Hacıağa Hacılı (30 yanvar 1998, Azərbaycan) — Azərbaycanlı futbolçu. Zirə futbol klubunda yarım müdafiəçi kimi çıxış edir.
| Hacıağa | ||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Ümumi məlumatlar | ||||||||||||||||||||||||||||||||||||||||
| Tam adı | Hacıağa Habil oğlu Hacılı | |||||||||||||||||||||||||||||||||||||||
| Doğum tarixi | ||||||||||||||||||||||||||||||||||||||||
| Doğum yeri | Ağdam, Azərbaycan | |||||||||||||||||||||||||||||||||||||||
| Vətəndaşlığı | Azərbaycan | |||||||||||||||||||||||||||||||||||||||
| Boyu | 177 sm | |||||||||||||||||||||||||||||||||||||||
| Mövqeyi | Yarım müdafiəçi | |||||||||||||||||||||||||||||||||||||||
| Klub haqqında məlumat | ||||||||||||||||||||||||||||||||||||||||
| Klub | Zirə | |||||||||||||||||||||||||||||||||||||||
| Karyerası | ||||||||||||||||||||||||||||||||||||||||
|
||||||||||||||||||||||||||||||||||||||||
|
|
||||||||||||||||||||||||||||||||||||||||
Hacıağa Hacılı futbola Qəbələ futbol klubunun akademiyasında başlayıb. 2017-ci ildə "Qəbələ"nin əsas komandasına dəvət edilir. Futbolçunun "Qəbələ2 klubunda rəsmi debütü, 29 noyabr 2017-ci ildə, Azərbaycan kubokunda "İmişli" klubuna qarşı oyunda baş tutur. Debüt etdiyi oyunda komandası 8–0 qələbə qazanır və qollardan birinin müəllifi Hacıağa olur.[1]
2018-ci il fevralın 24-də Səbail klubu ilə oyunda Hacılı Azərbaycan Premyer Liqasında "Qəbələ"nin heyətində debüt edir.[2]
2018-ci ilin yayında futbolçu Qarabağ klubuna icarəyə verilir. 2019-cu ilin yanvarında, Hacılını tam transfer edən, "Qarabağ" onunla 4 illik müqavilə imzalayır. Bu tansfer üçün "Qarabağ" klubu "Qəbələ"yə 100 min avro ödəyir.[3] Futbolçunun "Qarabağ" klubunda debütü, 23 sentyabr 2018-ci ildə, keçmiş klubu "Qəbələ" ilə oyunda baş verir.[4]
2020-ci il avqustun 1-də "Zirə" FK Hacılını bir illik icarəyə götürdüyünü açıqlayır.[5] 20 sentyabr 2020-ci ildə, "Zirə" klubunun Sabah klubu ilə oyunda, 90 dəqiqı meydanda olaraq, yeni komandasında debüt edir.[6]
1 iyul 2023-cü ildə, "Zirə" ilə yeni 2 illik müqavilə imzalayır.[3]
2013-cü ilin yanvar ayında "Azərbaycan U-16 milli komandası"nın təlim məşq toplantısına dəvət edilir.[7] Bu Hacıağa Hacılının milli komandalara ilk dəvəti olur.
2014-cü ildə futbolçu, "Azərbaycan U-16 milli komandası"na dəvət edilir. 20 oktyabr 2014-cü ildə Azərbaycan millisinin "Belçika U-17 milli komandası" ilə oyunda, 90 dəqiqə meydanda olaraq, milli komandalarda ilk rəsmi oyununa çıxır.[8]
4 oktyabr 2016-cı ildə, "Azərbaycan U-19 milli komandası"nın Avstriyalı həmyaşıdları ilə baş tutmuş oyunda meydana çıxaraq, "Azərbaycan U-19" milli komandasında debüt edir.
22 mart 2018-ci ildə, "Azərbaycan U-21 milli komandası"nın "Kosova U-21 milli komandası" ilə baş tutmuş oyunda meydana çıxaraq, "Azərbaycan U-21 milli komandası"nda debüt edir.[9]
Qarabağ