Hüsniyə Məhərrəmova

Hüsniyə İkram qızı Məhərrəmova (30 sentyabr 1981, Bakı) — Azərbaycan teleaparıcısı, Avroviziya Mahnı Müsabiqəsinin Azərbaycan şərhçisi və nümayəndə heyətinin rəhbəri.

Hüsniyə Məhərrəmova
Doğum tarixi 30 sentyabr 1981(1981-09-30) (42 yaş)
Doğum yeri
Təhsili
Fəaliyyəti aparıcı, prodüser
Fəaliyyət illəri 2005-ci ildən
Vikianbarın loqosu Vikianbarda əlaqəli mediafayllar

Həyatı və fəaliyyəti

[redaktə | mənbəni redaktə et]

Hüsniyə Məhərrəmova 30 sentyabr 1981-ci ildə Bakıda anadan anadan olmuşdur.[1] 1987–1998-ci illərdə Bakıda yerləşən 255 və 151 saylı orta məktəblərdə təhsil almışdır. O, orta məktəblə paralel musiqi məktəbində fortepiano şöbəsində də oxumuşdur. 1999-cu ildə Azərbaycan Dövlət Mədəniyyət və İncəsənət Universiteti aktyorluq fakültəsinə qəbul olmuş, 2003-cü ildə oranı bitirdikdən sonra Bakı Musiqi Akademiyasının solo oxuma fakültəsinə daxil olaraq ikinci ali təhsilini almışdır. Eyni ildə "Sing Your Song" yarışmasında iştirak etmiş və burada üçüncü yeri tutmuşdur.[2] Eyni zamanda, musiqişünaslıq üzrə magistratura pilləsində təhsilini davam etdirmişdir.[3]

Təhsil aldığı illərdə Hüsniyə Məhərrəmova fəaliyyət istiqamətini dəyişmiş və televiziyaya müraciət etmişdir. 2005-ci ildə İctimai Televiziya açılarkən burada müsabiqədən keçmiş və bir neçə gün sonra ilk efirinə çıxmışdır.[2] 2014-cü ilin may ayınadək o, burada prodüser, musiqili və əyləncəli verilişlər departamentinin direktor müavini və aparıcı işləmişdir.[4]

Hüsniyə Məhərrəmova 2007–2008-ci illərdə TRT Avaz-da çalışmış, 2010–2014-cü illərdə İctimai Televiziyanın musiqili və əyləncəli verilişlər departamentində direktor müavini olmuşdur. 2014–2016-cı illərdə "Euromedia" şirkətinin Bakı şöbəsinin icraçı direktoru olmuşdur. 2019-cu ilin iyul ayında Azərbaycan Dövlət Televizyasının beynəlxalq əlaqələr və protokol departamentinin rəhbəri vəzifəsinə təyin edilmiş,[5] 2020-ci ilin yanvar ayınadək burada çalışmışdır.[6] Hüsniyə Məhərrəmova 2020-ci ildən etibarən özəl sahədə direktor və media direktor vəzifələrində fəaliyyət göstərir.[7]

Hüsniyə Məhərrəmova Avroviziya Mahnı Müsabiqəsində müşahidə şurasının üzvü[2], 2008-ci ildə Azərbaycanın yarışmada debütü üçün keçirilən yerli seçim mərhələsinin aparıcısı, 2008 Avroviziya Rəqs Müsabiqəsi və 2009 Avroviziya Mahnı Müsabiqəsində xal təqdimatçısı olmuşdur. 2010 Avroviziya Mahnı Müsabiqəsidə şərhçi və reportyor, 2011 Avroviziya Mahnı Müsabiqəsində milli şərhçi, 2012-ci ildə Maltanın müsabiqədə iştiraçı üçün aparılan yerli seçim mərhələsində beynəlxalq münsiflər heyətinin üzvü olmuşdur.[8] Azərbaycanda keçirilən 2012 Avroviziya Mahnı Müsabiqəsində təşkilat komitəsinin üzvü və koordinator, 2012, 2013 və 2014-cü illərdə nümayəndə heyətinin rəhbəri, 2015, 2016 və 2017-ci illərdə prodüser və menecer kimi fəaliyyət göstərmişdir. 2019-cu ildə yenidən Azərbaycan nümayəndə heyətinin rəhbəri seçilmişdir.[9]

Şəxsi həyatı

[redaktə | mənbəni redaktə et]

Hüsniyə Məhərrəmova 2008-ci ildə "Coldünya" rok qrupunun üzvü Samir Cəfərov ilə ailə qurmuşdur.[1] Biri qız, biri oğlan olmaqla əkiz övladları var.[10]

Televiziya fəaliyyəti

[redaktə | mənbəni redaktə et]

Hüsniyə Məhərrəmova 2005–2020-ci ildə bir sıra verilişlərin aparıcısı və prodüseri olmuşdur:

Tarix Adı Telekanal Rol
2005[2] Müzik ekspress İctimai TV Aparıcı
2006–2010[11] Qaraj İctimai TV Aparıcı, prodüser
2007–2008 Qafqazlardan əsən küləklər TRT Avaz Aparıcı
2010[11] Show N1 İctimai TV Aparıcı, prodüser
2012[11] Eurasia Star İctimai TV Aparıcı
2013–2014[12] Fort Boyard Azad Azərbaycan TV Prodüser
2014[13] Böyük səhnə Azad Azərbaycan TV Aparıcı, kastinq-menecer, prodüser
2016–2019[14] V Element Azad Azərbaycan TV Aparıcı
2019–2020[6] 1azTV AzTV Aparıcı

İstinadlar

[redaktə | mənbəni redaktə et]
  1. ↑ 1 2 "Hüsniyyə Məhərrəmova ilə müsahibə". milli.az. 2011-07-29. 2023-07-21 tarixində arxivləşdirilib. İstifadə tarixi: 31-10-2022.
  2. ↑ 1 2 3 4 "İTV-nin aparıcısı Hüsniyə Məhərrəmova". modern.az. 2011-09-08. 2023-07-21 tarixində arxivləşdirilib. İstifadə tarixi: 2022-10-31.
  3. ↑ "Телеведущая Усния Магеррамова" (rus). trend.az. 17 декабря 2012. 2022-11-02 tarixində arxivləşdirilib. İstifadə tarixi: 2022-10-31.
  4. ↑ "Канал ITV покинула известная телеведущая". 1news.az. 21 мая 2014. 2023-07-21 tarixində arxivləşdirilib. İstifadə tarixi: 2022-10-31.
  5. ↑ "Hüsniyə Məhərrəmova AzTV-də Departament rəhbəri oldu". aznews.az. 2019-07-09. 2022-11-02 tarixində arxivləşdirilib. İstifadə tarixi: 2022-10-31.
  6. ↑ 1 2 "Hüsniyə AzTV-dən gedib". redaktor.az. 2020-03-13. 2022-11-02 tarixində arxivləşdirilib. İstifadə tarixi: 2022-10-31.
  7. ↑ "Məşhur aparıcı işdən qovulmasından danışdı: "Buradan da ayrılmalı olacam"". publika.az. 2020-07-03. 2022-11-02 tarixində arxivləşdirilib. İstifadə tarixi: 2022-10-31.
  8. ↑ "Malta: Azerbaijani TV host is a jury member" (ingilis). esctoday.com. 2011-02-08. 2022-11-02 tarixində arxivləşdirilib. İstifadə tarixi: 2022-10-31.
  9. ↑ "Azerbaijan: Husniye Maharramova Returns as Head of Delegation" (ingilis). eurovoix.com. 2019-01-26. 2022-11-02 tarixində arxivləşdirilib. İstifadə tarixi: 2022-10-31.
  10. ↑ "Hüsniyyə əkizlərindən danışdı". axsam.az. 2014-12-16. 2023-07-21 tarixində arxivləşdirilib. İstifadə tarixi: 2022-10-31.
  11. ↑ 1 2 3 "Известные телеведущие стали ведущими проекта "Большая сцена" в Азербайджане" (rus). trend.az. 24 января 2014. 2022-11-02 tarixində arxivləşdirilib. İstifadə tarixi: 2022-10-31.
  12. ↑ "Первая схватка звезд Азербайджана на арене "Форт Боярд"" (rus). news.day.az. 19 сентября 2013. 2022-11-02 tarixində arxivləşdirilib. İstifadə tarixi: 2022-10-31.
  13. ↑ Асадова И. ""Большая сцена" уже в эфире" (rus). Эхо. 28 января 2014. 2014-07-06 tarixində arxivləşdirilib. İstifadə tarixi: 2022-10-31.
  14. ↑ "Пятый элемент известного азербайджанского художника" (rus). trend.az. 2016-02-10. 2022-11-02 tarixində arxivləşdirilib. İstifadə tarixi: 2022-10-31.