Kərbəla dilbəri (roman)

Kərbəla dilbəri (ərəb. غادة كربلاء‎) — Ərəb yazıçısı, tarixçisi, maarifçisi və publisisti Circi Zeydanın Kərbəla hadisəsindən bəhs edən romanı.

Kərbəla dilbəri
غادة كربلاء
Əsərin 2019-cu il azərbaycanca nəşrinin üz tərəfi
Müəllif	Circi Zeydan
Janr	Roman
Orijinalın dili	Ərəbcə
Orijinalın nəşr ili	1901
Tərcüməçi	Eldar Məmmədov
Nəşriyyat	Bakı Kitab Klubu (2008)
Səhifə	336
Tiraj	300
ISBN	ISBN 978-9952-8087-8-0

Xəbərdarlıq: Yazının davamı əsərin məzmunu haqqında məlumat ehtiva edir.

Ərəb ədəbiyyatında tarixi roman janrının formalaşdırılmasında xüsusi rolu olan Circi Zeydan (1861-1914) məhəbbət və sədaqət rəmzi ola biləcək qəhrəmanlarını islam dininin yaranmasının ilk illərində baş vermiş hadisələrin, o cümlədən Kərbəla şəhidliyinin, içərisindən keçirərək bir-birinə qovuşdurur. Əsər, bir qədər sərbəst yozulsa da, tarixi faktlar və qeyri-adi vəziyyətlərlə zəngindir, maraqla oxunur və zamanının ruhunu oxucuya çatdırır. Min bir gecə nağıllarındakından heç də geri qalmayan sərgüzəştlərlə dolu, islam tarixinə hörülmüş məhəbbət romanı. Aleksandr Dümanın əsərlərinin xilafətin saray intriqaları, Mediçi üslubunda sui-qəsd və qətllərini təsvir edən ərəb analoqu. Eyni zamanda, Kərbəla düzündə İmam Hüseynin qətlini təsvir edəcək dərəcədə mötəbər bir əsər. Gənclər bu kitabı bir məhəbbət və sərgüzəşt romanı, yaşlılar isə islam dininin yaranmasının ilk illərinin xronikası kimi oxuya bilər.

Xəbərdarlığın sonu.

Roman Eldar Məmmədov tərəfindən Azərbaycan dilinə tərcümə edilib, Bakı Kitab Klubunda 2008-ci ildə^[1] 336 səhifədə, 300 tirajla, 2019-cu ildə isə 100 tirajla çap edilib.

Kitab Klubunun 2010-cu il yanvar monitorinqinə görə ən çox oxunan kitablar arasında 25-ci yerdə olub.^[2]

• "Kərbəla dilbəri" ( (az.)). kitabklubu.org. 2017-10-28 tarixində arxivləşdirilib. İstifadə tarixi: 2020-02-01.