Kampaniya (İtaliya)

Kampaniya (it. Campania) — İtaliya muxtar vilayətlərindən biri. Regiounun əhalisi 5,8 milyon nəfərdir və bu göstəriciyə görə Kampaniya İtaliya regionları arasında ikinci yeri tutur. 13.590 km² ərazisi olan Kampaniya əhalisinin sıxlığına görə ölkədə birinci yerdədir.

Kampaniya
Campania
Bayraq[d] Gerb
40°54′38″ şm. e. 14°55′14″ ş. u.HGYO
Ölkə	İtaliya[1]
İnzibati mərkəz	Neapol
Tarixi və coğrafiyası
Yaradılıb	1970
Sahəsi	13.670,95 km²
Hündürlük	322 m
Saat qurşağı	UTC+01:00 UTC+02:00
Əhalisi
Əhalisi	5.786.373 nəf. (2019)[2]
Rəqəmsal identifikatorlar
ISO kodu	IT-72
Rəsmi sayt
Vikianbarda əlaqəli mediafayllar

Antik dövrdə Kampaniya Böyük Yunanıstanın tərkib hissəsi idi. Pun müharibələri vaxtı ərazi Hannibal tərəfindən tutulmuşdu. Sonra Kampaniya Roma hakimiyyəti altında keçdi. 476-cı ildə Roma imperiyasının düşməsindən sonra ərazi ostqotlar, Bizanslılar və lanqobardların hakimiyyəti altında idi. XI əsrdən etibarən Kampaniyanın ərazisi Siciliya krallığına daxil olurdu. 1282-ci ildə baş vermiş antifransız üsyanından sonra keçmiş Siciliya krallığının materik hissəsi Neopol krallığı adlanmağa başladı. 1816-cı ildə keçmiş Siciliya krallığının hər iki hissəsi İki Siciliya krallığı adı altında yenidən birləşdirilmişdi. 1861-ci ildə krallıq tərkibində Kampaniya birləşmiş İtaliyanın tərkibinə daxil oldu.