Hacı Mirmehdizadə
Hacı Mükərrəm oğlu Mirmehdizadə (1 yanvar 1968, Dondarlı, Qubadlı rayonu) — Azərbaycan iqtisadçısı, hüquqşünas; SSRİ yunan-roma güləşçisi. SSRİ-Əfqanıstan müharibəsi və Qarabağ müharibəsi iştirakçısı; Muğanbank-ın Sənaye filialının müdiri (2018).
| Hacı Mirmehdizadə | |
|---|---|
 | |
| Şəxsi məlumatlar | |
| Doğum tarixi | 1 yanvar 1968 (56 yaş) |
| Doğum yeri | |
| Təhsili | |
| Hərbi fəaliyyəti | |
| Rütbəsi | kiçik leytenant[d] |
| Döyüşlər | |
| Təltifləri |
    |
Həyatı
[redaktə | mənbəni redaktə et]Hacı Mirmehdizadə 1968-ci il yanvarın 1-də Qubadlı rayonun Dondarlı kəndində anadan olub. 1985-ci ildə Dondarlı kəndi orta məktəbini bitirib , həmin il Bakıdakı Maliyyə kredit Texnikumuna qəbul olub. Uşaqlıqdan güləş idmanı ilə məşğul olan Hacı Mirmehdizadə Ukraynada keçirilən SSSR yunan-roma güləşi üzrə 1-ci yerə çıxıb.
Orta məktəbdə oxuduğu illərdə bir neçə dəfə rayon çempionu, iki dəfə respublika çempionu olub. Yunan-roma güləşi üzrə (klassik güləş) idman ustasıdır.
1986-ci ildə hərbi xidmətə çağırılmış və Özbəkistan Respublikasının Cercik şəhərində desant hissəsində qulluq edir, 2 ay sonra xidmətini Əfqanıstan Respublikasında davam etdirir.[1] Burada ağır döyüşlərdə 2 dəfə yaralanır. Döyüşlərdə göstərdiyi şücaətə görə 3 dəfə Qırmızı Ulduz ordeni ilə, “İgidliyə görə” medalı və Mərkəzi Komitənin adından fəxri fərmanla, həmçinin Əfqanıstan rəhbərliyinin adından medalla təltif olunur. 1989-cu ildə kiçik leytenant rütbəsi ilə xidmətini başa vurur. 1990-ci ildən Qarabağ müharibəsində özünümüdafiə batalyonunda xidmət edir. Sonra texnikumda təhsilini davam etdirir. Texnikumu bitirdikdən sonra BDU-nun hüquq fakültəsinə daxil olur.[2] Hüquq fakültəsini bitirdikdən sonra işlədiyi dövrdə Azərbaycan Dövlət İqtisad Universitetinin Maliyyə və İqtisadiyyat fakültəsini də bitirir.
Fəaliyyəti
[redaktə | mənbəni redaktə et]Bakı Dövlət Universitetini bitirdikdən sonra Bank sistemində çalışmağa başlayır, Sənaye bankında kredit mütəxəssisi kimi fəaliyyəti davam etdirir.
BUSB bankda müdir müavini, müdir, 2003-ci ildən “Zaminbank” ASC “Sənaye” filialında müdir vəzifəsinə təyin olunur.
2018-ci ildən “Muğanbank” ASC-nin Sənaye filialının müdiri vəzifəsində çalışır.[3]
Mükafatları
[redaktə | mənbəni redaktə et]- "Qırmızı ulduz" ordeni — 3 dəfə[4]
- SSRİ-nin “İgidliyə görə” medalı;
- Орден "Афганская слава"
- "Hərbi xidmətdə fərqlənməyə görə" medalı
- "AVMVİB" Xatirə medalı — 2019[5]
İstinadlar
[redaktə | mənbəni redaktə et]- ↑ ""Əfqanıstan döyüşlərini unuda bilmirəm"". 2022-02-17 tarixində arxivləşdirilib. İstifadə tarixi: 2022-02-17.
- ↑ "V.Bayramov. Veteran döyüşçü torpaqlarımızın işğaldan azad edilməsi yolunda silaha sarılmağa hazırdı. — "Xalq qəzeti"" (PDF). 2022-02-17 tarixində arxivləşdirilib (PDF). İstifadə tarixi: 2022-02-17.
- ↑ "«Zamin» Bankın Sənaye filialı". 2022-06-22 tarixində arxivləşdirilib. İstifadə tarixi: 2022-02-17.
- ↑ "Dövlət Əfqanıstan veteranlarına daim qayğı göstərir". 2022-02-17 tarixində arxivləşdirilib. İstifadə tarixi: 2022-02-17.
- ↑ VMVİB DAHA BİR MÜHARİBƏ VETERANINI TƏLTİF ETDİ[ölü keçid]