Həndəsi orta

${\displaystyle n}$ müsbət ${\displaystyle a_{1},a_{2},\dots ,a_{n}}$ ədədinin həndəsi ortası onların hasilinin ${\displaystyle n}$ dərəcəli hesabi kökünə deyilir:

${\displaystyle G={\sqrt[{n}]{a_{1}\cdot a_{2}\cdots a_{n}}}}$ və ya ${\displaystyle G={\sqrt[{n}]{\prod \limits _{i=1}^{n}a_{i}}}}$.

İki ədədin həndəsi ortası onlarla orta mütənasib də deyilir. Bir neçə ədədin həndəsi ortası digər ortalar kimi onların ən kiçiyi ilə ən böyüyü arasında olur. Bir neçə ədədin həndəsi ortası onların qüvvət ortasının xüsusi halıdır.

1. M.Mərdanov, S.Mirzəyev, Ş. Sadıqov Məktəblinin riyaziyyatdan izahlı lüğəti. Bakı 2016, "Radius nəşriyyatı", 296 səh.