Fernanda Qaray

Fernanda Qaray ( tam adı Fernanda Garay Rodrigues ) (d. 10 may 1986 - Porto Aleqro, Braziliya) — Braziliyalı voleybolçu.

Fernanda Qaray
port. Fernanda Garay Rodrigues
Şəxsi məlumatlar
Tam adı	Fernanda Garay Rodrigues
Ləqəbi	Fe Qaray
Doğum tarixi	10 may 1986 (38 yaş)
Doğum yeri	Porto Aleqre Braziliya
Vətəndaşlığı	Braziliya
Voleybolçu məlumatları
Boyu	179 sm
Çəkisi	74 kq
Bloku	288 sm.
Mövqeyi	Hücumçu
Karyerası
Komandası	Dinamo Krasnodar
Nömrəsi	16
Milli komanda karyerası
2010-günümüzə qədər	Braziliya Milli Voleybol Komandası (qadınlar)
Vikianbarda əlaqəli mediafayllar

Uşaqlıqdan bu idmanla məşğul olan Fernandanın arzusu elə voleybolçu olmaq imiş. 2002-ci ildən peşəkar karyerasına başlayan Qaray 2010-cu ilə Braziliyanın müxtəlif klublarında forma geyib. Meydandakı çeviklik və qüvvətli hücumları onun Yaponiya klubu "NEC Red Rockets"in marağına səbəb olub. 2010-cu il onun üçün ölkə xaricində oynamaqla yanaşı daha bir ilklə yadda qalıb. Mariana Şteynbrexerin (Mari) əvəzinə milliyə çağırılan Fernanda debütünü Yaponiyada keçirilən Dünya Çempionatında edir. Həmin çempionatda finalda Rusiya millisinə uduzaraq gümüş medal qazanırlar. Fernanda Qarayın həmçinin hərbi rütbəsi də var. O, çavuşdur. 2011-ci ildə Rioda keçirilən Hərbi Dünya Oyunlarında qızıl medal qazanıb. 2011-ci ildə Volley Futuro komandası tərəfindən bir illik icarəyə götürülür. Bu komanda ilə o, liqada 3-cü yeri tutur. 2012-ci ildə London Yay Olimpiya Oyunlarında Braziliya millisilə qızıl medal qazanır. 2012/13 mövsümündə yerli Sollis Nestle Osasko komandası ilə Dohada keçirilən Klublararası Dünya Çempionatının qalibi, Braziliya Superliqasının isə gümüş medalçısı adını qazanır. 2013/14 mövsümünü Fənərbağça klubunda CEV Kubokunun qalibi olur. Türkiyə Liqasında 2-ci yerlə kifayətlənsələr də, mövsüm ərzində Vakıfbankın 72 oyunluq naməğlubluq seriyasına son qoyurlar. 2013 və 2014-cü illərdə Milli komanda ilə Dünya Qran Prisinin qalibi olub. Həmçinin Pan Amerikan Oyunları və Cənubi Amerika Oyunlarında Braziliya Milli Komandası ilə dəfələrlə çempionluq yaşayıb. Hal-hazırda Rusiyanın Dinamo Krasnodar komandasında çıxış edir.

• Boy: 179 sm
• Çəki: 74 kq
• Mövqe: Hücumçu
• Blok yüksəkliyi: 288 sm
• Hücum yüksəkliyi: 308 sm
• Nömrə: 16

Tarix	Ölkə	Klub
2002-2004		São Caetano
2004-2005		MRV/Minas
2005-2008		Fiat/Minas
2008-2010		Pinheiros/Mackenzie
2010-2011		NEC Red Rockets
2011-2012		Vôlei Futuro
2012-2013		Sollys Nestle
2013-2014		Fenerbahçe
2014-2015		Dinamo Krasnodar

• "Ən dəyərli oyunçu (MVP)", 2011, Hərbi Dünya Oyunları
• "Ən yaxşı hücumçu", 2011, Hərbi Dünya Oyunları
• "Ən yaxşı top qəbulu", 2011, Dünya Qran Prisi
• "Ən yaxşı top qəbulu", 2012, London Olimpiya Oyunları
• "Ən yaxşı top qəbulu", 2012, Cənubi Amerika Klub Çempionatı
• "Ən yaxşı top qəbulu", 2011, Cənubi Amerika Çempionatı
• "Ən dəyərli oyunçu (MVP)", 2012, Yay Olimpiya Oyunları üçün Cənubi Amerika təsnifat mərhələsi
• "Ən yaxşı top qəbulu", 2012, Yay Olimpiya Oyunları üçün Cənubi Amerika təsnifat mərhələsi
• "Ən yaxşı hücumçu", 2012/13, Braziliya Superliqası
• "Ən dəyərli oyunçu (MVP)", 2013, Montreux Volley Masters
• "Ən yaxşı 4-cü zona oyunçusu", 2013, Cənubi Amerika Çempionatı

Vikianbarda Fernanda Qaray ilə əlaqəli mediafayllar var.