Kənan Quliyev (güləşçi)

Kənan Quliyev — Azərbaycanı təmsil edən güləşçi.

Kənan Quliyev
Şəxsi məlumatlar
Tam adı	Kənan Quliyev
Vətəndaşlığı	Azərbaycan
İdman növü	Güləş
Medallar Yeniyetmələrin Olimpiya Oyunları Gümüş 2010 Sinqapur -54 Kq.

Karyerası[redaktə | mənbəni redaktə et]

Kənan Quliyev 2010-cu ildə yeniyetmələr arasında Azərbaycan Çempionatının qalibi oldu.

Kənan Quliyev 2010-cu ildə Sinqapurda baş tutan Yeniyetmələrin I Yay Olimpiya Oyunlarında mübarizə apardı.^[1] Kənan Quliyev qrup mərhələsinin birinci görüşdə Kolumbiya nümayəndəsi Yerzon Hernandez ilə üz-üzə gəldi.^[2] Həmin görüşdə Kənan Quliyev rəqibinə qalib gəldi — 2:0 (5:0, 2:1).^[2] Növbəti görüşdə isə onun rəqibi Sinqapur nümayəndəsi Kester Çun Yu Lun oldu.^[2] Bu görüşdə də Kənan Quliyev rəqibinə qalib gəldi — 2:0 (6:0, 7:0).^[2] Qrup mərhələsinin üçüncü görüşündə Kənan Quliyev Avstraliya nümayəndəsi Cayden Lavrense üzərində təmiz qələbə qazandı.^[2] Bununla da Kənan Quliyev qrup mərhələsini birinci pillədə başa vurdu və Sinqapur Olimpiadasının final görüşnə vəsiqə qazandı.^[2] Həlledici görüşdə onun rəqibi Yaponiya nümayəndəsi Yuhi Tahahaşi oldu.^[2] Gərgin idman mübarizəsi şəraitində baş tutan final görüşündə qalib gələn tərəf Yuhi Tahahaşi oldu — 2:0 (4:0, 4:0).^[2] Bununla da Kənan Quliyev Yeniyetmələrin I Yay Olimpiya Oyunlarının gümüş medalına sahib oldu.^[2]

İstinadlar[redaktə | mənbəni redaktə et]