Faiq Rüstəmov
Faiq Rüstəmov — Birinci Qarabağ müharibəsinin iştirakçısı, şəhid. Rəsulzadə qəsəbəsindəki küçələrdən biri onun adını daşıyır.[1]
| Faiq Rüstəmov | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Rəsulzadə qəsəbəsi, Bakı, Azərbaycan |
| Vəfat tarixi | (25 yaşında) |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti |
 Azərbaycan Ordusu |
| Rütbə | Əsgər |
| Döyüşlər | Birinci Qarabağ müharibəsi |
Həyatı və döyüş yolu[redaktə | mənbəni redaktə et]
Rüstəmov Faiq Əli oğlu, 3 iyun 1966-cı ildə Bakı şəhəri, Rəsulzadə qəsəbəsində anadan olub. 1973-cü ildə Azər Məmmədov adına 115 nömrəli tam orta məktəbin 1-ci sinifinə daxil olub. Məktəbi bitirdikdən sonra 1981-ci ildə 84 nömrəli peşə məktəbinə daxil olub. 1983-cu ildə həmin peşə məktəbində avtomobil elektriki ixtisasına yiyələnib. 1984-1986-cı illərdə keçmiş Sovet ordusu sıralarında hərbi hava desantı hissəsində qulluq edib. 1988-ci ildə təhsilini Neft-Kimya İnstitutunun Energetika fakültəsinə daxil olaraq davam etdirib. Axşam təhsil aldığı üçün gündüzlər 9-cu mikrorayondakı MİS-lərdən birində elektrik işləyib.
1991-ci ilin dekabrında universitetin 4-cü kursunda olanda Milli Ordu sıralarına könüllü yazılır. Füzuli, Laçın, Qubadlı və Şuşa döyüşlərində iştirak edib. Bir sıra döyüşlərdə Çingiz Mustafayevlə birlikdə olub. 15 may 1992-ci ildə Turşsu yaxınlığında döyüşlərin birində qolundan və qarın nahiyyəsindən yaralanmışdı. 2 gün sonra Hərbi hospitalda cərrahiyyə əməliyyatı zamanı dünyasını dəyişib. Dünyasını dəyişdikdən sonra anadan olduğu evin yerləşdiyi küçəyə onun adı verilib.[2]
İstinadlar[redaktə | mənbəni redaktə et]
- ↑ "Faiq Rüstəmov, Rəsulzadə, Baku" (ing. ). azerbaijan-streets.openalfa.com. 2020-12-15 tarixində arxivləşdirilib. İstifadə tarixi: 15 dekabr 2020.
- ↑ "Faiq Rüstəmov küç". wikimapia.org. 2020-12-15 tarixində arxivləşdirilib. İstifadə tarixi: 15 dekabr 2020.