Leyla Ramazanlı

Leyla Nurəddin qızı Ramazanova (d. 30 avqust 1988, Bakı) — Azərbaycanlı müğənni və aparıcı.

Leyla Ramazanlı
Ümumi məlumatlar
Doğum tarixi (35 yaş)
Doğum yeri Bakı, Azərbaycan Azərbaycan SSR
Vətəndaşlığı Azərbaycan
Milliyyəti Azərbaycan Azərbaycan
Musiqiçi məlumatları
Fəaliyyəti müğənni, aparıcı
Fəaliyyət illəri 1991-indiyədək
Janrlar pop, rok, klassik

Həyatı[redaktə | mənbəni redaktə et]

Leyla Nurəddin qızı Ramazanova 1988-ci ilin 30 avqustunda Bakı şəhərində anadan olmuşdur. Atası Nurəddin Ramazanov Birinci Qarabağ müharibəsi zamanı Qubadlı və Laçın istiqamətində gedən döyüşlərdə şəhid olmuşdur.[1][2] Leyla ibtidai təhsilini 132 saylı orta məktəbdə almışdır. İlk ali təhsilini Azərbaycan Dövlət İqtisad Universtitetinin Beynəlxalq İqtisadi Münasibətlər, ikinci ali təhsilini isə, Azərbaycan Dövlət Mədəniyyət və İncəsənət Universitetinin Musiqi Sənəti fakültəsində almışdır. 3 yaşından Tofiq İsmayılov adına Uşaq Gənclər Yaradıcılıq Sarayının Cücələrim mahnı ve rəqs ansamblında rəqs, piano, vokal dərnəklərində məşğul olub.[3] Cücələrim ansamblı ilə birlikdə dünyanın bir çox ölkələrində Fransa, İspaniya, Türkiyə, Almaniya, Brazilya və s. Azərbaycan incəsənətini təmsil edib. İlk cıxışı 3 yaşındaykən Heydər Əliyev adına Sarayda Cücələrim mahnısını ifa edib. 7 yaşındaykən Eldar Mansurovun bəstəsi olan "Vətən" adlı mahnını ifa edib.[3] 7 yaşından 18 yaşınadək Azərbaycan Dövlət Televiziyasının Uşaq Gənclər redaksiyasında "Sehirli güzgü" "Pəncərə" ve başqa verilişlərin aprıcısı olub. İlin müğənnisi, Qran-pri (Qələbə mahnısına görə), İlin klipi, ilin mahnısı və digər mükafatlara layiq görülmüşdür. 2012-ci ildə türk müğənnisi Emre Aydınla birgə Buta Palace-da konsert vermişdir.[4] [5] Tofiq İsmayılov adına Uşaq Gənclər Yaradıcılıq Sarayında bədii rəhbər[6], Bakı Şəhər Mədəniyyət Baş İdarəsində menecer, Səttar Bəhlulzadə adına Mədəniyyət Sarayında direktor vəzifəsində çalışmışdır. Hal-hazırda Dövlət Sərhəd Xidmətinin Mədəniyyət mərkəzində çalışır. 18 klipi, 40-dan çox mahnısı var.

2019-cu ildə ailə həyatı qurmuş[7], bir oğlu var.[8]

Diskoqrafiya[redaktə | mənbəni redaktə et]

Mahnılar[redaktə | mənbəni redaktə et]

  • Cücələrim [9]
  • Belə birdən getmə
  • Belə birdən getmə (remix)
  • Azərbaycan [10]
  • Gələcəksən
  • Get
  • Göy qurşağı
  • İsti-isti
  • Melisa
  • Naz eyləyir
  • Nələr oldu?
  • Olmaz olmaz
  • Qəlbini dinlə
  • Qələbə
  • Sadəcə unutmalıyam
  • Sadəcə unutmalıyam (remix)
  • Sehrbaz
  • Sənə dəyməz [11][12]
  • Sənin üçün
  • Sev məni
  • Sığınıram xəyallara
  • Unut
  • Yuxular [13]
  • İnanma
  • Səbr elə [14]
  • Məsafələr
  • Gecələr
  • Qayıt gəl
  • Çox özəl [15]
  • Heç kəs bilmədi
  • Ayrılıqdı qismətimiz

İstinadlar[redaktə | mənbəni redaktə et]

  1. ↑ ""Şəhidlər ölməz, Vətən bölünməz" layihəsində igid döyüşçü Nurəddin Ramazanov xatırlanıb". baku-art.com (az.). 2023-07-26 tarixində arxivləşdirilib.
  2. ↑ "Şərəfli ömür yolu". muallim.edu.az (az.). 2021-09-21 tarixində arxivləşdirilib.
  3. ↑ 1 2 "Leyla Ramazanlı: "Mən 7 yaşından səhnədəyəm"". news.day.az (az.). 2021-09-17 tarixində arxivləşdirilib.
  4. ↑ "Emre Aydın və Leyla Ramazanlı bir səhnədə..." muz-tv.az. 2021-09-21 tarixində arxivləşdirilib. İstifadə tarixi: 3 mart 2021.
  5. ↑ "Leyla Ramazanlı "Qran pri" aldı". milli.az. 2023-07-26 tarixində arxivləşdirilib. İstifadə tarixi: 27 fevral 2021.
  6. ↑ "S.Bəhlulzadə adına Mədəniyyət evinin Yorulmayan Direktoru Leyla Ramazanlı". aia.az (az.). 2021-09-26 tarixində arxivləşdirilib.
  7. ↑ "Leyla Ramazanlı kliplərinin rejissoruna ərə getdi". xezerxeber.az (az.). 2021-09-25 tarixində arxivləşdirilib.
  8. ↑ "Leyla Ramazanlı ana oldu". sia.az (az.). 2020-10-01 tarixində arxivləşdirilib.
  9. ↑ "Leyla Ramazanlı 'Cücələrim'ə klip çəkdirdi". 2023-07-26 tarixində arxivləşdirilib. İstifadə tarixi: 2021-02-24.
  10. ↑ "Leyla Ramazanlı yeni klipi hazır oldu". 2021-09-25 tarixində arxivləşdirilib. İstifadə tarixi: 2021-02-24.
  11. ↑ "Leyla Ramazanlı: "Sənə dəyməz"". 2023-07-26 tarixində arxivləşdirilib. İstifadə tarixi: 2021-02-24.
  12. ↑ "Leyla Ramazanlıdan yeni mahnı". 2021-09-18 tarixində arxivləşdirilib. İstifadə tarixi: 2021-02-24.
  13. ↑ "Leyla Ramazanlı "Yuxular"da". 2023-07-26 tarixində arxivləşdirilib. İstifadə tarixi: 2021-02-24.
  14. ↑ "Leyla Ramazanlı yeni mahnıları ilə pərəstişkarlarını sevindirəcək". 2021-09-21 tarixində arxivləşdirilib. İstifadə tarixi: 2021-02-24.
  15. ↑ Leyla Ramazanlıdan “Çox özəl”[ölü keçid]

Xarici keçidlər[redaktə | mənbəni redaktə et]