşdırmaq üçün uşaqlıq vaxtlarını keçirdiyi və oğlunu itirdiyi evə gəlir. Bir müddət əvvəl onun xalası (Syuzan Frenç) özünü asmışdır. Bu müddətdən etibarən nəsilliknən xalasından özünə düşən evdə gecə vaxtları qəribə səslər eşidilməyə başlanılır. Rocerin xalası dəfn olunduqdan sonra buranı satmamaq üçün Rocer bura gəlir və kitabını kompyuterdə yazmağa başlayır.

Artıq kitabın mövzusunun bünövrəsi qoyulmuşdur. Lakin zaman keçdikcə Rocer iki mərtəbəli evin otaqlarından qəribə səslər eşitməyə başlayır. Səs gələn otağa yaxınlaşdıqda bir müddət əvvəl özünü asaraq öldürən xalasını görür. Xalası ona bu evi indidən tərk etməsini deyərək yoxa çıxır. Amma Rocer onun sözlərinə qulaq asmır və kitabını yenidən yazmağa başlayır. Bu zaman Rocer şkafdan səs eşidir. Şkafa tərəf yaxınlaşan Rocerin üzərinə qəribə bir varlıq atlanır və bunu görən Rocer otağı tərk edir. Rocer otağa baxanda həmin varlığın yoxa çıxdığını görür.

Vaxt keçdikcə Roceri həm ev, həm kitabın mövzusu, həm də real həyat düşündürməyə başlayır. Onun evinə gözlənilmədən polislər gəlir, qonşu evdən bir nəfər oğlunu Rocerin yanında qoyur, digər qonşuluqda yaşayanlardan biri Harold (Corc Vendt) isə sadəcə onunla çoxlu boş-boş sözlər danışmaq istəyir. Rocer ona burada keçirdiyi qorxulu hisslərindən danışır. Harold isə onun bir dəli olduğunu ehtimal edir.

Gecələrin birində yenədə həmin səslər eşidilməyə başlanılır. Rocerin üzərinə yenidən bir məxluqla rastlaşır. Rocer qaçan zaman təsadüfən qaranlıq otaqların birində oğlu Cimmini tapır və oölu ilə birgə qaçmağa başlayır. Rocer həyətə qaçan zaman əsərindəki qəhrəmanlardan biri olan Biq Benin (Riçard Moll) canlı ölü bədənini görür. Rocer Vyetnam müharibəsindəki və bunun əsasında yazdığı kitabdakı hadisələri yadına salmağa çalışır. Rocer müharibədə olan zaman yaralanmış Biq Beni öldürməyə yazığı gəlir. Lakin onun üzündən Biq Ben yaralanmış halda əsir düşür və böyük əziyyətlər çəkir. Bu səbəbdən Biq Ben onun həyatını məhv etmək istəmiş və onun oğlunu qaçırmışdır. Buna baxmayaraq Roer bütün qorxu hisslərini dəf edərək, Biq Benə qalib gəlir və həyatındakı hadisələri öz idarəsi altına alır. Artıq Cimmi Rocerin yanındadır və Rocerin bundan böyük arzusu yox idi.

Xəbərdarlıq Xəbərdarlığın sonu.

Mükafatlar nominasiyalar

[redaktə | mənbəni redaktə et]

Mükafatlar

[redaktə | mənbəni redaktə et]

Fransa Avoriaz Fantastik Film Festivalı

  • «Tənqidçi Mükafatı»: "Stiv Mayner" — 1986[7][8]

Nominasiyalar

[redaktə | mənbəni redaktə et]

ABŞ Saturn mükafatı

  • "Ən yaxşı aktyor": Riçard Moll — 1987
  • "Ən yaxşı aktrisa": Key Lenz — 1987[9]

Portuqaliya "Beynəlxalq Fantaziya Mükafatı"

  • "Ən yaxşı film": "Stiv Mayner" — 1989[10]

İstinadlar

[redaktə | mənbəni redaktə et]
  1. ↑ 1 2 "Weekend Box Office Results for February 28-March 2, 1986 — Box Office Mojo". Box Office Mojo. November 23, 2015 tarixində arxivləşdirilib. İstifadə tarixi: 3 Avqust 2012.
  2. ↑ House (ing.). 1985.
  3. ↑ "Kinopoisk.ru saytında filmin büdcəsi barəsində məlumat". 2008-12-11 tarixində arxivləşdirilib. İstifadə tarixi: 2012-08-28.
  4. ↑ "Kinopoisk.ru saytında film barəsində məlumat". 2021-03-23 tarixində arxivləşdirilib. İstifadə tarixi: 2012-08-28.
  5. ↑ "House (Ding Dong, You're Dead) — Rotten Tomatoes". Rotten Tomatoes. 2022-02-05 tarixində arxivləşdirilib. İstifadə tarixi: 3 Avqust 2012.
  6. ↑ "House- Soundtrack details — SoundtrackCollector.com". soundtrackcollector.com. 2020-10-06 tarixində arxivləşdirilib. İstifadə tarixi: 3 Avqust 2012.
  7. ↑ "House (1986) — Awards". Internet Movie Database. 20 October 2014 tarixində arxivləşdirilib. İstifadə tarixi: 3 August 2012.
  8. ↑ "IMDB 1986 Avoriaz Fantastic Film Festival". 2016-05-05 tarixində arxivləşdirilib. İstifadə tarixi: 2012-08-28.
  9. ↑ "IMDB 1987 Academy of Science Fiction, Fantasy & Horror Films, USA". 2012-01-02 tarixində arxivləşdirilib. İstifadə tarixi: 2012-08-28.
  10. ↑ "IMDB 1989 Fantasporto". 2016-03-07 tarixində arxivləşdirilib. İstifadə tarixi: 2012-08-28.

Xarici keçidlər

[redaktə | mənbəni redaktə et]