Günay Mehdizadə

Günay Zebic (Mehdizadə) (tam adı: Gunay İsrail qızı Mehdizadə; d. 18 iyun 1981, Bakı şəh.) — Azərbaycan Rəssamlar İttifaqının üzvü, Türkiyə və Azərbaycan rəssamı, Bursa Zəki Müren Gözəl Sənətlər Litseyi və Azərbaycan Milli Konservatoriyası tərkibində İncəsənət Gimnaziyasının “Qardaş Məktəb” layihəsinin ideya müəllifi, təşkilatçısı. Ankarada Atatürk Ev Muzeyində sərgilənməkdə və Türkiyə Cumhuriyyəti sərvəti kimi dəyərləndirilməkdə olan “Atatürk Portreti” əsərinin müəllifi.

Günay Zebic (Mehdizadə)
Gunay İsrail qızı Mehdizadə
Doğum tarixi (42 yaş)
Doğum yeri Bakı, Azərbaycan SSR, SSRİ
Milliyyəti azərbaycanlı
Vətəndaşlığı SSRİ SSRİ →
Azərbaycan Azərbaycan
Fəaliyyəti rəssam

Haqqında[redaktə | mənbəni redaktə et]

Bu gün Günay Mehdizadə rəsmi olaraq Türkiyə və Azərbaycan rəssamı hesab olunmaqdadır. Rəssamın əsərləri Azərbaycan Respublikası Müəllif Haqları tərəfindən qorunmaqdadır.Günay Mehdizadə Azərbaycanın Əməkdar Rəssamı Bəyimxanım Hacızadənin tələbəsi olub. 2011-ci ildən etibarən Azərbaycan Rəssamlar İttifaqının üzvüdür. 2012-ci ildə Günay Mehdizadənin “Milli Qablar” əsəri Dünya Uşaq Ensiklopediyasına qeydə alındı. Rəssamın 2012-ci ildə qələmə aldığı “Novruz” əsəri “Azərbaycan Təsviri Sənətində Tarix və Şəxsiyyət” kitabına salınmışdır.

2013-cü ildə Beynəlxalq yarışmanın qalibi olan Günay Mehdizadə 2014-cü ildə Türkiyədə dördüncü Beynəlxalq Canlı Rəsm Simpoziumunda Azərbaycanı təmsil etdi. Əsərləri 2013-cü ildə gənc Azərbaycan rəssamlarının Milanda (İtaliya) keçirilən sərgisində böyük tamaşaçı rəğbəti qazanmışdır.[1]

"Qardaş məktəb" layihəsinə görə təltif edilib.

2014-cü ildə simpoziumda yaratdığı “Nar” əsəri Konyanın Modern Muzeyində sərgilənməkdədir.[2]

2015-ci ildən isə “Atatürk Portreti” əsəri Ankarada Atatürk Ev Muzeyində sərgilənməkdə və Türkiyə Cumhuriyyəti sərvəti kimi dəyərləndirilməkdədir.[3][4] 2017-ci ilin May ayında Bakı Yunus Əmrə İnstitunun təşkilatçılığı ilə İzmir Balçova Bələdiyyəsi və Kardeşlik İşbirliyi Dərnəyinin birgə əməkdaşlığı ilə “Rənglərin Qardaşlığı” layihəsinə rəssam-kurator kimi qatılaraq, iki ölkənin mədəniyyətini, sənətini və qardaşlığını təmsil etmişdir.[5]

2016-2017-ci illərdə Günay Mehdizadə xüsusilə tarixi əsərlər üzərində çalışmışdır. Müstəqilliyimizin 25-ci ildönümü zamanı Ulu Öndər Heydər Əliyevin portretini yaratmağa müvəffəq olur. Daha sonar “Atatürk Dönəmi”, “Modern Türkiyə”, “Xocalı Soyqrımı” əsərlərini yaratmışdır.

2018-ci il iyul ayında Moskvada Avrasiya Ölkələri Müəllif Hüquqları Konfederasiyasının üç günlük konfransı keçirilmiş və Günay Mehdizadə Azərbaycanı təmsil etmişdir.[6]

2019-cu il 11 martda "Fairmont Hotel”in təşəbbüsü ilə, Günay Mehdizadənin ikinci tərz sərgisi olmuşdur.[7]

2019-cu il 23 aprel XIV dəfə keçirilən Beynəlxalq Məktəblərarası Teatr festivalında layihənin Azərbaycan üzrə rəhbəri, tərtibatçısı və dekoratoru Günay Mehdizadənin təşkilatçılığı ilə festival baş tutmuşdur.[8]

Hal-hazırda Günay Mehdizadə Bursa Zəki Müren Gözəl Sənətlər Litseyi və AMK tərkibində İncəsənət Gimnaziyasının “Qardaş Məktəb” layihəsinin ideya müəllifi, təşkilatçısı və iki dövlətin mədəni əlaqələrinin inkişafı üçün önəmli hesab edilən layihənin baş kuratoru kimi çıxış etməkdədir.[2]

Evlidir.[9]

Təltif və mükafatları[redaktə | mənbəni redaktə et]

  • 2018-ci il, fevral ayının 15-də AMK tərkibində İncəsənət gimnaziyası və Türkiyə Bursa Zəki Müren Gözəl Sənətlər Litseyinin "Qardaş məktəb" layihəsinin ideya müəllifi və baş kuratoru olmaqla iki dövlət, bir millət adına dövlətlərarası təhsil və mədəni əlaqələrin inkişafındakı ölkələrimiz arasında Türk adət-ənənələrinin gənc nəslə çatdırılmasında, türk dünyası mədəniyyət və təhsilin təbliğatı adına əvəzedilməz xidmətlərinə görə mükafatlandırılmışdır.

Gənc rəssamın fəaliyyətinin mətbuatda əksi[redaktə | mənbəni redaktə et]

  1. Əliyev Z. Müasir bədii baxış milli ənənələrə söykənəndə. Ulduz qəzeti, 2014, sentyabr, s.67-70.
  2. Rəsm əsərimin Ankarada Atatürkün ev muzeyində sərgilənməsi qürurverici duyğudur. Müsahibəni apardı: F.Hüseynzadə. Palitra, 2016, 18 iyun, s.7.
  3. Əliyev Z. Rəssam Günay Mehdizadənin qədim ənənəyə müasir münasibəti. "Kaspi" qəz., 2017, 25-27 noyabr, s.24.
  4. Miniatürün gəncliyi: Rəssam Günay Mehdizadənin qədim ənənəyə müasir münasibəti haqqında. Kaspi qəzeti, 2017, 25-27 noyabr, s. 24
  5. Əliyev Z. Azərbaycanlı rəssamın əsəri "Atatürk evi"ni bəzəyir. Mədəniyyət qəzeti, 2015, 24 iyun, s.13
  6. Əliyev Z. Gənc rəssamın uğurlu axtarışları. 525-ci qəzet, 2014, 23 avqust, s. 18.
  7. Günay Mehdizadə: “Canlı rəsm simpoziumları multikultural mədəni dəyərlərin vəhdəti üçün olduqca uğurludur” Müsahibəni apardı: F.Hüseynzadə. Palitra, 2016, 18 iyun, s.7.
  8. Əsəri Türkiyə Cümhuriyyətinin sərvəti olan rəssam. Müsahibəni apardı: X.Rəis. Kaspi, 2018, 22 fevral, s.14
  9. Əliyev Z. Günay Mehdizadənin Konya uğuru. Palitra qəzeti, 2014, 10 iyun, s.13. Arxivləşdirilib 2015-04-27 at the Wayback Machine
  10. Renklerin Kardeşliği" sergisi açıldı. Hurriyet qazetesi, 2017, 2 haziran

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. ↑ Ziyadxan Əliyev. Müasir bədii baxış milli ənənələrə söykənəndə... (Gənc rəssam Günay Mehdizadənin yaradıcılığına baxış)[ölü keçid]
  2. ↑ 1 2 "Əsəri Türkiyə Cümhuriyyətinin sərvəti olan rəssam. Müsahibəni apardı: X.Rəis. Kaspi, 2018, 22 fevral, s.14". 2020-02-15 tarixində arxivləşdirilib. İstifadə tarixi: 2018-03-26.
  3. ↑ "Əsəri Türkiyə Cümhuriyyətinin sərvəti olan rəssam". 2020-01-30 tarixində arxivləşdirilib. İstifadə tarixi: 2018-03-24.
  4. ↑ "Əsəri Türkiyənin sərvəti olan azərbaycanlı kimdir?". 2018-11-07 tarixində arxivləşdirilib. İstifadə tarixi: 2018-03-24.
  5. ↑ "Rənglərin Qardaşlığı". 2020-06-26 tarixində arxivləşdirilib. İstifadə tarixi: 2018-03-24.
  6. ↑ Tanınmış rəssam ölkəmizi beynəlxalq qurumda təmsil edib
  7. ↑ İkinci tərz sərgi[ölü keçid]
  8. ↑ Kayseridə “Aləmin nəfəsi: Nəsimi” tamaşası
  9. ↑ Azərbaycandakı diplomatların ailə üzvləri məcburi köçkünlərə baş çəkib Arxivləşdirilib 2021-09-23 at the Wayback Machine - Report informsiya agentliyi (istifadə tarixi: 27.10.2020)