Fərqanə Mehdiyeva

Fərqanə Habil qızı Mehdiyeva (19 fevral 1964, Ərəbqardaşbəyli, Salyan rayonu – 2 may 2020, Bakı) — Azərbaycan şairi, Azərbaycan Yazıçılar Birliyinin üzvü (–2020), "Ulduz" jurnalının poeziya şöbəsinin rəhbəri (–2020). Prezident təqaüdçüsü.

Fərqanə Mehdiyeva
Doğum tarixi 19 fevral 1964(1964-02-19)
Doğum yeri
Vəfat tarixi 2 may 2020(2020-05-02) (56 yaşında)
Vəfat yeri
Vəfat səbəbi xərçəng xəstəliyi
Dəfn yeri
Təhsili
Üzvlüyü

Həyatı

[redaktə | mənbəni redaktə et]

Fərqanə Mehdiyeva 19 fevral 1964-cu ildə Salyan rayonunun Ərəbqardaşbəyli kəndində doğulub.[1] Əvvəlcə Bakı Mədəni-maarif texnikumunun Rejissorluq fakültəsini fərqlənmə diplomu ilə, daha sonra N.Tusi adına Pedaqoji Universitetin Filologiya fakültəsini bitirib.[2]

Azərbaycan Yazıçılar Birliyinin üzvü idi.[3]

Fərqanə Mehdiyeva 2 may 2020-ci ildə Bakıda uzun sürən xərçəng xəstəliyindən dünyasını dəyişmiş, 3 mayda Bakıxanov qəsəbəsində dəfn olunmuşdur.[4][5]

Yaradıcılığı

[redaktə | mənbəni redaktə et]

Yaradıcılığa erkən yaşlarından başlayıb. 1981-ci ildən respublika mətbuatında, radio, televiziya verilişlərində vaxtaşırı çıxışlar edib. İlk kitabı "Çəkdiklərim mənə bəsdi" 1999-cu ildə işıq üzü görüb. Sonrakı illərdə “Deyirlər dünya şirindi”, “Payızın yanında gözlərsən məni”, “İkimiz darıxsaq” kitabları ilə şeirsevərlərin ürəyinə yol tapıb.

Kitabları

[redaktə | mənbəni redaktə et]
  • “Çəkdiklərim mənə bəsdi!”,
  • “Deyirlər şirindi dünya”,
  • “Payızın yanında gözlərsən məni”,
  • “İkimiz darıxsaq...”

Məqalələri

[redaktə | mənbəni redaktə et]
  • Şeirlərinə bənzəyən şair (Məmməd Tahir-60), Ədalət. - 2015. - 20 iyun. - S.12

Təltifləri

[redaktə | mənbəni redaktə et]

Azərbaycan Prezdenti Təqaüd Fondunun təqüdçüsü olub. O, həmçinin Rəsul Rza və Mikayıl Müşfiqin adına təsis edilmiş ödüllərə layiq görülüb.[6]

İstinadlar

[redaktə | mənbəni redaktə et]
  1. ↑ Afaq Şıxlı. Göylər şairlərindi!. Arxivləşdirilib 2023-07-21 at the Wayback Machine modern.az — 19 fevral 2014
  2. ↑ Məmməd Tahir. Bir ağacın əlli yarpağı. Arxivləşdirilib 2023-07-21 at the Wayback Machine Palitra. - 2014. - 4 iyun. - S.13.
  3. ↑ ""Hərdən mənə elə gəlir ki, ailə ömürlük cəza koloniyasıdır"". 2019-10-25 tarixində arxivləşdirilib. İstifadə tarixi: 2020-05-02.
  4. ↑ "Şair Fərqanə Mehdiyeva vəfat etdi". 2020-05-05 tarixində arxivləşdirilib. İstifadə tarixi: 2020-05-02.
  5. ↑ "Nekroloq əvəzi". 2021-01-28 tarixində arxivləşdirilib. İstifadə tarixi: 2020-05-02.
  6. ↑ Yeni tatar şeiri antologiyası Arxivləşdirilib 2020-02-20 at the Wayback Machine. Bakı, DGTYB / 2016