Fikrət Nurşirivan oğlu Bəşirov (1 yanvar 1980; Şahağac, Astara rayonu, Azərbaycan SSR – 14 yanvar 2017; Füzuli rayonu, Azərbaycan) — Azərbaycan Silahlı Qüvvələrinin əsgəri. 2017-ci ildə Azərbaycan-Ermənistan təmas xəttində ermənilərin atəşkəs rejimini pozması nəticəsində şəhid olub, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.
Fikrət Bəşirov | |
---|---|
Fikrət Nurşirivan oğlu Bəşirov | |
Şəxsi məlumatlar | |
Doğum tarixi | |
Doğum yeri | Şahağac, Astara rayonu, Azərbaycan SSR, SSRİ |
Vəfat tarixi | (37 yaşında) |
Vəfat yeri | Füzuli rayonu, Azərbaycan |
Dəfn yeri | Şahağac |
Vətəndaşlığı | Azərbaycan |
Həyat yoldaşı | Fidan Hüseynova |
Uşağı | Hacınisa Bəşirli |
Atası | Nurşirivan Bağırov (1943–2020) |
Anası | Hacınisa Bağırova (1944–2010) |
Hərbi fəaliyyəti | |
Mənsubiyyəti | Azərbaycan Ordusu |
Qoşun növü | Quru Qoşunları |
Xidmət illəri | 2014–2017 |
Rütbə | Əsgər |
Təltifləri |
Fikrət Bəşirov 1 yanvar 1980-ci ildə Astara rayonunun Şahağac kəndində anadan olub. Fikrət Bəşirovun şəhid olmadan 3 gün əvvəl qız övladı dünyaya gəldi.
Əsgər Fikrət Bəşirov 2017-ci ildə, yanvarın 14-dən 15-nə ötən gecə Azərbaycan-Ermənistan təmas xəttində ermənilərin atəşkəs rejimini pozması nəticəsində Füzuli rayonu istiqamətində şəhid olub. Yanvarın 15-i isə Fikrət Bəşirov doğulduğu Astara rayonunun Şahağac kəndində son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və əsgər Bəşirov uğrunda şəhid olduğu torpağa tapşırıldı.[1]
Fikrət Bəşirov ölümündən sonra göstərdiyi qəhrəmanlığa görə Azərbaycan Respublikası Müdafiə Naziri general-polkovnik Zakir Həsənovun sərəncamı ilə "Hərbi xidmətdə fərqlənməyə görə" III dərəcəli medalı ilə təltif edildi. Yaşadığı Astara rayonunun Şahağac kəndində şəhidimizin adını əbədiləşdirilməsi üçün plakatı qoyulub. Doğulduğu Astara rayonu Şahağac kəndində yeni inşa olunan bulaq kompleksində şəhidimiz Fikrət Bəşirovun xatirəsi əbədiləşdirilib.