Kommunizm qurbanlarına həsr olunmuş abidə

Kommunizm qurbanlarına həsr olunmuş abidə
Kommunizm qurbanlarına həsr olunmuş abidə
	çex. Pomník obětem komunismu
	Heykəllərin yaxından görüntüsü
	Abidənin ümumi görüntüsü
	50°04′52″ şm. e. 14°24′15″ ş. u.HGYO
Ölkə	Çexiya
Şəhər	Praqa
Heykəltaraş	Olbram Zubek
Memar	Yan Kerel ; Zdenek Xolzel
Tikilmə tarixi	22 may 2002
Material	tunc, beton, tunc
	Vikianbarda əlaqəli mediafayllar

Kommunizm qurbanlarına həsr olunmuş abidə (çex. Pomník obětem komunismu) — abidə 1948-1989-cu illər ərzində ölkəni idarə edən kommunist rejimin qurbanlarına həsr olunub. Yeddi heykəlcikdən ibarət olan abidə Praqanın tarixi Malo strana bölgəsində, Ujezd küçəsində yerləşir^[3].

Abidənin qoyulması və məzmunu

Abidə ölkədə kommunist rejimin devrilməsindən 12 il sonra 22 may 2002-ci ildə qoyulub. Abidə çex heykəltaraşı Olbram Zubek və memarlar Yan Kerellə Zdenek Xolzelin ortaq işidir. Abidənin qoyulması yerli hakimiyyət və Siyasi Məhbuslar Konfederasiyası tərəfindən dəstəklənmişdir^[4].

Memorial abidə pilləkandan aşağı düşən 7 bürünc heykəldən ibarətdir. Gözlə baxıldığı zaman ən axıra doğru heykəllərin daha da çox dağıntılı olması, hissələrinin olmaması, bədənlərindəki qopuqlar gözə çarpır. Heykəllərin bədənində olan bu qopuqlar siyasi məhbusların kommunist rejimindən nə dərəcədə ziyan gördüyünü simvolizə edir.

Memorial abidənin mərkəzində yerləşən bürünc lövhəcikdə kommunizm qurbanı olanların sayını göstərən yazılar həkk olunub:

205486 nəfər həbs olunub.

170938 nəfər deportasiya olunub.

4500 nəfər türmədə ölüb.

327 nəfər həbsdən qaçmağa cəhd edərkən öldürülüb.

248 nəfər edam olunub.

Digər yandakı bürünc lövhəcikdə isə yazılıb:

Kommunizm qurbanlarına həsr olunmuş abidə təkcə həbs olunub edam olunanlara yox, eləcə də həyatı totalitar rejim tərəfindən dağıdılan insanlara həsr olunub.