Hoker zirinci

Hoker zirinci (lat. Berberis hookeri) — bitkilər aləminin qaymaqçiçəklilər dəstəsinin zirinckimilər fəsiləsinin zirinc cinsinə aid bitki növü.

Hoker zirinci
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Dəstə: Qaymaqçiçəklilər Fəsilə: Zirinckimilər Cins: Zirinc Növ: Hoker zirinci
Beynəlxalq elmi adı
Berberis hookeri Lem.
Şəklin VikiAnbarda axtarışı NCBI   258172 EOL   2905762

Himalay dağlarında, Sikkimdə, Butanda yayılmışdır.

Möhkəm budaqlı, çoxsaylı zoğları, enli, şaxələnmiş çətiri olan, iynəli, həmişəyaşıl koldur. Yaşlı bitkilərdə yan zoğları aşağıya sallanır. Hündürlüyü 1-1,5 m-dir. Qabığı sarı və ya boz-sarı, möhkəm iynələri 3 sm-dir. Yarpaq yerləşməsi növbəli, yarpaqları 2-3 ədəd, sadə, iri, ellipsvariyədək dəyişir, yazda və yayda parlaq yaşıl, payızda qızılı-qırmızı və ya qırmızıdır, alt tərəfi mavidir, kənarları xırda dişlidir, uzunluğu 4-8,5 sm, eni 1-2,5 sm-dir. Çiçəkləri sarı, çoxsaylı, xoş qoxulu, salxımvari çiçək qruplarında toplaşmışdır. May-iyun aylarında çiçəkləyir. Meyvələri uzunsov, qırmızı, parlaq, payızın əvvəlində yetişir. Kökləri nazik, güclüdür.

Günəşə, yarımkölgəyə davamlıdır, torpağa tələbkar deyil, quru və nəmişli, zəif turşulu və qələvili torpaqlara dözür. Yaxşı budanır.

Mədəni şəraitdə park və bağlarda becərilir.

Alpinari, bağ və kecilməz canlı çəpərlərin salınması üçün yararlıdır.